Jueces 2:13 - DIOSPA QHELQACHISQ

¹³ Tata Diosmanta karunchakorqanku Baalpa lantinkunata, Astarotpa lantinkunata ima yupaychaspa.

Qheshwa Biblia DC

¹³ Señorta saqerparerqanku Baalta yupaychanankupaj, Astartej tukuy laya lantisninta ima.

DIOSPA QHELQACHISQAN DEUTEROCANONICAL

¹³ Tata Diosmanta karunchakorqanku Baalpa lantinkunata, Astarotpa lantinkunata ima yupaychaspa.

Jueces 2:13 Referans Kwoze

Jueces 10:6

Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

Salmos 106:36

Chay runakunaj yanqha manakaj lantinkuta yupaycharqanku, chaytaj israelitakunata mana allinman chayacherqa.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

1 Corintios 8:5

Runakuna ninku janaj pachapi, chantá kay pachapipis ashkha dioskuna kasqanta. Chayrayku paykuna ashkha dioskunata, chantá atiyniyojkunata ima yupaychanku.

2 Reyes 23:13

Ajinallatataj kuraj kamachej Josiasqa Jerusalén llajtaj chimpanpi orqo patapi altarkunatapis millachikunaman tukuchillarqataj. Chantá Olivoyoj orqoj pañannejpi kaj altarkunapis millachikunaman tukuchillarqataj. Chay altarkunata Israelta kuraj kamachej Salomonqa millay lantikunata yupaychanapaj ruwachisqa, sidoniokunaj lantinku Astoretpaj, moabitakunaj lantinku Quemospaj, chantá amonitakunaj lantinku Milconpajwan ima.

1 Reyes 11:33

Chayta ruwasaj, imaraykuchus Salomonqa noqata saqerpariwaspa, yupaychan sidonioj diosninku Astoretta, Moabpa diosnin Quemosta, amonitakunaj diosninku Moloctawan ima. Paypa ruwasqanqa mana sonqoypa munasqanman jinachu, kamachisqayta mana kasuwarqachu, nitaj nisqayta cheqanta ruwarqachu, imaynatachus tatan David junt'arqa, jinataqa.

1 Reyes 11:5

Salomonqa sidoniokunaj diosninku Astoretta, amonitakunaj chay millay lantinku Milcontawan yupaycharqa.

1 Samuel 31:10

Saulpa armankunata Astarot sutiyoj diosta yupaychananku wasiman churarqanku, ayantataj Betsán llajtaj perqaman warkhorqanku.

Jueces 2:11

Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.

2 Crónicas 7:22

Chantá kutichenqanku: Egipto suyumanta ñawpa tatankunata orqhomoj Tata Diosninkuta saqerparisqankurayku, waj dioskunaman kutirikuspa yupaycharqanku. Chayraykumá Tata Diosqa paykunaman chay jina jatun llakiyta kachaykamun, nispa nenqanku.

Números 25:3

Ajinata israelitakunaqa Baal Pegor sutiyoj lantita yupaychanaman apachikorqanku. Chayrayku Tata Diosqa israelitakunapaj maytapuni phiñakorqa.

2 Crónicas 12:2

Tata Diosta mana kasusqankurayku, Roboán phishqa watata kamachishajtinña, Egiptota kuraj kamachej Sisac Jerusalenpa contranta maqanakoj jamorqa,

2 Crónicas 28:3

Ben Jinón Vallepi lantikunaman inciensota q'oshñicherqa. Churinkunatapis q'olachispa jaywarqa, waj llajtayojkuna ruwayta yachasqankuman jina, pikunatachus Tata Dios israelitakunaj ñawpaqenkumanta wijch'usqa, chaykuna jina.

2 Crónicas 33:3

Tatan Ezequías loma patapi chay lanti wasikunata thuñichisqa. Manasestajrí chaykunata watej ruwacherqa. Jinallatataj Baal lantikunapaj, Asera lantikunapajpis altarkunata ruwacherqa. Payqa janajpi kaj tukuy ch'askakunatapis yupaycharqa, chaykunaj ñawpaqenpipis k'umuykorqa.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 16:11

Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.