San Juan 8:28 - DIOSPA QHELQACHISQ

²⁸ Chayrayku Jesús paykunata nerqa: Maypachachus Runaj Churinta cruzman chakataspa sayarichinkichej, chaypacha noqa pichus kasqayta yachankichej. Yachallankichejtaj mana imatapis sapallaymanta ruwasqayta. Jinallatataj yachankichej Tata Diospa yachachisqallanta parlasqayta.

Qheshwa Biblia DC

²⁸ Chayrayku Jesús paykunaman nerqa: Maypachachus Runaj Churinta pataman oqharinkichej, chaypacharaj noqa kasqayta rejsiwankichej; yachankichejtaj mana imatapis sapallaymanta ruwasqayta. Jinallatataj yachankichej Dios Tataj yachachiwasqanta, parlawasqantapis.

DIOSPA QHELQACHISQAN DEUTEROCANONICAL

²⁸ Chayrayku Jesús paykunata nerqa: Maypachachus Runaj Churinta cruzman chakataspa sayarichinkichej, chaypacha noqa pichus kasqayta yachankichej. Yachallankichejtaj mana imatapis sapallaymanta ruwasqayta. Jinallatataj yachankichej Tata Diospa yachachisqallanta parlasqayta.

Quechua South Bolivia: Dios Parlapawanchej

²⁸ Chayraycu Jesús paycunaman nerka: —Noka, Diospa cachaska Runanta, wañuypaj okharinquichej. Chaypacha nokamanta yachanquichej. “Nishayquichej, ajinamin noka cani”, nisuskayta yachanquichej. Ni imatapis nokallamanta ruwanichu. Astawanrí Tatay yachachiwaskanmanjina chay imasllata parlani.

San Juan 8:28 Referans Kwoze

San Juan 5:30

Jesús judiokunaj kurajninkukunata nillarqataj: Mana imatapis noqallamantachu ruwani. Noqaqa Tataypa niwasqanman jina pitapis juzgani, juzgasqaytaj cheqanpuni, imaraykuchus mana munasqallaytachu ruwayta mask'ani, manachayqa kachamuwaj Tataypa munaynillanta.

San Juan 5:19

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

San Juan 3:14

Imaynatachus ch'innejpi Moisés broncemanta katarita k'aspiman warkhuspa pataman oqharerqa, ajinallatataj Runaj Churinpis pataman oqharisqa kanqa.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Hechos 4:4

Chaywanpis chay uyarejkunamanta ashkha runakuna Jesuspa kuraj kachankunaj nisqankuta jap'ikorqanku. Qharikunallata yupaspa, 5.000 jina karqanku.

Hechos 2:41

Ajinamanta Pedroj yachachisqanta jap'ikojkuna bautizachikorqanku, chaypachataj Jesusta qhatikojkunaman 3.000 jina yapakorqanku.

San Juan 19:18

Chaypitaj Jesusta cruzman chakatarqanku. Jinallataj iskay runakunata chakatallarqankutaj, ujninta pañanman, ujnintataj lloq'enman, Jesustataj chawpiman.

San Juan 16:10

Reparachillanqataj noqaqa mana juchayoj cheqan kasqayta, imaraykuchus Tatayman kutipushani, qankunataj manaña kay pachapi rikuwankichejchu.

San Juan 11:42

Noqa yachani qanqa uyariwasqaykitapuni. Chaywanpis kaypi kashaj runakunaj allinninkurayku jatunmanta parlaspa kayta nishani, qan kachamuwasqaykita jap'ikunankupaj, nispa.

San Juan 8:24

Chayrayku nerqaykichej juchaykichej patapi wañunaykichejta. Noqa pichus kasqayta willarqaykichej. Willasqayta manachus jap'ikunkichej chayrí, juchaykichej patapi wañunkichej, nispa.

San Juan 3:11

Sut'ita niyki: Noqaykoqa yachasqaykuta parlayku, rikusqaykutataj willayku. Qankunatajrí willasqaykuta mana jap'ikunkichejchu.

Éxodo 3:14

Chaypacha Dios nerqa: Noqamin kani. Israelitakunata ninki: NOQA KANI nej Dios qankunaman kachamuwan, nispa.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

San Mateo 24:5

Chayta niykichej, imaraykuchus sutiypi ashkha runakuna jamuspa, nenqanku: Noqaqa Diospa kachamusqan Cristo kani, nispa. Ajinamantataj ashkha runata pantachenqanku.

Marcos 13:6

Chayta niykichej, imaraykuchus sutiypi ashkha jamuspa, nenqanku: Noqaqa Diospa kachamusqan Cristo kani, nispa. Ajinamantataj paykuna ashkha runata pantachenqanku.

San Lucas 21:8

Chantá Jesús nerqa: Allinta qhawakuychej, pajtataj pipis q'otiyasunkichejman. Chayta niykichej, imaraykuchus ashkha runakuna jamuspa, nenqanku: Noqaqa Diospa kachamusqan Cristo kani, nispa. Nillanqankutaj: Chay p'unchay qayllaña, nispa. Qankunarí amapuni qhepankuta riychejchu.

San Juan 4:26

Jesustajrí nerqa: Noqa chay Cristo kani, pichus parlashasunki, chay, nispa.

San Juan 8:27

Chayta uyarejkuna mana entiendeyta aterqankuchu Jesusqa Tata Diosmanta parlashasqanta.

San Juan 8:58

Jesustaj paykunata nerqa: Kayta sut'ita niykichej: Manaraj Abraham kashajtin, NOQA KANI, nispa.

San Juan 13:19

Kunanmantapacha chayta willaykichej, junt'akojtin noqa Cristo kasqayta jap'ikunaykichejpaj.

San Juan 18:32

Ajinata Jesuspa nisqan junt'akorqa, imaraykuchus Jesús imaynatachus wañunanta nisqaña.