Jueces 14:6 - DIOSPA QHELQACHISQ

⁶ Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

Qheshwa Biblia DC

⁶ Chaypacha Señorpa Espíritun Sansonman jamorqa. Chay ratotaj makisnillanwan uj cabritota jina leontaqa t'isarparerqa, chaytataj mana willarqachu tatasninmanqa.

DIOSPA QHELQACHISQAN DEUTEROCANONICAL

⁶ Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

Jueces 14:6 Referans Kwoze

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

1 Samuel 11:6

Chayta Saúl uyarejtinkama, Diospa Espiritonqa Saulman jamorqa, Saultaj may sinch'itapuni phiñarikorqa.

Jueces 13:25

Chantá Tata Diospa Espíritun Sansonman jamuspa, payta kallpacharqa, Danpa jaranpi kashajtin. Chay kashan Sorawan, Estaolwan, chay chawpinejpi jina.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

San Mateo 11:29

Yugoy churasqayta tukuy sonqo jap'ikuychej, noqamantataj yachaqakuychej. Noqaqa k'acha kani, llamp'u sonqotaj, qankunataj chayta ruwaspa, samariyta tarinkichej,

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Isaías 42:2

Payqa mana qhaparenqachu, nitaj jatunmanta parlanqachu, manataj callekunapipis sinch'ita parlanqachu.

1 Samuel 17:46

Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.

Jueces 16:30

Chantá Sansón qhaparerqa: Filisteokunawan khuska wañusaj, nispa. Chaymantaqa chay sayantakunata ñit'erqa tukuy kallpanwan, chay jatun wasitaj thuñikorqa filisteokunaj kurajninkukunaj patankuman, chaypi kasharqanku, tukuy chaykunaj patankumanwan. Sansón kawsashaspa, mashkha filisteokunatachu wañuchisqanmantaqa kay kutipi aswan ashkhataraj filisteokunata wañucherqa.

Jueces 15:15

Chantá manaraj allin ch'akisqa burro k'akita oqharikuspa, chaywan 1.000 filisteokunata wañuracherqa.

Jueces 15:8

Jinamanta filisteokunata mana khuyaspa maqaykorqa, ashkhatataj wañuracherqa. Chay qhepantataj Etam chhanka jusk'uman tiyakoj rerqa.

Jueces 11:29

Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

Hebreos 11:33

Paykuna Diospi atinikusqankurayku waj suyukunata atipaspa jap'erqanku, justiciata ruwaspa kamacherqanku, Diospa qonan kasqanta jap'erqanku, chantá leonkunaj siminkutapis wisq'arqanku.

Jueces 14:5

Chantá Sansonqa, tatan maman ima Timnatman rerqanku. Ñapis Sansón uva huertaman chayashajtinña, uj maltun león qhaparispa payman phinkiykorqa.

Jueces 14:7

Chaymanta Sansonqa chay munakusqan sipaswan parlaj rerqa.

1 Samuel 10:6

Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

Salmos 91:13

Katarita, leontapis sarunki, phiña leontapis, sierpetapis sarullankitaj.

Jueces 14:19

Chaypacha Tata Diospa Espíritun Sansonman sinch'i kallpata qorqa. Sansontaj filisetokunaj llajtanku Ascalonman rispa, kinsa chunka runakunata wañucherqa. Chaykunamanta p'achata lluch'uspataj, watuchisqanta sut'inchajkunaman qorqa. Chaymantataj may phiñasqa tatanpa wasinman kutiporqa.

1 Samuel 10:16

Saultaj kuticherqa: Chinkaj burrokunata tarisqankutaña willawarqayku, nispa. Saulrí Samuel payman kuraj kamachej kananta nisqanmanta mana imatapis willarqachu.

1 Samuel 14:1

Uj kuti Saulpa churin Jonatán armanta apaykachapoj kamachinta nerqa: Jaku, jaqay chimpapi filisteo soldadokuna kashanku, chayman rinachej, nispa. Jonatanrí mana imatapis tatanman willarqachu.