Jueces 13:6 - DIOSPA QHELQACHISQ

⁶ Chayta uyariytawan, warmeqa qosanman willamorqa: Uj runa Diospa angelninman rijch'akoj jamuwarqa, paytaj may mancharina karqa. Manataj taporqanichu pichus kasqanta, nitaj paypis willawarqachu.

Qheshwa Biblia DC

⁶ Chay warmeqa qosanman willaspa kay jinata nerqa: Diospa uj runan noqaman jamuwarqa, payqa may mancharina karqa, imaraykuchus Señorpa kikin angelninman rijch'awarqa. Mana taporqanichu pichus kasqanta, nitaj paypis willawarqachu.

DIOSPA QHELQACHISQAN DEUTEROCANONICAL

⁶ Chayta uyariytawan, warmeqa qosanman willamorqa: Uj runa Diospa angelninman rijch'akoj jamuwarqa, paytaj may mancharina karqa. Manataj taporqanichu pichus kasqanta, nitaj paypis willawarqachu.

Jueces 13:6 Referans Kwoze

1 Samuel 9:6

Kamachitajrí kuticherqa: Kay llajtapi Diosmanta sut'inchaj tiyan. Payqa tukuypaj manchay respetasqa, imajtinchus tukuy imatapis nisqanqa junt'akunpuni. Jaku payman rina. Ichapis pay mayman mask'aj rinanchejta niwasunman, nispa.

Deuteronomio 33:1

Diospa kamachin Moisés manaraj wañupushaspa, israelitakunata kay jinata samincharqa:

Apocalipsis 1:17

Maypachachus payta rikorqani chaypacha, noqa wañusqa jina ñawpaqenpi wijch'ukorqani. Paytajrí paña makinta patayman churaspa, niwarqa: Ama mancharikuychu. Noqa kani ñawpaj kaj, qhepa kajtaj,

Hechos 6:15

Jatun Juntamanta kajkunarí Estebanta qhawarispa, uyanta angelpa uyan jina kasqanta rikorqanku.

San Lucas 9:29

Jinapi Dioswan parlarikushajtin, Jesuspa uyan waj jinaman tukorqa. Jinallataj p'achanpis yuraj lliphipejman tukullarqataj.

San Lucas 1:19

Angeltaj kuticherqa: Noqaqa Gabriel kani, jinataj Diospa ñawpaqenpipuni kashani. Paymin kay sumaj willayta willasunaypaj kachamuwan.

Daniel (hebreo) 10:11

Chantá niwarqa: Daniel, Diospa manchay munakusqan kaj runa, allinta uyariway imatachus nisunayta: Sayarikuy, imaraykuchus Dios chaypajmin qanman kachamuwarqa, nispa. Chayta niwajtintaj, noqa mancharisqa kharkatitispa ima sayarerqani.

Daniel (hebreo) 10:5

Qhawarispataj, rikorqani uj runata, linomanta ruwasqa p'achayojta, may sumaj qorimanta ruwasqa chumpiwan chumpiykukusqata.

Daniel (hebreo) 8:17

Chantá Gabriel qayllaykamuwarqa. Noqataj mancharispa, pampakama k'umuykorqani. Paytajrí niwarqa: Runaj churin, kayta yachay: Chay mosqoypi jina rikusqaykeqa kay pachaj tukukuyninmanta willashan, nispa.

2 Reyes 4:9

Chantá warmeqa qosanta nerqa: Sapa kuti wasinchejman mikhoj jamun, chay runaqa Diosmanta sut'inchajpunichá.

1 Timoteo 6:11

Qanrí, Diospa kamachin, chay mana allin kajkunamanta karunchakuy. Aswanpis Diosta kasuspallapuni puriypi kallpakuy, Jesucristoj sumaj yachachisqan kanaykipaj. Jinallataj Diospi atinikuspallapuni kay, chantá Diosta tukuy qhatikojkunata munakuy. Sichus llakiykuna qhatirisunkiman chayqa, pacienciakuy, chantá tukuywan k'acha kay.

