Jueces 20:23 - DIOSPA QHELQACHISQ

²³ Chantá Tata Diosta tapullarqankutaj: Benjamín jatun ayllu masiykunawan watejmanta maqanakoj kutillasqaykutajchu, manachu? nispa. Tata Diostaj kamacherqa: Rillaychejpuni, nispa.

DIOSPA QHELQACHISQAN DEUTEROCANONICAL

²³ Chantá Tata Diosta tapullarqankutaj: Benjamín jatun ayllu masiykunawan watejmanta maqanakoj kutillasqaykutajchu, manachu? nispa. Tata Diostaj kamacherqa: Rillaychejpuni, nispa.

Jueces 20:23 Referans Kwoze

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Josué 7:6

Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Jueces 20:18

Manaraj maqanakuman rishaspa, israelitakunaqa Betelman rispa, Diosta tapukorqanku mayqen jatun aylluchus Benjamín jatun aylluwan ñawpajta maqanakoj rinanta. Tata Diostaj kutichispa, nerqa: Judá jatun aylluraj ñawpajta richun, nispa.

Josué 7:7

Josuetaj nerqa: Ay, Tukuyta Kamachej Tata Dios. Imapajtaj kay runakunata Jordán mayuta chimpachimorqankiri? Amorreokunaman jaywaykuspa paykuna tukuchinawaykupajchu chimpachimuwarqayku? Walej kanman karqa Jordán mayu chimpallapi qhepakunayku.

Jueces 20:22

Chayrayku israelitakunaqa Betelman watejmanta rispa, Tata Diospa ñawpaqenpi inti yaykunankama jik'un jik'unta waqarikorqanku.

Jueces 20:24

Q'ayantenqa israelitakuna kallpachakorqanku Benjaminmanta kajkunawan maqanakoj kutinankupaj. Rerqankutaj maypichus ñawpajta maqanakorqanku, chayman.

1 Samuel 11:4

Jabés llajtamanta kachasqakuna Saulpa llajtan Gabaaman chayaspa, imachus kashasqanta tukuyman willarqanku. Chayrayku llajtayojkunaqa llakikuymanta sinch'ita qhaparispa, waqarqanku.

Jueces 1:1

Josué wañupusqanmanta qhepata, israelitakuna Tata Diosta tapukorqanku: Mayqen jatun ayllurajtaj ñawpajta cananeokunawan maqanakoj renqari? nispa.

Jueces 21:2

Chay qhepatataj Betelpi tantakorqanku, Diospa ñawpaqenpi ch'isiyanankama sonqo nanayta waqarqanku.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.

1 Samuel 10:3

Aswan jaqaymantaj, Taborpi encina sach'a chayman chayaspa, Betelman Diosta yupaychaj rejkunamanta kinsa runawan tinkukunki. Ujnenqa kinsa chivota apashanqa, ujnintaj kinsa t'antata, ujnintaj qara bota vinota.

2 Samuel 3:35

Chantá tukuy runakuna Davidman jamuspa, imallatapis mikhurikunanta nerqanku. Davidtajrí tiluspa, paykunata nerqa: Tata Dios sinch'ita jasut'iwachun, manaraj ch'isiyamushajtin t'antata, chayrí imallatapis mikhuyman chayqa, nispa.