Jueces 18:7 - DIOSPA QHELQACHISQ

⁷ Chaymantataj chay phishqa kachakunaqa Laisman rerqanku. Chay llajtayojkunaqa mana imamanta manchachikuspa tiyakoj kanku, imaynatachus sidoniokuna kawsayta yachasqankuman jina, ni ima ch'ajwawan, sumajpi kawsarqanku, ni pejpa imanasqan, nitaj ni imamanta pisichikuspa. Paykunaqa sidoniokunamanta karupi tiyakorqanku, manataj piwanpis tratoyojchu karqanku.

Qheshwa Biblia DC

⁷ Chaymantataj chay phishqa kachasqa Leisman rerqanku. Chay llajtapi runasqa mana imamanta dakuspa tiyakullaj kanku, imaynatachus chay sidonios kausayta yachasqankuman jina; ni ima ch'ajwawan, kusiyllapi, ni pejpa imanasqan, nitaj ni imapi pisichikuspa. Paykunaqa karupi kasharqanku sidoniosmantaqa manataj piwampis tratoyojchu karqanku.

DIOSPA QHELQACHISQAN DEUTEROCANONICAL

⁷ Chaymantataj chay phishqa kachakunaqa Laisman rerqanku. Chay llajtayojkunaqa mana imamanta manchachikuspa tiyakoj kanku, imaynatachus sidoniokuna kawsayta yachasqankuman jina, ni ima ch'ajwawan, sumajpi kawsarqanku, ni pejpa imanasqan, nitaj ni imamanta pisichikuspa. Paykunaqa sidoniokunamanta karupi tiyakorqanku, manataj piwanpis tratoyojchu karqanku.

Jueces 18:7 Referans Kwoze

Josué 19:47

Chay jallp'a mana tukuyninkuman wakinanta qhawaspataj, Dan jatun ayllumanta kajkuna Lesén llajtaj contranta maqanakoj rerqanku. Chantá chay llajtata jap'ispa, chaypi tiyakojkunata tukuyninta wañuracherqanku. Ajinamanta paykunaqa chay jallp'api tiyakorqanku, chantá chay llajtata ñawpa tatanku Danpa sutinwan suticharqanku.

Apocalipsis 18:7

Pay runaykacharqa, chhika patapi kaspataj, munasqallanta ruwarqa. Kunantajrí ruwasqanman jina payta ñak'arichiychej, waqachispataj kusikuychej, imaraykuchus payqa sonqonpi nerqa: Noqaqa qoya jina kamachinaypi tiyasqa kashani. Mana warmisapachu kani, nitaj waqanatapis rikusajchu, nispa.

1 Pedro 2:14

chayrí waj kamachejkunapis kachunku. Paykunata kuraj kamachej churan mana allinta ruwajkunata jasut'inankupaj, allinta ruwajkunatataj jatunchanankupaj.

Romanos 13:3

Chayqa ajina, imaraykuchus kamachejkunaqa mana pikunachus allin kajta ruwajkunatachu manchachinankupaj churasqa kanku, manachayqa mana allin kajta ruwajkunata. Qan munawajchu kamachejkunaj ñawpaqenpi mana manchachikuspa kawsakuyta? Allinta ruwaspa puriy, kamachejtaj qanmanta allinta parlanqa.

1 Reyes 1:6

Chaykama Adoniaspa tatan Davidqa ni jayk'aj imamantapis k'amisqachu: Imaraykutaj chay jinata ruwashanki? nispa. Adoniastaj allin rijch'ayniyoj karqa, Absalonpa sullk'an.

1 Samuel 3:13

Willaniña tukuy ayllunmanta kajkuna wiñaypaj juchachasqa kanankuta. Pay yachanña juchanku imachus kasqanta. Churinkunaqa millayta ruwaspa phiñachiwarqanku, paytaj mana paykunata k'amerqachu.

Jueces 18:6

Levita sacerdotetaj kuticherqa: Rillaychej mana manchachikuspa, imaraykuchus Tata Diosqa qankunata waqaychasonqachej mayllamanpis rejtiykichej, nispa.

Jueces 18:8

Chaymantataj chay phishqa kachakunaqa kutimporqanku Soraman, jinataj Estaolman, maypichus chay wawqe masinku kasharqanku, chayman. Paykunataj chay kachakunata tapurerqanku: Imaynataj risorqachejri? nispa. Chay kachakunataj kuticherqanku:

Jueces 18:29

Chay llajta ñawpa sutin karqa Lais nisqa, paykunatajrí, Israelpa churin Dan ñawpa tatankoj sutiwan suticharqanku.

1 Reyes 16:31

Payqa Nabatpa churin Jeroboanpa jucha ruwasqanmantapis astawanraj juchallerqa. Casarakorqataj sidoniokunaj kuraj kamachejninku Etbaalpa ususin Jezabelwan. Chantá manaraj imapi Baal lantita yupaycharqa.

1 Crónicas 4:40

Chaynejpitaj sumaj pastota ashkhata tarerqanku, jinallataj jatun jallp'ata, mana piwanpis ch'ajwaspa tiyakunapaj jina. Ñawpata chay cheqanejpi Campa mirayninmanta kajkuna tiyakusqanku.

Jeremías 49:31

Noqa Tata Dios kamachini: Chay suyoj contranta maqanakoj riychej. Chay llajtayojkunaqa ni imata manchachikuspa tiyakushanku, mana punkuyoj, mana wisq'anayojtaj llajtankupi sapallanku tiyakushanku.