Jueces 3:8 - DIOSPA QHELQACHISQ

⁸ Chayraykutaj Tata Diosqa paykunaj contrankupi sinch'ita phiñakuspa, Mesopotamiamanta kuraj kamachej Cusán Risatayinman paykunata jaywaykorqa. Pusaj wata junt'ata israelitakunaqa kuraj kamachej Cusán Risatayinpa wata runan karqanku.

Qheshwa Biblia DC

⁸ Chayraykutaj Señorqa paykunaj contrampi sinch'ita phiñakorqa, Mesopotamiamanta rey Cusan-risataimwantaj saqerqa atipachikojta. Pusaj wata junt'a israelitasqa rey Cusan-risataimta sirverqanku.

DIOSPA QHELQACHISQAN DEUTEROCANONICAL

⁸ Chayraykutaj Tata Diosqa paykunaj contrankupi sinch'ita phiñakuspa, Mesopotamiamanta kuraj kamachej Cusán Risatayinman paykunata jaywaykorqa. Pusaj wata junt'ata israelitakunaqa kuraj kamachej Cusán Risatayinpa wata runan karqanku.

Jueces 3:8 Referans Kwoze

Jueces 2:14

Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Habacuc 3:7

Noqaqa Cusanmanta kajkunata jatun llakiypi tukukushajta rikuni, Madianpi tiyakojkunatataj manchachikuywan k'umuykachashajta.

Jueces 4:9

Deborataj nerqa: Qanwan risaj. Chaywanpis kay maqanakupi mana qanchu jatunchasqa kanki, imaraykuchus Tata Diosqa uj warminejta Sisarata wañuchenqa, nispa. Jinataj Deboraqa Baracwan khuska Cedesman rerqa.

Romanos 7:14

Yachanchej kamachisqaqa Diospa churasqan kasqanta. Noqarí runalla kaspa, juchallinaman aysaj sonqoypa munayninwan atipachikuni. Ajinamanta juchaj wata runan kanaypaj vendesqa jina kani.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Salmos 85:3

3 (4) Phiñakuyniykita ñit'iykukorqanki, k'araj phiñakuyniykitataj tiyaykuchikorqanki.

Salmos 6:1

1 (2) Tata Dios, phiñakuspa ama k'amiwaychu. K'arajta phiñakuspapis, ama jasut'iwaychu.

1 Samuel 12:9

Ñawpa tataykichejkunatajrí Tata Diosninkumanta qonqaporqanku, Tata Diostaj Jazor llajtamanta soldadokunata kamachej Sísaraj makinman paykunata jaywaykorqa. Chantá filisteokunaman, jinataj Moab suyoj kuraj kamachejninmanpis paykunata jaywaykullarqataj. Paykunaqa ñawpa tataykichejkunawan maqanakorqanku.

Jueces 2:20

Chayraykumin Tata Diosqa Israelpa contranpi sinch'ita phiñakuspa, nerqa: Kay runakunaqa ñawpa tatankuwan tratota ruwasqayta p'akinku, manataj kasuwayta munankuchu.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Deuteronomio 29:20

20 (19) Tata Diosqa chay runaj juchanta mana pampachayta munanqachu, manachayqa k'arajta chay runaj contranta phiñakonqa. Kay qhelqapi qhelqasqa kaj tukuy llakiykunataj patanpi kanqa. Ajinata ruwaspa, Tata Diosqa chay runaj sutinta kay pachamanta chinkachenqa.

Éxodo 22:24

24 (23) Chantá phiñakuyneyqa qankunaj contraykichejta k'ajarenqa, espadawantaj wañuchisqaykichej. Qankunaj warmiykichejtaj warmisapa rikhurenqanku, wawaykichejkunapis mana tatayoj rikhurenqanku.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Jueces 3:9

Chaymantataj israelitakunaqa Tata Diosman qhaparikorqanku, Tata Diostaj churarqa uj juezta, Cenazpa churin Otonielta, chay Cenazqa Calebpa sullk'a wawqen karqa.

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Salmos 44:12

12 (13) Aylluykitaqa chhalarparerqanki, vendespataj, mana ni imatapis ganarqankichu.

Salmos 129:1

(1b) Kunan israelitakuna nichunku: Wayna kasqaymantapacha awqaykuna sinch'ita llakichiwarqanku.

Génesis 24:10

Chantá patronninpa tiyapuyninmanta sumajninta ajllaspa, chunka camellokunaman chajnaykorqa. Jinaspataj, Mesopotamia cheqapi Najorpa llajtanman purirerqa.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Salmos 106:41

Jinapi Diosqa paykunata Diosta mana qhatejkunaj makinkuman jaywaykorqa, chay runakunataj paykunata chakinku uraman churarqanku.