San Juan 8:12 - DIOSPA QHELQACHISQ

¹² Jesús uj kutitawan parlallarqataj: Noqa tukuy runapaj k'anchay jina kani. Pillapis noqawan purejqa mana laqhapichu purenqa, aswanpis wiñay kawsayman pusaj k'anchaypi purenqa, nispa.

Qheshwa Biblia DC

¹² Jesús uj kutitawan runasman parlallarqataj: Noqa kay pachaj k'anchaynin kani; pillapis noqata qhatikuwajqa, mana laqhapi purenqachu, astawanqa kausay k'anchayniyoj kanqa.

DIOSPA QHELQACHISQAN DEUTEROCANONICAL

¹² Jesús uj kutitawan parlallarqataj: Noqa tukuy runapaj k'anchay jina kani. Pillapis noqawan purejqa mana laqhapichu purenqa, aswanpis wiñay kawsayman pusaj k'anchaypi purenqa, nispa.

Quechua South Bolivia: Dios Parlapawanchej

¹² Jesús ujtawan ashqha runasta yachachisharka. Nerkataj: —Noka cani cay pacha runaspa c'anchaynincu. Nokapi jap'icojka manaña jucha lakhapi purenkachu. Manachayrí wiñay causayta koj c'anchay sonkonpi tiyaconka, —nispa.

San Juan 8:12 Referans Kwoze

San Juan 12:46

Noqa k'anchay jina kay pachapi k'anchanaypaj jamorqani, noqapi tukuy atinikojkuna amaña laqhallapipuni kanankupaj.

San Juan 9:5

Kay pachapi kanaykamaqa noqamin runakunapaj k'anchay jina kani, nispa.

San Juan 12:35

Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

San Mateo 5:14

Jinallataj qankunaqa runakunapaj k'anchay jina kankichej. Orqo patapi llajtaqa mana pakasqa kayta atinchu, icharí?

Job 33:28

Payqa wañuymanta qhespichiwarqa, kawsashanitaj k'anchayta rikuspa kusikunaypaj, nispa.

San Juan 3:19

Chantá kayraykumin runakuna juchachasqa kanqanku: Diospa k'anchaynin kay pachaman jamorqa. Runakunatajrí laqhata k'anchaymanta nisqa astawan munakorqanku, imajtinchus paykuna millayta ruwaspa purerqanku.

Salmos 18:28

28 (29) Tata Dios, Diosníy, purinayta k'anchaj kanki, laqhayaypi kashajtiytaj qan k'anchaykuwanki.

Isaías 9:2

2 (1) Laqhapi purej runakunaqa jatun k'anchayta rikonqanku, wañuypa laqhayayninpi tiyakoj runakunamantaj k'anchaykamonqa.

2 Pedro 2:4

Diosqa wakin juchallikoj angelkunaj juchankuta mana pampacharqachu. Aswanpis paykunata ukhu pachaman wijch'uykorqa, tuti laqhapi wisq'asqa kanankupaj juzgasqa kananku p'unchay chayamunankama.

Isaías 50:10

Qankunamanta mayqenpis Tata Diosta manchachikoj kanmanchu? Diospa kamachinpa parlasqanta kasukoj kanmanchu? Laqhayaypi purejkuna, ni ima k'anchayta rikojkuna, Tata Diospi atinikuychej, paymantataj jap'ikuychej.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Hechos 13:47

Ajinata ruwasqayku, imaraykuchus Tukuyta Kamachej Dios kay jinata kamachiwarqayku: Mana judío kajkunapaj uj k'anchay jina kanaykipaj churayki, noqalla qhespichej kasqayta tukuy kay pachaj k'uchunkama willamunaykipaj, nispa.

Salmos 97:11

K'anchayqa cheqanta ruwajkunata k'anchan, cheqan sonqoyojkunatataj kusichin.

Hechos 26:23

Paykuna willarqanku imaynatachus Cristo ñak'arinanta, paytaj wañusqamanta ñawpaj kaj kawsarimoj kananta ima. Willallarqankutaj Jesús uj k'anchay jina kananta, paynejta judiokuna, mana judío kajkuna ima qhespichisqa kanankupaj, nispa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

Apocalipsis 21:24

Chaypacha tukuy suyupi tiyakojkunaqa Diospa k'anchayninpi purenqanku, kay pachapi kuraj kamachejkunataj qhapaj kapuyninkuta chay llajtaman apamuspa, Diosman jaywanqanku.

San Lucas 2:32

Payqa tukuy suyupi kajkunaman k'anchanqa, jinallataj Israel aylluyki jatunchasqa kananpaj kanqa, nispa.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Judas 1:13

Jinallataj imaynatachus mama qochaj qhollchoqeyasqan phosoqota wijch'un, ajinallatataj paykunapis p'enqay millay ruwasqankuta sut'iman orqhonku. Jinallataj paykuna mana ñanniyoj purej ch'askakuna jina kanku. Chaywanpis paykunapaj wiñaypaj tuti laqhayay wakichisqa kashan.

2 Pedro 2:17

Chay yachachejkunaqa ch'aki pujyu jina kanku, sinch'i wayraj apaykachasqan phuyu jinataj. Paykunapajrí aswan tuti laqhayay wiñaypaj wakichisqa kashan.

Judas 1:6

Jinallataj wakin angelkunapis Tata Dios qosqan kamachinapaj atiyta mana waqaychasqankuchu. Manachayqa maynejmanchus churasqa karqanku, paykuna chayta saqesqanku. Diostajrí chay angelkunata tuti laqhayaypi wiñaypaj wisq'aykusqa, jatun juicio p'unchaypi juchachasqa kanankupaj.

Salmos 49:19

19 (20) uj p'unchay wañunan chayamonqa, manañataj kay pachapi kawsayta ujtawan rikonqachu.

San Juan 12:36

Qankunawan k'anchay kashajtin, k'anchaypi atinikuychej, k'anchaypa wawankuna kanaykichejpaj, nispa. Chayta niytawantaj, Jesús paykunamanta karunchakorqa, mana tariyta atinankupajtaj wajnejman riporqa.

1 Juan 1:6

Dioswan k'achata kawsakusqanchejta nishaspa, sichus juchallispallapuni purinchej chayqa, llullakushanchej, manataj cheqa kajman jinachu kawsashanchej.