San Juan 8:55 - DIOSPA QHELQACHISQ

⁵⁵ Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

Qheshwa Biblia DC

⁵⁵ Qankunaqa mana payta rejsinkichejchu, noqataj rejsini. Noqachus mana rejsinichu niyman chayqa, qankuna jina llulla kayman. Noqa payta rejsini, palabrantataj waqaychani.

DIOSPA QHELQACHISQAN DEUTEROCANONICAL

⁵⁵ Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

Quechua South Bolivia: Dios Parlapawanchej

⁵⁵ Astawanpis payta mana rejsinquichejchu. Nokarí payta rejsini. Sichus niyman payta mana rejsiskayta chayka, kancunajina llulla cayman. Nokarí paywan cusca caspa rejsini niskantapis casunipunitaj.

San Juan 8:55 Referans Kwoze

San Juan 8:19

Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.

San Juan 8:51

Sut'ita niykichej: Pillapis nisqayta kasojqa mana jayk'ajpis wañonqachu, nispa.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

San Juan 15:21

Paykuna chay tukuyta ruwasonqachej yachachisqay kasqaykichejrayku, imajtinchus Diosman mana kutirikojkunaqa pichus Kachamuwajta mana rejsinkuchu.

1 Juan 2:22

Pitaj llullari? Pichus yachachishaspa nin: Jesusqa mana Diospa kachamusqan Cristochu, nispa. Chay runamá Cristoj contranpi sayarejqa, imaraykuchus Tata Diosta, Diospa Churintawan ima qhesachan.

1 Juan 2:4

Sichus pipis ninman: Noqaqa Dioswan allinpi kawsakushani, nispa, nitaj kamachisqanta kasunchu chayqa, chay runaqa llullamin, manataj cheqantachu parlashan.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Hechos 17:23

Llajtaykichejpi puriykachashaspaqa, chay dioskunata yupaychanapaj may chhika altarkunata rikuni. Jinallataj uj altartapis tarini kay jinata nishajta: “Kayqa mana rejsisqa diospata”, nispa. Chay Diosmanta, pitachus mana rejsispalla yupaychankichej, chaymantamin noqaqa parlasqaykichej.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 15:10

Munakususqaykichejman jina kawsanaykichejpaj, kamachisqaykunata kasunaykichej tiyan, imaynatachus noqapis Tataypa kamachiwasqanta kasuspa munakuyninpi kawsani, ajinata.

San Juan 10:15

Imaynatachus Tata Diosniy rejsiwan, ajinallatataj noqapis payta rejsini. Chantá ovejaykunata qhespichinayrayku noqa wañusaj.

San Juan 8:29

Kachamuwaj Tatayqa noqawan kashan, paytaj mana sapayta saqerpariwanchu, imaraykuchus paypa munasqanta ruwani, nispa.

San Juan 6:46

Mana pi runapis Tata Diosta rikorqachu, manachayqa Diosmanta jamojlla.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

Oseas 5:4

Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

San Juan 8:52

Chantá chay judiokuna Jesusta nerqanku: Kunan sut'ita yachayku supayniyojpuni kasqaykita. Abraham wañorqa, jinallataj Diosmanta ñawpa sut'inchajkunapis, qantaj nishanki: Nisqayta kasojqa mana jayk'ajpis wañonqachu, nispa.

1 Juan 1:6

Dioswan k'achata kawsakusqanchejta nishaspa, sichus juchallispallapuni purinchej chayqa, llullakushanchej, manataj cheqa kajman jinachu kawsashanchej.