Jueces 16:21 - DIOSPA QHELQACHISQ

²¹ Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.

Qheshwa Biblia DC

²¹ Chaypacha filisteosqa Sansonta jap'iytawankama ñawisninta orqhorparerqanku, Gaza llajtamantaj aparqanku, chaypitaj broncemanta cadena watanaswan jap'iykucherqanku, carcelpitaj jak'uchina rumita muyuchispa llank'acherqanku.

DIOSPA QHELQACHISQAN DEUTEROCANONICAL

²¹ Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.

Jueces 16:21 Referans Kwoze

Proverbios 2:19

Pikunachus paywan puñuykojkunaqa manaña kutimonqankuchu, manañataj kusiy kawsayta rikonqankuchu.

San Mateo 24:41

Jinallataj iskay warmikuna molinopi jak'ushanqanku. Ujnin oqharisqa kanqa, ujnintaj saqerparisqa.

Isaías 47:2

Maran rumita jap'ispa, trigota kutay. Uma qhatanaykita qhatarakuy, qhoysu p'achaykita patakama oqharikuspataj, mayuta chimpay.

Proverbios 14:14

Wampu runaqa mana allinta purisqanwan kusikun. Allinta ruwaj runarí sumaj ruwasqanwan kusikun.

Éxodo 11:5

Chaypacha wañonqanku tukuy Egipto llajtayojkunaj kuraj kaj qhari wawaykichejkuna. Wañonqanku kamachinan tiyanapi tiyaj faraonpata kuraj kaj churinmantapacha molinota muyuchej kamachi warmej kuraj kaj churinkama. Chantá tukuy uywakunaj phiwi uñankunapis wañullanqankutaj.

Proverbios 5:22

Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Salmos 149:8

Jinallataj chay suyukunaj kuraj kamachejninkuta cadenawan watanqanku, atiyniyoj runankukunatapis fierromanta cadenawan.

2 Crónicas 33:11

Chayraykumá Tata Diosqa Asiria suyuta kuraj kamachejpa soldadonkunaj kamachejninkunata paykunaj contrankupi kachamorqa, chaykunataj Manasesta jap'ispa, presocharqanku. Chantá fierro ganchokunawan, broncemanta ruwasqa cadenakunawan payta wataykuspa, Babiloniaman apacherqanku.

2 Reyes 25:7

Chantá Sedequías rikunanta wawankunaj umankuta qholurarqanku. Paytapis iskaynin ñawinta orqhoytawan, cadenawan watasqata Babiloniaman aparqanku.

Números 16:14

Qanqa, maypichus lechewan, abeja misk'iwan purishan, kunankama chay jallp'aman manaraj chayachiwaykuchu. Nillataj jallp'ata, nitaj uva huertakunatapis qowaykuchu. Qanqa mana yuyayniyojkunata jina q'otiyayta munashawayku. Mana, mana jamusqaykuchu, nispa.

Jueces 16:20

Chantá Dalilaqa qhaparerqa: Sansón, filisteokuna jap'isoj jamushanku, nispa. Sansontaj rijch'ariytawan, yuyarqa ñawpaj kutipi jina kacharichikunallanta. Jinapis mana yacharqachu Tata Diosqa payta saqerparisqanta.

Jueces 16:22

Chaywanpis k'utuchikusqanmanta qhepaman Sansonpa chujchanqa watej wiñaykushallarqataj.

Jeremías 39:7

Chantá Babiloniaman apanankupaj, Sedequiaspa ñawinta orqhocherqa, cadenawantaj wataykucherqa.

Lamentaciones 5:13

Aswan kallpayoj runakunata molinopi kutanankupaj churarqanku. Waynakunataj llant'a q'epiwan atiykuchikorqanku.