Jueces 14:12 - DIOSPA QHELQACHISQ

¹² Chantá chay kinsa chunka runakunaman Sansonqa nerqa: Uj watuchikuta willasqaykichej. Kay qanchis p'unchay raymi kanankama sichus kay watuchiku imatachus niyta munasqanta niwankichej chayqa, noqaqa sapa ujniykichejman qosqaykichej sumaj linomanta ruwasqa uj p'achata, chantá raymiman rina uj p'achatawan.

Qheshwa Biblia DC

¹² Kay kinsa chunka runasmantaj Sansonqa nerqa: Uj watuchikuta ruwasqaykichej. Kay qanchis diata fiesta kanankama sichus cheqamanta kay watuchiku imatachus nisqanta niwankichej chayqa, noqa sapa ujniykichejman qosqaykichej chay allin kaj linomanta ruwasqa p'achata chantá fiestapaj nisqa p'achatawan.

DIOSPA QHELQACHISQAN DEUTEROCANONICAL

¹² Chantá chay kinsa chunka runakunaman Sansonqa nerqa: Uj watuchikuta willasqaykichej. Kay qanchis p'unchay raymi kanankama sichus kay watuchiku imatachus niyta munasqanta niwankichej chayqa, noqaqa sapa ujniykichejman qosqaykichej sumaj linomanta ruwasqa uj p'achata, chantá raymiman rina uj p'achatawan.

Jueces 14:12 Referans Kwoze

Ezequiel 17:2

Runaj churin, Israel aylluman kay rijch'anachinata willay.

1 Reyes 10:1

Salomonqa manchay uyarisqa karqa Tata Dios yachayta qosqanrayku. Chayta uyarispa, Sabá suyumanta qoyaqa mana kutichiy atina tapuykunawan jamorqa.

Génesis 45:22

Chantá sapa ujninkuman mosoj p'achata qollarqataj. Benjaminmantajrí 300 qolqeta qorqa, phishqa mosoj p'achatawan.

2 Reyes 5:22

Guejazitaj kuticherqa: Tukuy imapis allillan kashan. Jinapis wiraqochiy kachamuwan nisunaypaj: Efraín jatun aylloj jap'iyninpi, orqorara cheqanejpi sut'inchajkunamanta iskay waynakuna chayamunku. Ama jina kaspa, 3.000 qolqeta, iskay mosoj p'achatawan apachimuway ari, nispa.

2 Reyes 5:5

Siriamanta kuraj kamachejtaj Namanta nerqa: Rillay, noqataj Israel suyuta kuraj kamachejman cartata apachisqayki, nispa. Jinataj Namán rerqa, 30.000 qolqeta, 6.000 qori phisuta, chunka mosoj p'achatawan ima apariykukuspa.

Proverbios 1:6

Astawan yachayniyoj kanqanku, maypachachus yachayniyojkunaj nisqankuta, chantá rijch'anachiykunawan parlasqankuta unancharenqanku, chaypacha. Jinallataj astawan yachayniyoj kanqanku, maypachachus sumaj yachaywan nisqankuta, chantá watuchiykunawan parlasqankuta ima unancharenqanku, chaypacha.

Santiago 5:2

Kapuyniykichej ismuykapushan, sumaj p'achaykichejtataj thuta k'utuykushan.

1 Corintios 13:12

Kunanqa ayphu espejopi jina ayphullata rikunchej. Qhepamantajrí Dioswan uyapurakuspa imatapis maychus kajta yachasunchej. Kunanqa wakillantaraj yachani. Qhepamantajrí allinta yachasaj, imaynatachus Dios noqamanta tukuy imata yachan, ajinata.

San Juan 16:29

Chantá Jesuspa yachachisqankuna nerqanku: Kunanqa sut'ita parlashanki, manataj rijch'anachinawanchu.

San Lucas 14:7

Jesús qhawasharqa imaynatachus jatun mikhunaman wajyarisqakuna aswan sumachaj tiyanakunata ajllarakusqankuta. Chayrayku paykunata kay jinata yuyaycharqa:

San Mateo 27:28

Jinaytawantaj, Jesuspa p'achankunata lluch'uspa, uj puka p'achawan payta p'achallicherqanku.

San Mateo 13:34

Jesusqa tukuy imamanta rijch'anachinawan runakunaman parlarqa. Mana rijch'anachinawanqa mana imatapis paykunaman yachacherqachu.

San Mateo 13:13

Chayrayku noqaqa rijch'anachinawan wajkunaman parlani, imaraykuchus qhawashaspa, mana rikunkuchu. Ninriyoj kashaspapis, mana uyarinkuchu, nitaj entiendenkuchu.

San Mateo 6:19

Ama kay pachapi qhapajyayta munaspa, ashkha imata tantaychejchu. Kaypeqa thuta k'utun, tukuy imapis ismurparin, jinallataj suwakunapis wasiman yaykuykuspa, suwakapullankutaj.

Ezequiel 20:49

49 (21.5) Chantá noqa nerqani: Ay, Tukuyta Kamachej Tata Dios, runakunaqa noqamanta ninku: Kay runaqa yanqhallata parlan, nispa.

Salmos 49:4

4 (5) Yachaywan nisqakunata allinta uyarisaj, sonqoypi pakasqa kajtataj arpata tocarispa sut'inchasaj.

2 Crónicas 7:8

Chay kutipeqa Salomonwan tukuy israelitakunapiwan qanchis p'unchayta may jatun raymita ruwarqanku. Israelitakuna chay jatun raymiman, Jamat llajta yaykuna q'asamanta Egipto wayq'onejmantapacha jamorqanku.

Jueces 14:11

Filisteokunaqa Sansonta rikuytawan, kinsa chunka waynakunata paywan kanankupaj pusarqanku.

Jueces 14:13

Manatajchus watunkichej chayrí, sapa ujniykichej mosoj linomanta uj p'achata, jinataj raymiman rina uj p'achatawan noqaman qowankichej, nispa. Chay waynakunataj kuticherqanku: Kunanqa niwayku ari: Imataj chay watuchikuri? Sumajta uyarisqayku, nispa.

Proverbios 31:24

Chay warmeqa lino p'achakunata awaspa, chantá chumpikunatawan ruwaspa, ranqherokunaman venden.