2 Reyes 4:16

Eliseotaj warmita nerqa: Wata kunanta jina, uj wawata q'epirikunki, nispa. Warmitajrí kuticherqa: Wiraqochíy, Diosmanta sut'inchaj ama ajinata nispa llullakuwaychu ari, nispa.

1 Reyes 17:24

Chantá chay warmeqa Eliasta nerqa: Kunanqa yachani qanqa cheqatapuni Diospa kamachiyninpi kasqaykita, parlasqaykipis Tata Diospa nisqan kasqanta, nispa.

1 Reyes 17:18

Warmisapataj Eliasta nerqa: Diospa kamachin, imanaykitaj noqa qantari? Juchaymanta sut'inchajchu jamuwarqanki, chaymanta wawaypis wañunanpajri? nispa.

1 Samuel 2:27

Chaypacha Diosmanta sut'inchaj uj runa Elita watukoj jamorqa, nerqataj: Tata Diosqa kay jinata nisunki: Ñawpa tataykikuna, aylluntin ima Egiptopi faraonpa wata runan kashajtinku, sut'imanta paykunaman rikhurerqani.

Jueces 13:22

Chantá Manoaqa warminta nerqa: Cheqamanta kunanqa Diosta rikusqanchejrayku wañupusunchá, nispa.

Jueces 13:8

Chantá Manoaqa Tata Diosmanta mañakorqa: Mañarikuyki, Tukuyta Kamachej Diosníy, warmiyman kachamusqayki runata watej kachamunawaykuta. Ajinamanta pay willawasqayku imatachus ruwanaykuta, paqarinan kashan, chay qhari wawawan, nispa.

Josué 14:6

Uj kuti Judá jatun ayllumanta kajkuna Josuewan parlaj Gilgalman rerqanku. Chantá Cenazpa mirayninmanta Yefunej churin Caleb Josueta nerqa: Cadés Barneapi qanmanta, noqamantawan Tata Diosqa kamachin Moisesman imatachus nisqanta qan allinta yachanki.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 3:2

Chaypitaj uj t'ankar sach'api nina lawrashaj chawpipi Tata Diospa angelnin rikhurerqa. Moisestaj t'ankarta nina mana ruphasqanta rikuspa,

Génesis 32:29

29 (30) Chaymanta Jacob taporqa: Qanpa sutiykirí, imataj? nispa. Chay runataj nerqa: Imapajtaj sutiyta tapuwankiri? nispa. Jinata nispataj, Jacobta samincharqa.

Génesis 18:2

Chantá Abraham qhawaspa rikorqa, jaran qayllapi kinsa qharikuna sayashajta. Rikuytawantaj, paykunata taripaj rerqa, chantá pampakama k'umuykuspa,

Jueces 6:11

Aswan qhepaman uj kuti Tata Diospa angelnin jamuspa, Ofrá chaypi uj encina sach'a urapi tiyaykukorqa. Chay sach'aqa Abiezerpa ayllun Joaspata karqa. Chay sach'a qayllapitaj Joaspa churin Gedeontaj pakayllamanta trigota wayrachisharqa, maypichus uvata saroj kanku, chay t'oqopi, madianitakunamanta pakaykunanpaj.

Jueces 13:3

Chantá uj p'unchay Tata Diospa angelnin Manoaj warminman rikhurispa, nerqa: Qan mana wawayoj kayta atinkichu. Kunanrí wijsallikunki, jinaspataj uj qhari wawata paqarichikunki.

Jueces 13:7

Pay niwarqa: Uj qhari wawata paqarichikunki. Chantá kunanmantapacha amapuni vinota, nitaj ima machachikoj ujyanata ujyankichu. Amallataj ima ch'ichipaj qhawasqa mikhunatapis mikhunkichu, imaraykuchus wawaykeqa Tata Diospaj t'aqasqa nazareo kanqa, manaraj paqarikusqanmantapacha wañupunankama, nispa.

Jueces 13:10

Chantá warmeqa usqhayta rispa, qosanta nerqa: Qaninpa rikhuriwarqa, chay runa watejmanta rikhurillawantaj, nispa.