Jueces 3:1 - DIOSPA QHELQACHISQ

¹ Tata Dios wakin llajtayojkunata saqerqa, israelitakunata maqanakuyta yachachinanpaj, pikunachus Canaán suyupi maqanaku kasqanmanta mana yacharqankuchu, chaykunapaj.

Qheshwa Biblia DC

¹ Kay llajtasta Señor saqerqa israelitasta pruebaman churanampaj, pischus Canaampi maqanakusta mana rikorqankuchu tukuy chaykunata.

DIOSPA QHELQACHISQAN DEUTEROCANONICAL

¹ Tata Dios wakin llajtayojkunata saqerqa, israelitakunata maqanakuyta yachachinanpaj, pikunachus Canaán suyupi maqanaku kasqanmanta mana yacharqankuchu, chaykunapaj.

Jueces 3:1 Referans Kwoze

Proverbios 17:3

Qoritawan, qolqe metaltawan ninapi unuyachispa ch'uwanchanchej. Runaj sonqon imaynachus kasqantarí Tata Dioslla yachan.

Deuteronomio 7:22

Tata Diosniykichejqa pisimanta pisi chay suyukunapi tiyakojkunata ñawpaqeykichejmanta qharqonqa. Qankunaqa mana paykunata ujllapi tukuchiyta atiwajchejchu, imaraykuchus k'ita animalkuna miraykuspa, qankunata mithaj yaykumusunkichejman.

Jeremías 6:27

Tata Dios nillawarqataj: Jeremías, qanta churayki aylluypa kawsayninta waturinaykipaj, imaynachus purisqankuta allinta qhawarinaykipaj.

Job 23:10

Chaywanpis sapa thaskisqayta pay yachan. Payqa imaynatachus kasqayta yachariyta munaspa, tukuy imata ñak'arichiwan, chaymantataj ch'uwa qori jina llojsimusaj.

Jueces 2:10

Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

1 Pedro 4:12

Munasqa wawqe panaykuna, sinch'i ñak'arichisqa kashaspapis ama chaymanta t'ukuychejchu, imajtinchus chayqa kananpi kashan.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

San Juan 2:24

Chaywanpis Jesús paykunapi mana atinikorqachu, imaraykuchus paykuna imaynachus kasqankuta rejserqa.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

2 Crónicas 32:31

Babiloniamanta kamachejkunaqa runakunata kachamorqanku, Judá suyupi Diosqa t'ukuna imakunata ruwasqanmanta yachanankupaj. Diosrí Ezequiasta saqerparerqa sonqonpi imachus kashasqanta yachananpaj.

Éxodo 15:25

Chantá Moisesqa Tata Dios yanapananta mañakorqa. Tata Diostaj uj sach'ata Moisesman rikucherqa. Moisestaj chayta k'utuspa, yakuman wijch'uykorqa, yakutaj ujyanapaj jina tukorqa. Chay Mará cheqapi Tata Diosqa paykunaman kamachisqakunata qorqa, chayman jina kawsanankupaj, yachananpajtaj imaynachus sonqonku kasqanta.

Jueces 1:1

Josué wañupusqanmanta qhepata, israelitakuna Tata Diosta tapukorqanku: Mayqen jatun ayllurajtaj ñawpajta cananeokunawan maqanakoj renqari? nispa.

Jueces 2:23

Chayrayku Tata Diosqa mana wijch'orqachu chay llajtayojkunata, pikunatachus Josué kawsashaspa mana wijch'usqachu, chaykunata, manachayqa qhepakunankuta saqellarqa.

Jueces 3:2

Tata Diospuni chay llajtayojkunata saqellarqa, israelitakunamanta pikunachus ni jayk'aj maqanakuman riyta yacharqankuchu, chaykuna maqanakuyta yachanankupaj.

1 Reyes 9:21

Chaykunaj mirayninkumanta chay jallp'api qhepakojkuna, mayqenkunatachus israelitakunaqa mana tukuchiyta atisqankuchu, chay tukuyninkuta Salomón sinch'i ruwanaman churarqa, kunankamataj ajinallapuni kashan.