Jueces 18:2 - DIOSPA QHELQACHISQ

² Chayrayku Danmanta kajkunaqa Soramanta, jinataj Estaolmanta kacharqanku phishqa aswan kallpayoj runakunata qhawaramunankupaj, jinataj sumajta rejsimunankupaj chay jallp'akunata. Chay phishqa kachakunaqa Efraín jatun aylloj jallp'ankupi orqorara cheqanejman rispa, chayarqanku Micaíaj wasinman, chaypi chay ch'isi puñukunankupaj.

Qheshwa Biblia DC

² Chayrayku Danmanta kajkunaqa Zoramanta jinataj Estaolmanta kacharqanku phishqa aswan sumachaj runasninta, qhawaqamunankupaj jinataj sumajta rejsimunankupaj chay lugaresta. Chay phishqa kachasqa Efraimpa orqosninman rerqanku, chayarqankutaj Micaiajpa wasinman, chaypitaj chay ch'isita qhepakorqanku.

DIOSPA QHELQACHISQAN DEUTEROCANONICAL

² Chayrayku Danmanta kajkunaqa Soramanta, jinataj Estaolmanta kacharqanku phishqa aswan kallpayoj runakunata qhawaramunankupaj, jinataj sumajta rejsimunankupaj chay jallp'akunata. Chay phishqa kachakunaqa Efraín jatun aylloj jallp'ankupi orqorara cheqanejman rispa, chayarqanku Micaíaj wasinman, chaypi chay ch'isi puñukunankupaj.

Jueces 18:2 Referans Kwoze

Jueces 13:25

Chantá Tata Diospa Espíritun Sansonman jamuspa, payta kallpacharqa, Danpa jaranpi kashajtin. Chay kashan Sorawan, Estaolwan, chay chawpinejpi jina.

Josué 2:1

Nunpa churin Josueqa Sitín nisqa chaymantapacha iskay wateqajkunata mana pejpa yachasqallan kachaspa, nerqa: Rispa, chay jallp'ata, chantá Jericó llajtatawan allinta qhawamuychej, nispa. Paykunataj rispa, Jericó llajtapi uj sajra purikoj warmej wasinman chayakorqanku, chay ch'isitaj chaypi qhepakorqanku. Chay warmej sutenqa Rajab karqa.

Jueces 18:11

Chantá Dan jatun ayllumanta, Soramanta, Estaolmanta ima 600 qharikuna llojserqanku sumaj wakisqa maqanakunapaj.

Jueces 18:8

Chaymantataj chay phishqa kachakunaqa kutimporqanku Soraman, jinataj Estaolman, maypichus chay wawqe masinku kasharqanku, chayman. Paykunataj chay kachakunata tapurerqanku: Imaynataj risorqachejri? nispa. Chay kachakunataj kuticherqanku:

Números 13:17

Moisés paykunata Canaán suyuta qhawamunankupaj kachashaspa, nerqa: Kaymanta Neguevman rispa, orqokunanejta rinkichej.

San Lucas 14:31

Jinallatataj, pi kuraj kamachejpis waj kuraj kamachejwan maqanakoj yaykunanpajqa, manachu ñawpajta qhawarikunraj, atenqanchus manachus atipayta, chayta yachananpaj? Ajinamanta yachanqa sichus 10.000 soldadokunallawan chay ujninta atipayta atinanta, chay ujnin 20.000 soldadokunawan jamushajtin?

Proverbios 20:18

Imatapis ruwanaykipajqa allin yuyaychaykunata mask'ay. Jatun maqanakuyman rinapajqa sumajtaraj umachakuna tiyan.

Jueces 19:18

Levitataj kuticherqa: Tutayaykuchikuyku. Judá jatun ayllupi Belenmanta jamorqayku, rishaykutaj Efraín jatun aylloj jap'iynin ukhu orqonejman, maypichus tiyakuni, chayman. Belenpi karqani, kunantaj Tata Diospa wasinman kutipushani, manataj ni pi kanchu kunan ch'isi wasinman wajyarikuwaj.

Jueces 19:1

Israel ukhupi manaraj kuraj kamachej kashajtin, uj levita tiyakorqa Efrainpa jallp'ankupi aswan karu orqorara cheqanejpi. Paytaj, Judapi Belén llajtamanta uj warmiwan tantakorqa.

Jueces 16:31

Chaymanta Sansonpa wawqenkuna, tukuy ayllunkuna ima jamorqanku. Ayanta oqharispataj, p'ampamorqanku Manoa tatanpa aya p'ampananman. Chay aya p'ampanaqa Sorawan, jinataj Estaolwan chay chawpinejpi kasharqa. Sansonqa tukuy kawsayninpi iskay chunka watata israelitakunata kamachisqa juez jina.

Jueces 13:2

Chaypacha Sorá llajtapi Dan jatun ayllumanta uj runa karqa Manoa sutiyoj, paypa warmintaj manapuni wawayoj kayta aterqachu.

Josué 19:41

Chay jap'iypi kay llajtakuna karqanku: Sorá, Estaol, Ir Semes,

Génesis 42:9

Chaymantataj José paykunamanta imatachus mosqokusqanta yuyarikorqa. Chantá paykunata nerqa: Qankunaqa wateqaj jamunkichej, kay suyupi maynejchus as saqerpasqalla kashasqanta yachaj, nispa.

Josué 15:33

Pampapi kaj llajtakunataj kaykuna karqanku: Estaol, Sorá, Asena,

Jueces 17:1

Efrainpa jatun ayllu jap'iynin orqonejpi uj runa Micaía sutiyoj tiyakorqa.

Jueces 18:3

Micaíaj wasinman qayllashaspañaqa, chay wayna levitaj parlasqanta rejserqanku. Chayrayku levitaman qayllaykuspa, taporqanku: Pitaj kaynejman pusamusorqari? Imaraykutaj qan kaypi kashankiri? Imatataj kaypi mask'ashankiri? nispa.

Josué 2:2

Jinapis uj rikoj waj llajtayojkuna chayamusqankuta Jericó llajtata kuraj kamachejman willasqanku: Israelitakuna llajtanchejta wateqaj jamusqanku, nispa.

Jueces 18:13

Chaymantataj rerqanku Efrainpa jallp'anpi orqorara cheqanejman, chayarqankutaj Micaíaj wasinman.