Jueces 10:16 - DIOSPA QHELQACHISQ

¹⁶ Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

Qheshwa Biblia DC

¹⁶ Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.

DIOSPA QHELQACHISQAN DEUTEROCANONICAL

¹⁶ Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

Jueces 10:16 Referans Kwoze

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Hebreos 4:15

Chay Kuraj Kaj Sacerdotenchej pisi kallpa kasqanchejta yachaspa, khuyarikuwanchej, imaraykuchus payqa noqanchej jinallataj juchallinaman tanqasqa karqa. Chaywanpis pay mana jayk'ajpis juchallerqachu.

Hebreos 3:10

Chayrayku noqa chaypacha runakunapaj mayta phiñakuspa, nerqani: Paykuna sonqonkupi pantashallankupuni, manataj munasqayman jina puriyta munankuchu, nispa.

Efesios 4:32

Manachayqa ujkuna ujkunawan k'acha kaychej, khuyakuyniyojtaj. Chantá ujkuna ujkuna qhespichinakuychej, imaynatachus Diospis Cristonejta juchaykichejta pampacharqa, ajinata.

San Lucas 19:41

Chantá Jerusalén llajta qayllaman chayaspa, Jesús llajtata rikuytawan, waqarikorqa.

San Lucas 15:20

Sayariytawantaj, waynaqa tatanpaman kutipusqa. Karullapiraj kashajtintaj, tatanqa wawanta rikuspa, mayta khuyarikusqa. Chantá usqhayta taripamuspa, wawanta ojllaykusqa, much'aykusqataj.

Oseas 14:8

Qan Efraín ninki: Lantikunawan ni ima ruwanay kanchu, nispa. Chantá noqa uyarisqayki, noqallataj waqaychasqayki. Noqa, qanpaj kani pino jina q'omerllapuni. Noqapitaj qan ayllúy, allin kayta tarinki.

2 Crónicas 33:15

Chay jawaqa chinkachillarqataj Tata Diospa Templonmanta waj dioskunata, jinataj lantikunatapis. Chinkachillarqataj Jerusalenpi Tata Diospa Temploj chimpa orqonejpi altarkunatapis. Chantá chaykunata llajtamanta jawaman wijch'umorqa.

2 Crónicas 15:8

Maypachachus Asa uyarerqa Diosmanta sut'inchaj Obedpa nisqanta chaypacha, kallpachakuspa, tukuy Judá jap'iymanta, Benjamín jap'iymantawan chay millay lantikunata wijch'urarqa. Lantikunata chinkachillarqataj, Efraín orqo cheqanejpi llajtakunata jap'isqanku, chaymantawan. Chaymantataj Temploj ñawpaqenpi Tata Diospa altarninta allincharqa.

2 Crónicas 7:14

sichus ajllakusqay aylluy k'umuykuspa, tukuy sonqo mañakamuwanman, sajra kawsayninta saqespataj mask'awanman chayqa, noqaqa janaj pachamantapacha uyarimusaj, juchantataj pampachasaj, jallp'antapis allinyachisaj.

Josué 24:23

Josuetaj kuticherqa: Jina chayqa, jap'ishankichejraj, chay dioskunata wijch'uychej, tukuy sonqotaj Israelpa Tata Diosninman kutirikuychej, nispa.

Génesis 6:6

Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

San Juan 11:34

Jinaspataj, paykunata taporqa: Maypitaj Lazarota p'amparqankichej? nispa. Paykunataj nerqanku: Wiraqochi, jamuy ari, rikunki, nispa.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.

Salmos 73:21

Noqaqa ancha llakisqa karqani, sonqoytaj t'ojsisqa jina nanarqa.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

1 Samuel 7:4

Chantá israelitakunaqa Baalpa lantinkunata, jinataj Astarotpa lantinkunata wijch'uspa, Tata Diosllataña yupaycharqanku.

2 Reyes 13:23

Chaywanpis Tata Diosqa paykunamanta khuyakorqa, Abrahamwan, Isaacwan, Jacobwan ima tratota ruwasqanraykutaj, israelitakunata mana saqerpayarqachu. Chayrayku Tata Diosqa ñawpaqenmanta mana paykunata wijch'uyta, nitaj chinkachiytapis munarqachu. Kunankama ajina kashan.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.