Jueces 6:15 - DIOSPA QHELQACHISQ

¹⁵ Gedeontajrí nerqa: Wiraqochíy, ujtawan nirikusqayki: Imaynatataj israelitakunata kacharichiymanri? Aylloyqa Manasés ukhupi kaj ayllukunamanta mana kasu ruwana, noqataj, wasi aylluypi kajkunamanta aswan sullk'a kani, nispa.

Qheshwa Biblia DC

¹⁵ Gedeonqa ujtawan kutichillarqataj: Señorníy, ujtawan nirikusqayki, imaynatataj israelitasta kacharichimuymanri? Aylloyqa Manasés ukhupi kaj ayllusmanta aswan wajcha, noqarí, wasi aylluypi kajkunamanta aswan sullk'a kani.

DIOSPA QHELQACHISQAN DEUTEROCANONICAL

¹⁵ Gedeontajrí nerqa: Wiraqochíy, ujtawan nirikusqayki: Imaynatataj israelitakunata kacharichiymanri? Aylloyqa Manasés ukhupi kaj ayllukunamanta mana kasu ruwana, noqataj, wasi aylluypi kajkunamanta aswan sullk'a kani, nispa.

Jueces 6:15 Referans Kwoze

1 Samuel 9:21

Saultajrí kuticherqa: Noqaqa Benjamín jatun ayllumanta kani, Israel ukhupi aswan juch'uy kaj ayllumanta. Benjamín jatun ayllu ukhupitaj noqaj aylloyqa mana kasu ruwana. Imaraykutaj chayta niwankiri? nispa.

Éxodo 3:11

Moisestajrí Diosta nerqa: Pitaj noqa kasqani faraonman rispa, Egiptomanta israelitakunata orqhomunaypajri? nispa.

Éxodo 4:10

Moisestajrí kuticherqa: Ay, Dios Tatáy, noqaqa mana sumajta parlayta yachanichu, mana qan parlawasqaykillamantachu, ni qaynallamantachu, nitaj kunallanmantachu. Noqaqa unaypuni jina karqani. Parlashajtiytaj, qalloyqa watakullawan, nispa.

Jeremías 1:6

Noqatajrí kuticherqani: Ay, Tukuyta Kamachej Tata Dios, noqaqa ancha waynallaraj kani. Runaj ñawpaqenpi parlaspapis, manaraj sumajta parlayta atinirajchu, nispa.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

1 Corintios 15:9

Noqaqa Jesuspa kuraj kachankuna ukhupi aswan mana kasu ruwana kani, manataj Jesuspa kuraj kachan nisqa kanaypaj jinachu, ñawpajta Diospa iglesianta chinkachiyta munaspa qhatiykachasqayrayku.

San Lucas 1:34

Chaymanta Mariaqa angelta taporqa: Chantá imaynataj chay kanqari? Noqaqa manaraj qharita rejsinichu, nispa.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

Jeremías 50:45

Jinaqa uyariychej imatachus noqa Tata Dios Babiloniaj contranpi wakichisqayta, imatatajchus ruwayta yuyasqayta caldeokunaj contrankupi: Awqankunaqa aswan juch'uy wawankunatapis apanqanku, llajtankutapis ch'in t'ajra pampaman tukuchenqanku.

1 Samuel 18:23

Saulpa kamachinkuna Davidman chay tukuyta willajtinku, David kuticherqa: Yuyankichejchu kuraj kamachejpa tolqan kayqa pujllakunalla kasqanta? Noqaqa pisi tiyapuyniyoj mana kasu ruwana kani, nispa.

Génesis 32:10

10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.

Jueces 6:11

Aswan qhepaman uj kuti Tata Diospa angelnin jamuspa, Ofrá chaypi uj encina sach'a urapi tiyaykukorqa. Chay sach'aqa Abiezerpa ayllun Joaspata karqa. Chay sach'a qayllapitaj Joaspa churin Gedeontaj pakayllamanta trigota wayrachisharqa, maypichus uvata saroj kanku, chay t'oqopi, madianitakunamanta pakaykunanpaj.