Jueces 5:23 - DIOSPA QHELQACHISQ

²³ Tata Diospa angelnintaj rimarerqa: Meroz llajtayojkuna maldicisqa kachunku, Tata Diospa soldadonkunata mana yanapasqankumanta. Sinch'i maldicisqa kachunku, imaraykuchus mana jamorqankuchu Tata Diosta yanaparej wapu soldadokunata atipananpaj.

Qheshwa Biblia DC

²³ Señorpa angelnintaj willan: Meroz llajtaman chaypi tiyakojkunamanwan maldición urmachun. Mana wapu runas jinachu jamorqanku, Señorta yanapanankupaj.

DIOSPA QHELQACHISQAN DEUTEROCANONICAL

²³ Tata Diospa angelnintaj rimarerqa: Meroz llajtayojkuna maldicisqa kachunku, Tata Diospa soldadonkunata mana yanapasqankumanta. Sinch'i maldicisqa kachunku, imaraykuchus mana jamorqankuchu Tata Diosta yanaparej wapu soldadokunata atipananpaj.

Jueces 5:23 Referans Kwoze

2 Corintios 6:1

Ajina ari, Diospa ruwayninpi yanapakojkuna kaspa, noqayku mañarikuyku ama pisipaj qhawanaykichejta Diospa qhasilla k'acha yanapayninta jap'isqaykichejta.

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

Romanos 15:18

Chaywanpis imatachus Cristo noqanejta ruwarqa, chayllamanta parlasaj. Cristoqa paymanta willasqaywan, ruwasqaywantaj mana judío kajkunata Diosman pusarqa payta kasunankupaj.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

Jeremías 48:10

Maldicisqa kachun pichus mana tukuy sonqowan Tata Diospa kamachisqanta ruwajqa. Maldicisqallataj kachun pichus maqanakuman mana yaykuyta munajqa.

Nehemías 3:5

Chaymanta rej perqatataj Tecoamanta kajkuna oqharicherqanku, kurajninkukunarí mana yanapayta munarqankuchu.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.

1 Samuel 25:28

Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

1 Samuel 18:17

Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.

1 Samuel 17:47

Kaypi tukuy tantasqa runakunapis yachallanqankutaj Tata Diosqa mana espadawanchu, nitaj lanzawanchu atipachisqanta. Kay maqanakoyqa Tata Diospatamin, paytaj qankunata atipaykuyta yanapawasqayku, nispa.

Jueces 13:3

Chantá uj p'unchay Tata Diospa angelnin Manoaj warminman rikhurispa, nerqa: Qan mana wawayoj kayta atinkichu. Kunanrí wijsallikunki, jinaspataj uj qhari wawata paqarichikunki.

Jueces 6:11

Aswan qhepaman uj kuti Tata Diospa angelnin jamuspa, Ofrá chaypi uj encina sach'a urapi tiyaykukorqa. Chay sach'aqa Abiezerpa ayllun Joaspata karqa. Chay sach'a qayllapitaj Joaspa churin Gedeontaj pakayllamanta trigota wayrachisharqa, maypichus uvata saroj kanku, chay t'oqopi, madianitakunamanta pakaykunanpaj.

Jueces 4:6

Uj p'unchay Deboraqa wajyacherqa Cedesmanta Abinoanpa churin Baracta, Neftalí jatun ayllumanta. Paymantaj nerqa: Israelpa Tata Diosnin kamachisunki kay jinata: Tabor orqoman rispa, chaypi tantamuy 10.000 maqanakoj runakunata Neftalí jatun ayllumanta, jinataj Zabulón jatun ayllumantawan.

Jueces 2:1

Uj kuti Tata Diospa angelnenqa Gilgalmanta Boquín nisqa cheqaman rispa, israelitakunata nerqa: Noqaqa Egipto suyumanta orqhomorqaykichej, jinaspataj pusamorqaykichej, ñawpa tataykichejkunaman qonayta nerqani, chay jallp'akama. Chaypacha paykunata nisqani: Mana jayk'ajpis qankunawan tratoyta p'akisajchu.

Jueces 5:13

Chaypacha israelitakunamanta puchoj capitankuna urayk'amorqanku kallpasapa runakunaj contrankupi maqanakoj. Noqanejtamin Tata Diospa ayllonqa urayk'amorqa, wapu runakunawan maqanakunankupaj.

Jueces 21:5

Tapunakorqankutaj: Pikunataj Tata Diospa ñawpaqenpi tantakuyman mana rerqankuchuri? nispa. Chayta nerqanku, imaraykuchus tiluchinakusqanku wañuchinankuta pikunachus Mispapi tantakuyninkuman mana rejkunata.

Jueces 8:5

Chantá Sucot llajtaman chayaspa, chay llajtayojkunamanta mañarikorqa: Ama jina kaspa, mikhuyta qoriychej noqawan khuska jamojkunaman. Paykunaqa allin sayk'usqa kashanku, imaraykuchus madianitakunaj kuraj kamachejninku Zebajta, Salmunatawan qhatiykuspa purishayku, nispa.

Jueces 8:6

Sucotpi kamachejkunatajrí kuticherqanku: Runaykikunaman mikhuchinaykupajqa Zebajta, Salmunatawan jap'inkichejñachu? nispa.

Jueces 8:8

Chantá Peniel llajtaman chayaspa, Sucotpi jina mikhunata mañakullarqankutaj. Penielpi kajkunatajrí Sucotpi kajkuna jinallataj kuticherqanku.

Jueces 21:8

Chantá tapunakullarqankutaj: Kanmanchu mayqen israelitakunapis Mispapi Tata Diospa ñawpaqenpi tantakuyman mana jamojkuna? nispa. Chaypachataj repararqanku Galaadpi Jabesmanta kajkuna ni mayqen chay tantakuyman jamusqankuta.

Salmos 94:16

Pitaj sayarimuspa, jark'akuwanqa millayta ruwaspa purej runakunamantari?