Jueces 2:17 - DIOSPA QHELQACHISQ

¹⁷ Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

Qheshwa Biblia DC

¹⁷ Chaywampis israelitasqa mana kasorqankuchu chay kuraj runastaqa, manachayqa Señorta saqerparispa waj dioskunastataj yupaycharqanku. Ñaupa tatasninkoqa kasusqanku Señorpa kamachisqasninta, paykunataj mana tatasninku jinachu ruwasqanku.

DIOSPA QHELQACHISQAN DEUTEROCANONICAL

¹⁷ Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

Jueces 2:17 Referans Kwoze

Gálatas 1:6

Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

Deuteronomio 9:12

Chantá niwarqa: Kunanpacha kaymanta urayk'uy, imaraykuchus Egiptomanta orqhomusqayki runakunaqa manakajta ruwashanku. Noqaj kamachisqayta manaraj imapi qonqaspa, qorimanta uj lantita ruwakunku, nispa.

Jueces 2:7

Jinapi paykuna Tata Diosta kasukuspa kawsakusqanku, Josué, chantá payta yanapaj kurajkuna ima kawsanankukama. Chaykuna kasqanku, pikunachus rikusqanku israelitakunapaj Tata Dios t'ukuna imakunata ruwasqanta, chaykuna.

Oseas 2:2

2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Salmos 106:43

Chay tiempopi Tata Dios ashkha kutita israelitakunata kacharicherqa. Chaywanpis paykunaqa manapuni Tata Diosta kasuyta munarqankuchu, juchankuraykutaj k'umuykachachisqa karqanku.

Salmos 106:39

Ajinata ruwaspa, paykuna ch'ichichakorqanku, millay ruwasqankuwantaj khuchichakorqanku.

Salmos 73:27

Diosníy, qanmanta karunchakojkuna wañonqanku, qanta mana qhatisojkunatataj qan chinkarparichinki.

1 Samuel 12:19

Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

1 Samuel 12:17

Kunan trigo oqharina tiempo kashan, manataj paray tiempochu, icharí? Chaywanpis noqa Tata Diosmanta mañasaj, paytaj kachaykamonqa qhon qhonkunata. Paratapis parachimonqa, qankuna yachanaykichejpaj, reparanaykichejpajtaj kuraj kamachejta mañakuspa, Tata Diospa contranpi juchallisqaykichejta, nispa. Ajinata Samuel israelitakunata k'amerqa.

1 Samuel 12:12

Chaywanpis amonitakunaj kuraj kamachejninku Najás qankunawan maqanakoj jamushasqanta rikuspa, qankunaqa uj runata kuraj kamachejniykichejpaj churapunayta mañakuwarqankichej, Diosniykichej Tata Dios kuraj kamachejninchej kashajtinpis.

Josué 24:31

Josué kawsashajtin, israelitakunaqa Diosllata kasuspa purerqanku. Chantá Josué wañupusqanmanta qhepamanpis kurajkuna kawsanankukama Tata Diosllata kasuspa purillarqankutaj. Chay kurajkunaqa israelitakunapaj Tata Dios imatachus ruwapusqanta allinta yacharqanku.

Josué 24:24

Israelitakunataj Josueta nerqanku: Noqaykoqa Tata Diosnillaykuta kasuspa purisqayku, imatachus niwasqaykutataj junt'asqayku, nispa.

Deuteronomio 9:16

Chantá qankuna Tata Diosniykichejpa contranta juchallikusqaykichejta rikorqani. Qankunaqa Tata Diospa kamachisqanta manaraj imapi qonqaspa, qorimanta uj waka uña lantita ruwakusqankichej.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Éxodo 32:8

Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Amós 2:4

Tata Dios kay jinata nillantaj: Judamanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus paykunaqa noqa Tata Dios imatachus yachachisqayta pisipaj qhawarqanku, manataj kamachisqayta kasorqankuchu. Manachayqa tatankoj yupaychasqanku lantikunallatataj paykunapis yupaycharqanku.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:18

Chaypacha noqaqa astawan paykunamanta karunchakusaj, waj dioskunata yupaychaspa chay tukuy millayta ruwasqankumanta.

Jueces 8:33

Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.