Jueces 6:13 - DIOSPA QHELQACHISQ

¹³ Gedeonrí kuticherqa: Ay wiraqochíy, noqaykuwanchus Tata Dios kashan chayqa, imaraykutaj kay tukuy ima qhatirishawaykuri? Maytaj chay t'ukuna imakunata Egiptomanta orqhomushaspa, Tata Dios ruwasqanmanta ñawpa tataykukuna willawasqaykuri? Tata Diosqa madianitakunaj makinman jaywaykuwayku, nispa.

Qheshwa Biblia DC

¹³ Gedeontaj kuticherqa: Ay Señor, noqaykuwanchus Señor kanman chayqa, imaraykutaj kay tukuy imas qhatirishawaykuri? Maytaj chay t'ukuna imasta Egiptomanta orqhomushaspa Señor ruwasqasninmanta ñaupa tatasniyku willawasqasniykuri? Señorqa qonqarparipuwayku, madianitaspa kamachiyninmantaj jaywaykuwayku.

DIOSPA QHELQACHISQAN DEUTEROCANONICAL

¹³ Gedeonrí kuticherqa: Ay wiraqochíy, noqaykuwanchus Tata Dios kashan chayqa, imaraykutaj kay tukuy ima qhatirishawaykuri? Maytaj chay t'ukuna imakunata Egiptomanta orqhomushaspa, Tata Dios ruwasqanmanta ñawpa tataykukuna willawasqaykuri? Tata Diosqa madianitakunaj makinman jaywaykuwayku, nispa.

Jueces 6:13 Referans Kwoze

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

Salmos 44:1

1 (2) Diosníy, noqayku uyarerqayku, tataykupis willallawarqaykutaj, unay paykuna kawsashajtinku, t'ukunata ruwasqaykimanta.

Isaías 63:15

Tata Dios, qan janaj pachamanta qhawarimuy, may llimphu kamachinayki tiyanamanta allinta qhawarimuy. Maytaj kunan chay sinch'i munakuyniyki, kallpaykitajri? Khuyakuyniyki tukukapunchu, sonqoykipis noqaykurayku manañachu wawayan?

Isaías 41:17

Tata Dios nillantaj: Wajcha runakuna yakuta mask'aspa, mana tarinkuchu. Yaku ch'akiywan siminkupis pharallaña. Noqa Tata Diostajrí paykunata uyarisaj. Noqa Israelpa Diosnin mana jayk'ajpis paykunata saqerpayasajchu.

Salmos 89:49

49 (50) Tukuyta Kamachej Dios, maypitaj kashan mana tukukoj munakuyniykiri? Maytaj cheqa kayniykipi Davidman tilusqaykiri?

Deuteronomio 31:17

Ajina kasqanrayku phiñakuyneyqa paykunaj contrankuta k'ajarenqa. Paykunata saqerparisaj, manañataj qhawarisajchu. Chay chhika nanaykuna, llakiykuna ima patankuman jamojtintaj, nenqanku: Manachu kay llakiykuna manaña Diosninchej noqanchejwan kasqanrayku qhatirishawanchej? nispa.

Génesis 25:22

Chaywanpis wawakunaqa mamankoj wijsallanpiraj kashaspa maqanakoj kanku. Chayrayku Rebeca nerqa: Imajtintaj kay jinari? nispa. Chantá Tata Diosta tapurikoj rerqa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Jeremías 23:33

Jeremías, sichus uj runa, uj sut'inchaj, chayrí uj sacerdotepis tapusunkiman: Imatataj Tata Dios ninri? nispa chayqa, qan ninki: Ajinata Tata Dios sut'inchan: Imaynatachus pipis q'epita wijch'uspa, saqerparin, ajinallatataj saqerparisqaykichej, nispa.

Salmos 27:9

Ama noqamanta pakakuychu. Phiñakuspa, ama qhesachawaychu. Qanlla yanapawajniy kanki. Ama sapayta saqerpariwaychu, amataj wijch'urpariwaychu, imaraykuchus qanmin qhespichiwaj Diosniy kanki.

Deuteronomio 29:24

24 (23) Chayrayku tukuy suyumanta runakuna tapukonqanku: Imaraykutaj Tata Dios kay suyuta chay jinata ruwanri? Imaraykutaj Tata Dios kay suyoj contranta chay jina k'arajta phiñakorqari? nispa.

Jueces 6:1

Chaymanta qhepaman israelitakunaqa watej Tata Diospa mana munasqanta ruwallarqankutaj, qanchis wata junt'atataj Tata Diosqa paykunata jaywaykorqa madianitakunaj makinkuman.

Jueces 6:12

Jinapi Tata Diospa angelnin payman rikhurispa, nerqa: Tata Dios qanwan kashan, kallpayoj wapu runa, nispa.

Salmos 44:9

9 (10) Kunanrí qan qhesachawayku, p'enqaypitaj rikhurichiwayku. Manañataj soldadoykunawanpis maqanakoj llojsinkichu.

Salmos 44:2

2 (3) Qanmin makiykiwan qanta mana manchachikoj runakunata wijch'orqanki. Chay suyupi tiyakojkunata sarorqanki, tataykukunatataj chayman churarqanki.

Isaías 63:11

Chantá Moisespa tiemponmanta yuyarikorqanku, nerqankutaj: Maytaj kunan chay Dios, pichus Moiseswan ovejakunata jina michispa mama qochata chimpacherqa, chayri? Maytaj kunan pichus May Llimphu Espiritunta israelitakunaj chawpinkuman churarqa, chayri?