Jueces 18:9 - DIOSPA QHELQACHISQ

⁹ Chaynejpi purispa, sumaj jallp'ata tarerqayku. Ama qhella kanachu mana ima ruwaspa. Jaku rina chay jallp'ata jap'ikapoj.

Qheshwa Biblia DC

⁹ Chay lugaresta purimorqayku, tarerqaykutaj sumachaj jallp'asta. Puririnachej! Jap'ikampusunchej! Ama chaypi qhellas jina t'allarayaychejchu! Rispa jap'ikampunachej chay jallp'ata!

DIOSPA QHELQACHISQAN DEUTEROCANONICAL

⁹ Chaynejpi purispa, sumaj jallp'ata tarerqayku. Ama qhella kanachu mana ima ruwaspa. Jaku rina chay jallp'ata jap'ikapoj.

Jueces 18:9 Referans Kwoze

Números 13:30

Chantá israelitakuna thutuyta qallarerqanku, Calebtaj Moisespa ñawpaqenpi kashaj runata ch'inyachispa, nerqa: Rispa, chay jallp'ata jap'imunachej. Noqanchejqa paykunata atipasunchej, nispa.

Josué 18:3

Chantá Josué israelitakunata nerqa: Imatataj suyashankichej ñawpa tataykichejkunajpa Tata Diosnin jallp'ata qosusqaykichejta mana usqhayta jap'inaykichejpajri?

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

1 Reyes 22:23

Chayrayku Tata Diosqa sut'inchajniykikunata llullakunankuta nin. Paytaj ninña maqanakupi mana allin risunanta, nispa.

1 Reyes 22:3

Israelmanta kuraj kamachejtaj yanapajninkunata nerqa: Manachu yachankichej Galaadmanta Ramotqa noqanchejpata kasqanta? Noqanchejtajrí mana imatapis ruwashanchejchu siriokunamanta qhechukapunanchejpaj, nispa.

2 Samuel 10:12

Kallpachakuy, suyunchejrayku, jinataj Diosninchejpa llajtankunarayku sinch'ita awqanchejwan maqanakunachej. Tata Diostaj munasqanman jina ruwachun, nispa.

1 Samuel 4:9

Kallpachakuychej ari, filisteo soldadokuna, sinch'itataj maqanakuychej, ama israelitakunaj wata runanku kananchejpaj, imaynatachus paykuna wata runanchej karqanku jinataqa, nispa.

Jueces 18:8

Chaymantataj chay phishqa kachakunaqa kutimporqanku Soraman, jinataj Estaolman, maypichus chay wawqe masinku kasharqanku, chayman. Paykunataj chay kachakunata tapurerqanku: Imaynataj risorqachejri? nispa. Chay kachakunataj kuticherqanku:

Jueces 18:10

Chayman chayaspa, rikunkichej chay llajtayojkunaqa mana imamanta manchachikuspa, nitaj imamanta pisichikuspa, ashkha jallp'ayoj kasqankuta. Diosmin chay jallp'ata qowasunchej, nispa.