Jueces 3:10 - DIOSPA QHELQACHISQ

¹⁰ Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Qheshwa Biblia DC

¹⁰ Señorpa Espíritun Otonielman jamorqa, paytaj israelitasta kamacherqa, maqanakuman llojsejtintaj Señorqa rey Cusan-ristaimta atipacherqa.

DIOSPA QHELQACHISQAN DEUTEROCANONICAL

¹⁰ Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Jueces 3:10 Referans Kwoze

1 Samuel 11:6

Chayta Saúl uyarejtinkama, Diospa Espiritonqa Saulman jamorqa, Saultaj may sinch'itapuni phiñarikorqa.

Jueces 14:19

Chaypacha Tata Diospa Espíritun Sansonman sinch'i kallpata qorqa. Sansontaj filisetokunaj llajtanku Ascalonman rispa, kinsa chunka runakunata wañucherqa. Chaykunamanta p'achata lluch'uspataj, watuchisqanta sut'inchajkunaman qorqa. Chaymantataj may phiñasqa tatanpa wasinman kutiporqa.

Jueces 14:6

Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

Jueces 13:25

Chantá Tata Diospa Espíritun Sansonman jamuspa, payta kallpacharqa, Danpa jaranpi kashajtin. Chay kashan Sorawan, Estaolwan, chay chawpinejpi jina.

Jueces 11:29

Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

Jueces 6:34

Chaypacha Gedeonqa Tata Diospa Espiritunnejta kamachisqa kaspa, putututa waqacherqa, Abiezerpa tukuy ayllunmanta kajkuna tantakamunankupaj.

2 Crónicas 15:1

Chaymanta qhepaman Diospa Espiritonqa Obedpa churin Azariasman junt'aykorqa.

Números 24:2

Chantá Balaam israelitakunata jatun aylluman jina jarasqata rikorqa. Diospa espirituntaj payman jamorqa.

Hebreos 6:4

Wakinkuna Cristoman kutirikuspa, Diospa qosqanwan misk'irichikorqanku, Santo Espiritutapis jap'erqanku.

Salmos 51:11

11 (13) Ñawpaqeykimanta ama wijch'uwaychu, amataj Santo Espirituykita qhechuwaychu.

2 Crónicas 20:14

Judá suyupi tukuy tiyakojkuna tantasqa kashajtinku, Zacariaspa churin Jahazielman Tata Diospa Espíritun jamorqa. Jahazielqa Benaiaspa allchhin karqa, Benaiastaj Jeielpa churin karqa. Yeguieltaj Mataniaspa churin karqa. Jahazielqa levita karqa Asafpa ayllunmanta.

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

1 Samuel 10:6

Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

Números 27:18

Tata Diostaj kuticherqa: Nunpa churin Josueta wajyay, imaraykuchus payqa sumaj wakichisqa runa. Chantá umanman makiykita churay.

Números 11:29

Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

Números 11:25

Chantá Tata Dios chayman phuyupi urayk'amuspa, Moiseswan parlarqa. Chaymantataj Diosqa Moisesman qosqan espiritumanta qanchis chunka kurajkunaman qorqa. Espíritu paykunaman yaykojtinkamataj, Diosmanta sut'incharqanku. Chaymanta qhepamanrí manaña Diosmanta sut'incharqankuñachu.

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Jueces 3:8

Chayraykutaj Tata Diosqa paykunaj contrankupi sinch'ita phiñakuspa, Mesopotamiamanta kuraj kamachej Cusán Risatayinman paykunata jaywaykorqa. Pusaj wata junt'ata israelitakunaqa kuraj kamachej Cusán Risatayinpa wata runan karqanku.

Jueces 3:11

Chaymanta qhepaman israelitakuna tawa chunka watata allinta kawsakorqanku chay suyupi, Cenazpa churin Otoniel wañupunankama.

1 Crónicas 12:18

Chaypacha 300 wapu soldadokunaj kamachejninku Amasayman Diospa Espíritun jamuspa, payta jatunmanta parlacherqa: Yeséj churin David, qanpata kayku, qanwanpunitaj kashayku. Allin kawsay qanpaj kachun, qanta yanapasojkunapajpis, imaraykuchus Diosniyki yanapashasunki, nispa. Davidtaj paykunata jap'ispa, soldadokunata kamachinankupaj churarqa.

Jueces 11:32

Chaypacha Jefteqa soldadonkunawan amonitakunaj jap'iyninman yaykorqa paykunawan maqanakoj, Tata Diostaj amonitakunata atipaykucherqa.

Jueces 15:14

Judamanta kajkunaqa Sansonta Lehiman chayachimojtinkutaj, filisteokuna kusiywan qhaparqachaspa, payta taripaj llojserqanku. Chantá Tata Diosqa Espiritunwan watej Sansonta kallpacharqa. Sansontaj makinpi chay watasqa lino waskhata p'itirarqa, phunu q'aytupis kanman jinata.

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.