San Juan 9:35 - DIOSPA QHELQACHISQ

³⁵ Chantá Jesús uyarerqa judiokunaj kurajninkukunaqa chay runata tantakuna wasimanta wijch'usqankuta. Taripaytawantaj, payta taporqa: Runaj Churinpi atinikunkichu? nispa.

Qheshwa Biblia DC

³⁵ Jesustaj uyarerqa chay runata jawaman qharqosqankuta. Taripaytawantaj payman nerqa: Creenkichu Runaj Churimpi?

DIOSPA QHELQACHISQAN DEUTEROCANONICAL

³⁵ Chantá Jesús uyarerqa judiokunaj kurajninkukunaqa chay runata tantakuna wasimanta wijch'usqankuta. Taripaytawantaj, payta taporqa: Runaj Churinpi atinikunkichu? nispa.

Quechua South Bolivia: Dios Parlapawanchej

³⁵ Jesusri uyarerka payta wijch'uskancuta. Payta taripaspataj nerka: —Kan ¿Diospa Wawanpi jap'icunquichu?

San Juan 9:35 Referans Kwoze

San Juan 20:31

Kaykunarí qhelqasqa kashan, qankuna creenaykichejpaj Jesusqa Diospa Churin Cristo kasqanta, ajinamanta paypa atiyninnejta wiñay kawsayniyoj kanaykichejpaj.

1 Juan 5:13

Kay imakunata qhelqamuykichej, pikunachus Diospa Churinpi atinikunkichej, chaykunaman, ajinamanta wiñay kawsayniyoj kasqaykichejta yachanaykichejpaj.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

1 Juan 5:5

Pitaj Diosman mana kutirikojkuna yuyasqankuman kawsanata atipan? Pichus Jesusqa Diospa Churin kasqanta jap'ikojlla.

1 Juan 4:15

Pillapis sut'ita rimarin Jesús Diospa Churin kasqanta chayqa, chay runaqa Dioswan ujchasqa kashan, Diostaj paypi tiyakun.

Romanos 10:20

Isaiaspis Diosmanta parlaspa, sut'ita nillarqataj: Mana mask'awajkuna tariwarqanku, noqataj rejsichikorqani noqamanta mana tapukojkunaman, nispa.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Hechos 9:20

Chaymantapacha Sauloqa judiokunaj tantakunanku wasipi willarayta qallarerqa, Jesusqa Diospa Churin kasqanta.

Hechos 8:36

Ñanta rishaspataj, chayarqanku, maypichus yaku karqa, chayman. Chantá eunucoqa Felipeta nerqa: Kaypi yaku tiyan. Manachu atiyman noqa bautizasqa kayta? nispa.

San Juan 20:28

Tomastaj kuticherqa: Qanmin Kuraj Kamachejniy kanki, Diosniytaj, nispa.

San Juan 11:27

Chantá Marta nerqa: Arí, Tukuyta Kamachej Jesús, noqa tukuy sonqo yachani qanqa Diospa Churin kasqaykita, pitachus Dios kay pachaman kachamunan karqa, chay Cristo, nispa.

San Juan 6:69

Noqaykoqa qan kawsaj Diospa Churin kasqaykita yachayku, jinallataj Diospa ajllasqan kasqaykitapis, nispa.

San Juan 5:14

Chaymanta qhepata Jesús chay runata Temploj pationpi taripaspa, nerqa: Qhaliyachisqaña kaspa, amaña juchalliyñachu, ama astawan llakiy qhatirisunanpaj, nispa.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

San Juan 1:34

Noqataj ajina kasqanta rikorqani, sut'inchanitaj Jesusqa Diospa Churin kasqanta, nispa.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

Marcos 1:1

Kayqa Diospa Churin Jesusmanta sumaj willay, pichus Cristo karqa, chaymanta.

San Mateo 16:16

Chantá Simón Pedro kuticherqa: Qanqa Diospa kachamusqan Cristo kanki, kawsaj Diospa Churin, nispa.

San Mateo 14:33

Chaymantataj botepi kajkuna Jesusman qayllaykuspa, k'umuykukorqanku, nerqankutaj: Qanpuni Diospa Churin kanki, nispa.

Salmos 27:10

Tatay, mamay saqerpariwankuman chaypis, qan, Tata Dios, noqata uywakapuwanki.

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

Salmos 2:7

Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

San Mateo 4:3

Chaypacha Kuraj Supayqa Jesusta juchallichiyta munaspa qayllaykorqa, nerqataj: Sichus Diospa Churin kanki chayqa, kay rumikunata t'antaman tukunankuta niy, nispa.

San Juan 9:22

Ajinata chay runaj tatan maman nerqanku judiokunaj kurajninkukunata manchachikuspa, imaraykuchus kurajkunaqa tantakunanku wasimanta wijch'unankuta parlanakusqanku, pillapis Jesusta Diospa kachamusqan Cristo, nispa nejkunata.

San Juan 9:34

Judiokunaj kurajninkukunatajrí kuticherqanku: Qanmá paqarisqaykimantapacha juchasapa kanki. Qanchu noqaykuman yachachiwasqayku? nispa. Chantá tantakuna wasimanta payta wijch'orqanku.

3 Juan 1:10

Chayrayku noqa jamuspa, chay ruwasqanmanta payta k'amiykusaj, llullakuspa noqaykupaj mana allinta parlasqanmanta. Diotrefestaj mana chayllatachu ruwan. Astawanqa chayamoj yachachejkunatapis mana wajyarikuyta munanchu. Wajyarikuyta munajkunatapis wasinkuman yachachejkunata pusanankuta manallataj saqenchu, manachayqa paykunata iglesiamanta wijch'un.

Hechos 8:37

Felipetaj kuticherqa: Sichus cheqatapuni tukuy sonqoykiwan Jesuspi atinikunki chayqa, bautizasqa kayta atinki, nispa. Eunucotaj kuticherqa: Arí, atinikuni, yachanitaj Jesucristo Diospa Churin kasqanta, nispa.