San Juan 8:32 - DIOSPA QHELQACHISQ

³² Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

Qheshwa Biblia DC

³² Cheqa kajta rejsinkichej, cheqa kajtaj kacharichisonqachej.

DIOSPA QHELQACHISQAN DEUTEROCANONICAL

³² Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

Quechua South Bolivia: Dios Parlapawanchej

³² Cheka cajta yachanquichejtaj chay cheka cajri cacharichisonkachej, —nispa.

San Juan 8:32 Referans Kwoze

Romanos 8:2

Jinallataj qankuna Cristoman ujchasqa kasqaykichejrayku kawsayta qoj Santo Espíritu jatun atiyninwan juchaj atiyninmanta, chantá wañuypa atiyninmanta ima kacharichisorqachej.

San Juan 8:36

Chayrayku Churichus juchaykichejmanta kacharichisonqachej chayqa, cheqapuni kacharichisqa kankichej.

San Juan 17:17

Tatáy, nisqaykeqa cheqapuni. Kunantaj nisqaykita kasusqankurayku paykunata qanpaj t'aqay.

1 Pedro 2:16

Qankunaqa kacharichisqa kankichej. Chaywanpis Diospa wata runallanpuni kankichej. Ajinaqa kacharichisqa kasqaykichejrayku ama yuyaychejchu mana allin kajta ruwaspa puriyta atillasqaykichejta.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Romanos 6:22

Kunantajrí, juchaj wata runan kanamanta kacharichisqaña kaspa, Diospa wata runan kanaykichejpaj yaykupunkichej. Chaytaj qankunapaj arí sumaj, imajtinchus llimphu kawsayta tarinkichej, chaymantataj wiñay kawsayta jap'inkichej.

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

Salmos 25:5

Cheqan kayniykinejta pusaway, yachachiwaytaj. Qanmin Diosniy kanki, qhespichiwajniytaj, noqataj tukuy p'unchay qanpi atinikuni.

Santiago 1:25

Aswanpis Diospa mana pantayniyoj kacharichej kamachisqanta allinta qhawana. Chantá mana qonqaspa, chayta kasuna. Pichus Diospa nisqanta ajinata kasojtaqa Dios saminchanqa.

Gálatas 5:1

Cristo cheqatapuni kacharichiwarqanchej. Chayrayku kacharisqa kaypi thuruta sayaychej, amataj ujtawan Moisespa kamachisqankunaj wata runan ruwakuychejchu.

Santiago 2:12

Qankunaqa kacharichej kamachisqanejta juzgasqa kankichej. Chayrayku chayman jina parlaychej, chayman jinallataj ruwaychej.

Gálatas 5:13

Qankuna wawqe panakuna, Moisespa kamachisqanta junt'anamanta kacharichisqa jina kawsanaykichejpaj wajyasqa kankichej. Chaywanpis kacharichisqa kasqaykichejqa ama juchallinaman aysaj sonqoykichejpa munasqanta ruwanaykichejpajchu kachun. Manachayqa kacharichisqa kasqaykichejrayku munakuspa ujkuna ujkuna yanapanakuychej.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Romanos 8:15

Diosqa mana wata runa kay sonqotachu qankunaman qosorqachej, ujtawan manchasqalla kanaykichejpaj. Aswanpis Diosqa Espiritunta qosorqachej, paypa wawankuna kanaykichejpaj. Chayrayku chay Espiritunejta Diosman qayllaykunchej: Tatáy, Tatitáy, nispa.

San Juan 16:13

Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej.

Isaías 30:21

Chantaqa lloq'eman chayrí pañaman rejtiykichejpis, kayta nishajta uyarinkichej: Kaymin cheqan ñanqa. Mana pantaykuspa chayninta riychej, nispa nejta.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

Proverbios 1:23

K'amisqayta uyariwaychej, noqataj yachaywan junt'achisqaykichej, imatachus yachasqaytataj rejsichisqaykichej.

2 Timoteo 3:7

Jinallataj paykuna mosoj yachachiykunata mask'aspa purinku, chaywanpis cheqa kajqa manapuni umankuman yaykuyta atinchu.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Salmos 119:45

Kamachisqaykita kasusqayrayku, mana imata manchachikuspa kawsarikusaj.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

Proverbios 1:29

imajtinchus qankunaqa yachayta qhesachankichej. Tata Diosta kasuytapis mana ajllakunkichejchu.

San Juan 6:45

Diosmanta sut'inchajkunaj qhelqasqankupi nin: Diosqa tukuyninkuman yachachenqa, nispa. Ajinaqa pikunachus Tata Diosta uyarispa yachaqakunku, chaykuna noqaman jamunku.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

San Mateo 11:29

Yugoy churasqayta tukuy sonqo jap'ikuychej, noqamantataj yachaqakuychej. Noqaqa k'acha kani, llamp'u sonqotaj, qankunataj chayta ruwaspa, samariyta tarinkichej,

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

1 Corintios 7:22

Sichus pipis wata runa kashaspa Tukuyta Kamachej Cristota qhatinanpaj wajyasqa karqa chayqa, kunanqa Tukuyta Kamachej Cristota kasunanpaj kacharichisqaña. Jinallataj sichus pipis kacharisqa kashaspa wajyasqa karqa chayqa, kunanqa Cristoj wata runanña.

2 Juan 1:1

Noqa iglesiapi kuraj kaj jina kay cartata ajllasqa mamaman, chantá wawankunaman ima qhelqaspa apachini, pikunatachus cheqatapuni munakuni, chaykunaman. Mana noqallachu paykunata munakuni, manachayqa cheqa kajta tukuy jap'ikojkunapis munakullankutaj.

Levítico 25:41

Chay watataj pay, tukuy wawankunawan ima wasiykimanta llojsiponqa. Chantá ayllunman kutiponqa, ñawpa tatankunaj jallp'antataj ujtawan jap'ikaponqa.