Jueces 11:39 - DIOSPA QHELQACHISQ

³⁹ Iskay killa junt'akojtintaj, Jeftejpa ususin tatanpaman kutimporqa, Jeftetaj junt'arqa Tata Diosman imatachus qonan karqa, chayta. Jeftéj ususenqa wañorqa qharej mana chayasqan.

Qheshwa Biblia DC

³⁹ Chay tiempo junt'akojtintaj tatampaman kutimporqa, paytaj junt'arqa Señorman imatachus qosaj nerqa chayta. Jeftéj sipas warmi wawanqa wañorqa mana ni pi qharita qosampaj rejsispa.

DIOSPA QHELQACHISQAN DEUTEROCANONICAL

³⁹ Iskay killa junt'akojtintaj, Jeftejpa ususin tatanpaman kutimporqa, Jeftetaj junt'arqa Tata Diosman imatachus qonan karqa, chayta. Jeftéj ususenqa wañorqa qharej mana chayasqan.

Jueces 11:39 Referans Kwoze

Jueces 11:31

qanman q'olachispa jaywasqayki, pichari ñawpajta wasiymanta taripawaj llojsimonqa, chayta, nispa.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

1 Samuel 2:18

Chaykama Samuelqa linomanta ruwasqa unkuyoj Tata Diospaj llank'aspapuni kasharqa.

1 Samuel 1:28

Chayrayku noqapis kunanqa kay wawata Tata Diosman qopunaypaj pusamuni. Kawsanankamaqa Tata Diospata kachun, nispa. Chantá chaypi Tata Diosta yupaycharqanku.

1 Samuel 1:24

Aswan qhepanejman wawata januk'aytawan, Anaqa Silopi Dioswan Tinkukuna Toldoman aparqa. Apallarqataj kinsa watayoj torillota, uj arroba trigo jak'utawan, chantá uj wich'i vinota ima. Wawarí juch'uyllaraj karqa.

1 Samuel 1:22

Anatajrí mana riyta munarqachu, qosanmantaj nerqa: Wawayta januk'anaykama, mana riymanrajchu. Chaymantaraj rispa, wawayta Tata Diosman apapusaj, chaypi wiñaypaj qhepakapunanpaj, nispa.

1 Samuel 1:11

Tata Diosmantaj ajinata nerqa: Tukuy Atiyniyoj Tata Dios, sichus qan kay llakiyniyta qhawariwaj, sitajchus noqa kamachiykimanta yuyarikuspa uj wawata qowankiman chayqa, noqa chay wawata mayk'ajkamachus kawsanqa chaykama qanpata kananpaj qopusqayki. Manataj jayk'ajpis chujchan ruthusqachu kanqa, nispa.

Deuteronomio 12:31

Tata Diosniykichejtaqa ama chay llajtayojkuna imaynatachus diosninkuta yupaychanku jinataqa, yupaychankichejchu. Chay llajtayojkunaqa imatachus Tata Dios mana rikuyta atinchu, chay imakunata ruwaspa diosninkuta yupaychanku. Paykunaqa wawankutapis ninawan q'olachispa diosninkuman jaywanku.

Jueces 11:38

Chantá Jefté iskay killapaj kacharqa, chaymanta ususenqa orqonejta waqaspa purerqa kawsakusqan sipaskunawan khuska, mana casarakuspalla wañunan kasqanmanta.

Jueces 11:40

Chaymantapacha Galaadpi kay usu karqa israelitakuna ukhupi: Sapa wata sipaskuna Jeftéj ususinmanta tawa p'unchayta orqoman waqaj rej kanku.

2 Crónicas 35:25

Jeremiasqa uj llakiy yarawita wakicherqa, Josiaspa wañupusqanmanta yuyarikunapaj. Tukuy takejkuna qharikuna, warmikunapis, Josiasmanta yuyarikuspa kunankama takinku. Chay jina yarawitaqa Israelpi pi wañupojtin takillankupuni. Yarawi qhelqasqapi qhelqasqa kashan.