San Juan 7:7 - DIOSPA QHELQACHISQ

⁷ Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

Qheshwa Biblia DC

⁷ Kay mundopi kajkunaqa, qankunata mana chejnisunkichejmanchu. Noqatarí chejniwanku, sajra ruwasqasninkuta paykunaman rikuchisqayrayku.

DIOSPA QHELQACHISQAN DEUTEROCANONICAL

⁷ Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

Quechua South Bolivia: Dios Parlapawanchej

⁷ Cay pacha runaska mana kancunata chejnisunquichejmanchu. Nokatarí chejniwancu ruwaskasnincu mana allin caskanta reparachiskayraycu.

San Juan 7:7 Referans Kwoze

San Juan 3:19

Chantá kayraykumin runakuna juchachasqa kanqanku: Diospa k'anchaynin kay pachaman jamorqa. Runakunatajrí laqhata k'anchaymanta nisqa astawan munakorqanku, imajtinchus paykuna millayta ruwaspa purerqanku.

Gálatas 4:16

Kunanrí qankunaman cheqa kajta nisqayrayku awqaykichejmanchu tukupuni?

1 Juan 4:5

Mana cheqantachu yachachejkunaqa Diosman mana kutirikojkunamanta kanku. Chayrayku Diosman mana kutirikojkunaj yuyasqankumanta parlanku, Diosman mana kutirikojkunataj paykunata uyarinku.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

San Juan 17:14

Nisqaykita paykunaman willarqani. Diosman mana kutirikojkunatajrí paykunata chejnerqanku, imaraykuchus manaña paykuna jinachu kanku. Noqapis manallataj paykuna jinachu kani.

Romanos 8:7

Pikunachus juchallinaman aysaj sonqonkoj munasqanta kasojkunaqa Diospa contranpi kashanku, imaraykuchus Diospa kamachisqanta mana kasuyta munankuchu nitaj kasuyta atinkuchu.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

Jeremías 20:8

Sapa kuti simiyta kicharispa, qhaparini: Ch'ajwa kanqa, thuñisqa kaytaj, nispa. Chayrayku sapa kuti turiyawanku, asiykukuwankutaj nisqaykita willarasqayrayku.

Proverbios 8:36

Pichus contraypi juchallikojrí, payllataj mana allin kawsayta mask'akun. Pichus noqata chejniwajqa wañuyta mask'akun.

San Lucas 6:26

Ay, runaj jatunchanan kajkuna, qankunawanqa imallachus kanqapis. Ñawpa tataykichejkuna kikillantataj llulla sut'inchajkunata jatuncharqanku, nispa.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Zacarías 11:8

Uj killallapi kinsa mana allin michejkunata wijch'orqani. Chaywanpis ovejakunapis noqawan sayk'usqankurayku, chejnikuwarqanku.

Isaías 49:7

Israelpa May Llimphu Kaj Diosnin, qhespichej Tata Dios kay jinata nin pisipaj qhawasqa kajman, waj llajtakunaj chejnikusqankuman, ñak'arichejkunaj wata runanman ima: Kuraj kamachejkuna, kurajkuna ima qanta rikususpa, sayarikonqanku. Qanman k'umuykukonqanku, Israelpa May Llimphu Kaj Diosnin Tata Diosrayku, pichus nisqanta junt'anpuni, pitajchus ajllakusorqa, payrayku, nispa.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Proverbios 15:12

Alqorakoj runaqa pichus k'amejta mana munakunchu, nitaj yachayniyojkunawanpis tantakunchu.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

Salmos 109:5

Allin ruwasqaymanta paykuna sajra kajwan kutichiwanku, munakushajtiypis, chejnikuspa qhawawanku.

Levítico 13:10

Chantá sacerdote payta qhawanqa. Sichus aycha qaranpi punkisqa yuraj kanman, chaynejpi chujchapis yurajyashallanmantaj chayqa, sitajchus chaynejpi kawsashaj aycha rikhurinman chayqa,