San Juan 9:29 - DIOSPA QHELQACHISQ

²⁹ Noqayku yachayku Diosqa Moisesman parlasqanta. Chaywanpis chay runa maymantachus kasqanta mana yachaykuchu, nispa.

Qheshwa Biblia DC

²⁹ Noqayku yachayku Moisesman Dios parlasqanta; chay runamantarí, mana yachaykuchu maymantachus kasqanta.

DIOSPA QHELQACHISQAN DEUTEROCANONICAL

²⁹ Noqayku yachayku Diosqa Moisesman parlasqanta. Chaywanpis chay runa maymantachus kasqanta mana yachaykuchu, nispa.

Quechua South Bolivia: Dios Parlapawanchej

²⁹ ¡Nokaycoka yachaycu Dios Moisesman parlaskanta! ¡Chay runarí maymantachus mana yachaycuchu! —nispa.

San Juan 9:29 Referans Kwoze

San Juan 8:14

Jesustajrí paykunata kuticherqa: Noqa kikiymanta willasqayqa cheqapuni, imaraykuchus noqaqa maymantachus jamusqayta yachani, maymantajchus rishasqaytapis. Qankunarí mana chayta yachankichejchu.

Hechos 26:22

Chaywanpis Dios yanapawasqanrayku kunankama kawsashaniraj, chayraykutaj Jesusmanta willani mana kasu ruwana kajkunaman, atiyniyojkunamanpis. Imatachus Diosmanta ñawpaj sut'inchajkuna, Moisés ima kananta nerqanku, chay kikinta yachachini.

Hechos 22:22

Chayta Pablo ninankama, judiokunaqa nisqanta uyarishallarqanku. Chaymanta qhaparerqanku: Wañuchun chay runaqa. Payqa manamin kawsananpaj jinachu, nispa.

Hechos 7:35

Kaymin chay Moisesqa, pitachus israelitakuna qhesachaspa, nisqanku: Pitaj qanta churasorqa kamachejniyku, juezniykutaj kanaykipajri? nispa. Jinapis paytamin Dios kacharqa paykunaj kamachejninku, kacharichejninkutaj kananpaj, lawrashaj t'ankar sach'api rikhurej angelnejta.

San Juan 9:24

Chantá judiokunaj kurajninkukuna, pichus ñawsa karqa, chay runata ujtawan wajyaspa, nerqanku: Diospa ñawpaqenpi cheqanta parlay. Noqayku yachayku chay runaqa juchasapa kasqanta, nispa.

San Juan 9:16

Chaypacha wakin fariseokuna nerqanku: Chayta ruwaj runataqa mana Dioschu kachamunman, imaraykuchus pay samarina p'unchayta mana respetanchu, nispa. Wakintajrí nisharqanku: Imaynatataj juchasapa runa chay jina t'ukunata ruwanmanri? nispa. Ajinata paykunaqa ujtataj ujtataj parlasharqanku.

San Juan 7:27

Chaywanpis noqanchej pay maymantachus jamusqanta yachanchej. Diospa kachamusqan Cristo jamojtinrí, ni pi yachanqachu maymantachus jamusqanta, nispa.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Lucas 23:2

Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.

San Mateo 26:61

Paykunataj nerqanku: Kay runata nejta uyarerqayku: Diospa Templonta urmachiyta atiyman, kinsa p'unchaypitaj ujtawan sayarichiyman, nispa.

San Mateo 12:24

Fariseokunarí chayta uyarispa, nerqanku: Kuraj Supay Beelzebú kay runaman atiyta qon, chayraykumin pay supaykunata qharqon, nispa.

Malaquías 4:4

4 (3.22) Horeb orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.

Salmos 106:16

Chantá paykuna jarapi Moisesmanta envidiakorqanku, jinallataj Aaronmantapis, pitachus munayniykita ruwaspa kananpaj ajllakorqanki, chaymanta.

Salmos 105:26

Chaymanta Tata Diosqa kamachin Moisesta, chantá ajllasqan Aarontawan kacharqa.

Salmos 103:7

Payqa Moisesman imatachus yuyasqanta rejsicherqa, Israel ayllumantaj ruwasqanmanta yachacherqa.

Salmos 22:6

6 (7) Noqatajrí mana runachu kani, manachayqa khurulla. Runaj asikunan kani, millachikunantaj.

2 Reyes 9:11

Chantá Jehú llojsimojtin, wiraqochinta yanapajkuna taporqanku: Tukuy imapis allillanchu kashan? Imamantaj chay uman t'ojpisqa jamusqari? nispa. Paytaj nerqa: Qankuna chay runata rejsinkichej, imatachus parlasqantapis yachallankichejtaj, nispa.

1 Reyes 22:27

Paykunata niychej: Ajabqa kamachisunkichej kay runata carcelman wisq'aykunaykichejta, chaypitaj uj chhika t'antallawan, pisi yakullawan ima kachinaykichejta, asiriokunawan maqanakumanta atipaspa kutimunaykama, nispa.

Deuteronomio 34:10

Chaymantaqa manaña jayk'ajpis Israelpi, Moisés jina ujwan Diosmanta sut'inchaj karqachu. Nillataj pay jina Tata Dioswan uyapura parlajqa karqañachu.

Números 16:28

Chantá Moisés israelitakunata nerqa: Kay jinamanta yachankichej, kay imakunata ruwanaypaj Tata Dios noqata kachamuwasqanta. Noqaqa mana sapallaymantachu imatapis ruwarqani.

San Juan 7:28

Chayta Jesús uyarerqa Temploj pationpi yachachishaspa. Chantá jatunmanta parlaspa, nerqa: Qankuna noqata rejsiwasqaykichejta yuyankichejchu, maymantachus kasqaytapis? Jinapis noqaqa mana noqallamantachu jamuni. Pichus noqata kachamuwajqa cheqan kajllatapuni parlan, qankunataj payta mana rejsinkichejchu.

San Juan 9:30

Chantá manaña ñawsachu karqa, chay runa nerqa: Qankuna maymantachus chay runa kasqanta mana yachasqaykichejqa t'ukuna. Chaywanpis pay noqaj ñawiyta qhawaricherqa.

Hebreos 1:1

Ñawpa tiempopi Diosqa ñawpa tatanchejkunaman ashkha kutita sut'inchajkunanejta parlarqa tukuy imaymanamanta.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.