Jueces 10:15 - DIOSPA QHELQACHISQ

¹⁵ Chantá israelitakunaqa Tata Diosman kuticherqanku: Juchalliyku. Chayrayku noqaykuwan munasqaykita ruway. Chaywanpis ama jina kaychu kacharichiwayku ari, nispa.

Qheshwa Biblia DC

¹⁵ Chaypacha israelitasqa kuticherqanku Señorman: Juchallikorqayku, imatachá qan munanki chayta ruway noqaykuwan, jinapis kunanqa salvawayku ari.

DIOSPA QHELQACHISQAN DEUTEROCANONICAL

¹⁵ Chantá israelitakunaqa Tata Diosman kuticherqanku: Juchalliyku. Chayrayku noqaykuwan munasqaykita ruway. Chaywanpis ama jina kaychu kacharichiwayku ari, nispa.

Jueces 10:15 Referans Kwoze

1 Samuel 3:18

Chantá Samuelqa mana uj chhikanta pakarispa, tukuyninta willarqa. Elitaj nerqa: Payqa Tata Diosmin. Imatachus munasqanta ruwachun, nispa.

2 Samuel 15:26

Sichus niwanqa: Mana qanwanqa sonqo junt'asqachu kani, nispa chayqa, noqawanqa imatachus munasqanta ruwachun, nispa.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

2 Samuel 24:14

Davidtaj Gadman kuticherqa: Imatachus ninayta mana yachanichu. Chaywanpis aswan walej kanman kikin Tata Diospa makinman urmanayku, paypa khuyakuynin may jatun kasqanrayku, amataj runaj makinman urmanaykupaj, nispa.

Josué 9:25

Kunanqa makiykipi kashayku. Qan noqaykuwan ruway imachá allin cheqantaj rijch'asunki, chayta, nispa.

Jonás 3:9

Ichapis Dios imatachus nisqanta manaña ruwanmanchu, k'araj phiñakuynintaj tiyaykunman, jinamanta mana wañunanchejpaj, nispa.

2 Samuel 10:12

Kallpachakuy, suyunchejrayku, jinataj Diosninchejpa llajtankunarayku sinch'ita awqanchejwan maqanakunachej. Tata Diostaj munasqanman jina ruwachun, nispa.

Jonás 2:4

4 (5) Jinapi noqa nerqani: Tata Dios, qan ñawpaqeykimanta wijch'uwarqayki. Kunantaj manaña Temploykita ujtawan rikusajchu, nispa.

Job 33:27

Chantá runaj uyarinanta nenqa: Juchallikorqani, mana cheqan kajta ruwarqani, Diostajrí mana juchayman jinachu jasut'iwarqa.

2 Samuel 24:10

Chantá Davidqa israelitakunata yupachispa, juchallisqanta reparakorqa, Tata Diosmantaj juchanta rimarerqa: May jatunta juchallikuni chay imakunata ruwaspa. Chayrayku Tata Dios, mañarikuyki juchayta pampachanaykita. Noqaqa wampu jina chaytaqa ruwarqani, nispa.

2 Samuel 12:13

Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.

Isaías 26:16

Tata Dios, may jina llakiypi rikhurispa, noqayku qanta mask'asorqayku. Allin ñanman churayta munaspa ñak'arichiwashajtiyku, qantapuni mask'arqayku.