San Juan 7:4 - DIOSPA QHELQACHISQ

⁴ Pillapis runaman rejsichikuyta munaspaqa, mana imatapis pakayllapi ruwanchu. Chayrayku imatachus ruwashanki, chaytaqa tukuypa rikunanta ruwamuy ari, nispa.

Qheshwa Biblia DC

⁴ Pillapis runasman rejsichikuyta munaspaqa, mana imatapis pakayllapi ruwanmanchu. Ruwashanki chay imastaqa, tukuypa rikunanta ruway ari.

DIOSPA QHELQACHISQAN DEUTEROCANONICAL

⁴ Pillapis runaman rejsichikuyta munaspaqa, mana imatapis pakayllapi ruwanchu. Chayrayku imatachus ruwashanki, chaytaqa tukuypa rikunanta ruwamuy ari, nispa.

Quechua South Bolivia: Dios Parlapawanchej

⁴ Ni pipis pacayllata ruwanchu ricuchicuyta munaspaka. Chayraycu caycunata ruwashaspaka tucuy runasman ricuchicuy, —nispa.

San Juan 7:4 Referans Kwoze

San Juan 18:20

Jesustajrí payman kuticherqa: Tukuypa rikunanta runakunaman parlarqani. Yachacherqanitaj tantakuna wasikunapi, Templopi ima, maypichus runakuna tantakunku chaypi, manataj imatapis pakayllapi parlarqanichu.

San Lucas 6:45

Jinallataj sumaj runaqa allinta parlan, imaraykuchus sonqonqa allin imakunawan junt'a kashan. Millay runarí mana allin kajta parlan, imaraykuchus sonqonqa mana allinkunawan junt'a. Imawanchus runaj sonqon junt'a kashan, chayman jina parlan.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

San Mateo 6:5

Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 6:16

Ayunaspaqa, ama llakiy uyalla kaychejchu, puraj uya runakuna jina. Paykuna uyankuta uj jinayachinku, runakuna ayunasqankumanta mayta parlanankupaj. Noqatajrí sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 4:6

Diospa Churinchus kanki chayqa, kay patamantapacha uraman wijch'uykukuy, imaraykuchus Diospa Qhelqachisqanpi nin: Diosqa angelninkunata kachamonqa waqaychasunankupaj. Makinkupi jap'isonqanku, ama ima rumipipis chakiykita takakunaykipaj, nispa.

1 Reyes 22:13

Pichus Micaiasta wajyaj risqa, chay kachaqa Micaiasta nerqa: Chay tukuy Diosmanta sut'inchajkunaqa Ajab atipananta uj similla ninku. Qanpis paykuna jinallataj allin kajta parlay ari, nispa.

San Juan 7:3

Jinapi Jesuspa wawqenkuna payta nerqanku: Kaymanta llojsispa, Judeaman riy, jaqaypi kaj yachachisqaykikunapis ruwasqaykita rikunankupaj.

San Juan 7:5

Wawqenkuna chayta nerqanku, imajtinchus paykunapis Jesuspi mana atinikorqankuchu.