Jueces 18:5 - DIOSPA QHELQACHISQ

⁵ Chayta uyarispa, Danmanta jamojkuna nerqanku: Diosta tapuripuwayku kay puriyniykupi allinchus riwasqayku manachus, chayta, nispa.

Qheshwa Biblia DC

⁵ Chaypacha paykunaqa nerqanku: Diosta tapuriy kay viajeykupi allinchus riwasqayku, chayta.

DIOSPA QHELQACHISQAN DEUTEROCANONICAL

⁵ Chayta uyarispa, Danmanta jamojkuna nerqanku: Diosta tapuripuwayku kay puriyniykupi allinchus riwasqayku manachus, chayta, nispa.

Jueces 18:5 Referans Kwoze

1 Reyes 22:5

Chaywanpis Josafatqa Ajabta nillarqapuni: Manaraj maqanakoj rishaspa, Tata Diosta ñawpajta tapuriwaj, nispa.

Hechos 8:10

Tukuy runataj juch'uymanta jatunkama Simonmanta nej kanku: Kay runapi Diospa jatun atiynin tiyan, nispa.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Ezequiel 21:21

21 (26) Babiloniamanta kuraj kamachejqa maynejmantachus iskaynin ñankuna qallarin, chaypi suerteta choqananpaj sayashan. Jinapi flechantapis thalarin, lantinkunata tapurikun, uywakunaj k'iwichankutataj qhawan.

Isaías 30:1

Tata Dios ajinata nin: Mana kasukoj wawaykunata may llakiy qhatirenqa, imaraykuchus imatapis wakichikunku mana tapuwaspalla. Paykunaqa wajkunawan tratota ruwakunku mana Espirituypa yuyaychasqallan. Chay jinamantataj juchankoj patanman astawan juchata yapakunku.

2 Reyes 16:15

Chaymantataj Ajazqa sacerdote Uriasta kamacherqa: Jatun altarpi tutamanta uywa ñak'asqa q'olachinata, tardentaj ch'aki mikhuy jaywanata jaywanki. Jaywallankitaj kuraj kamachejpa q'olachinanta, ch'aki mikhuy jaywasqantapis. Jaywallankitaj tukuy runaj uywa ñak'asqata jaywaspa q'olachinankuta, ch'aki mikhuy jaywanankuta, vino jaywasqankutawan ima. Chayllapitaj ch'ajchunki q'olachinapaj uywa ñak'asqaj yawarninta, jaywanapaj ñak'asqa uywakunaj yawarninkutawan. Broncemanta altarrí kanqa chaypi noqa Tata Diosta imamantapis tapunaypaj, nispa.

Jueces 18:14

Chantá pikunachus Lais llajtata qhawaj jamusqanku, chay phishqa kachakunaqa llajta masinkuman nerqanku: Yachankichejchu kay wasipi tiyan Diosta tapuna efodta, chantá lantikuna, jinataj k'ullu llajllasqamanta uj lanti qolqewan lluch'isqa ima. Ima ninkichejtajri? nispa.

Jueces 17:13

Chaypacha Micaiaqa uj levita runata sacerdoten kananpaj churasqanrayku, yuyarqa Tata Dios tukuy imapi payta yanapananta.

Jueces 17:5

Micaiataj wasinpi uj cheqata lantita yupaychanapaj wakicherqa, jaqaypitaj churarqa waj lantinkunatawan ima. Chantá ruwakorqa uj efod lantita. Ujnin kaj churintapis sacerdote kananpaj churallarqataj.

Jueces 18:4

Chantá levita kuticherqa: Kay Micaiawan uj tratota ruwarqayku, paytaj sacerdoten kanaypaj pagamanta mink'akuwan, nispa.

Jueces 18:6

Levita sacerdotetaj kuticherqa: Rillaychej mana manchachikuspa, imaraykuchus Tata Diosqa qankunata waqaychasonqachej mayllamanpis rejtiykichej, nispa.

1 Samuel 9:9

Unaypachapi sichus mayqen israelita Diosta tapurikuyta munaj chayqa, kay jinata nej: Jaku rina yachaj runaman, nispa. Unay sut'inchajkunata: “Yachaj runa”, nispa nej kanku. Chaymantaqa: “Diosmanta sut'inchajkuna”, nispa rejserqanku.