Jueces 4:7 - DIOSPA QHELQACHISQ

⁷ Noqa kachamusaj Jabinpa soldadonkunata kamachej Sisarata, soldadonkunatawan, carretakunatawan ima Cisón wayq'okama qankunawan maqanakunankupaj. Noqataj yanapasqaykichej chaypi paykunata atipanaykichejpaj. Ajinata Tata Diosqa Deboranejta Baracta kamacherqa.

Qheshwa Biblia DC

⁷ Jabimpa soldadosnin kamachej Sisarata noqa jamuchisaj soldadosninwan, carrosninwan ima, Cisón wayq'okama qankunawan maqanakunampaj. Noqataj makiykiman paykunata jaywasqayki!

DIOSPA QHELQACHISQAN DEUTEROCANONICAL

⁷ Noqa kachamusaj Jabinpa soldadonkunata kamachej Sisarata, soldadonkunatawan, carretakunatawan ima Cisón wayq'okama qankunawan maqanakunankupaj. Noqataj yanapasqaykichej chaypi paykunata atipanaykichejpaj. Ajinata Tata Diosqa Deboranejta Baracta kamacherqa.

Jueces 4:7 Referans Kwoze

1 Reyes 18:40

Chantá Eliasqa nerqa: Baalpa sut'inchajninkunata jap'iychej, amataj ujpis ayqechunchu, nispa. Chantá runakunaqa paykunata jap'erqanku, Eliastaj Cisón wayq'oman pusaspa, chaypi Baalpa sut'inchajninkunajpa umankuta qholurarqa.

Jueces 5:21

Mayu, ñawpa mayu, Cisón nisqa mayu tukuy paykunata apakaporqa. Jinapis noqa Débora kallpachakuspa ñawpajman puririsaj.

1 Samuel 24:18

18 (19) Kunan yachayta qowanki noqaj allinniyta mask'asqaykita. Tata Dios makiykiman churashawajtinpis, qan mana wañuchiwarqankichu.

1 Samuel 24:10

10 (11) Wiraqochíy, qan kikiyki rikunki, Tata Diosqa qanta imaynatachus makiyman churasusqanta. Chay jusk'upi kashajtiyki, noqaqa mana wañuchisuyta munarqanichu, aswanpis khuyarqayki: Kuraj kamachejtaqa mana wañuchiymanchu, imaraykuchus Tata Diospa churasqan, nispa.

Jueces 4:14

Chantá Deboraqa Baracta nerqa: Rillayña. Tata Diostaj kunan Sisarata atipachisonqa, imaraykuchus Tata Diosqa soldadoykikunaj ñawpaqenkuta rishan, nispa. Chaypacha Baracqa Tabor orqomanta 10.000 soldadokunawan urayk'amorqa.

Josué 10:8

Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Josué 8:7

Chantá qankunaqa pakakushasqaykichejmanta llojsimuytawan, llajtata jap'inkichej, imaraykuchus Tata Diosniykichej chay llajtata makiykichejman jaywasonqachej.

Éxodo 21:13

Sichus pipis runa masinta mana yuyashaspa wañuchinman, noqapuni jina kananta munasqayrayku chayqa, noqa nisqayki maymanchus pakakoj ayqekunanta.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Josué 11:20

Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

Josué 11:6

Tata Diostaj Josueta nerqa: Ama paykunata manchachikuychu. Noqaqa q'aya kunanta jina tukuyninkuta wañusqata qankunaman jaywaykusqaykichej. Qantaj caballonkunaj chaki ankunkuta khuchuspa p'itiranki, carretankutataj ninawan kanaykunki, nispa.

Jueces 4:8

Baracrí kuticherqa: Qan noqawan rejtiykeqa, risaj. Mana rejtiykitaj, nillataj risajchu, nispa.

Éxodo 14:8

Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Éxodo 14:17

Noqataj Egipto llajtayojkunaj sonqonkuta rumiyachisaj, qhepaykichejta qhatiykamusunaykichejpaj. Chantá faraonta, soldadonkunata, carretapi, jinataj caballopi soldadonkunatawan atipaykusaj. Ajinamanta noqa may jina atiyniyoj kasqayta rikuchisaj.