San Juan 6:31 - DIOSPA QHELQACHISQ

³¹ Ñawpa tatanchejkunaqa ch'inpi maná nisqa t'antata mikhorqanku. Diospa Qhelqachisqanpitaj nin: Moisés paykunaman janaj pachamanta t'antata mikhucherqa, nispa.

Qheshwa Biblia DC

³¹ Ñaupa tatasniykoqa, ch'in pampapi Maná nisqa t'antasta mikhorqanku. Escriturapi nishan: Dios paykunaman janaj pacha t'antata mikhucherqa.

DIOSPA QHELQACHISQAN DEUTEROCANONICAL

³¹ Ñawpa tatanchejkunaqa ch'inpi maná nisqa t'antata mikhorqanku. Diospa Qhelqachisqanpitaj nin: Moisés paykunaman janaj pachamanta t'antata mikhucherqa, nispa.

Quechua South Bolivia: Dios Parlapawanchej

³¹ Ñaupa tatasninchej ch'in pampapi t'antatajina, maná sutiyojta, miqhorkancu. Ajinatataj Diospa palabranpipis nin: Payka janaj pachamanta t'antata paycunaman korka”, —nispa.

San Juan 6:31 Referans Kwoze

Nehemías 9:15

Paykunaman janaj pachamanta t'antatapis qollarqankitaj yarqhayninkupi sajsakunankupaj. Yakutapis chhankamanta phullchicherqanki ch'akiyninkuta thasnunankupaj. Chaymantataj kamacherqanki jallp'ata jap'ej yaykunankuta, mayqentachus tiluspa nerqanki qonaykita, chay jallp'ata.

Salmos 105:40

Mikhunata mañakojtinku, Diosqa yuthukunata paykunaman chayachimorqa, janaj pachamanta t'antawantaj paykunata sajsacherqa.

San Juan 6:49

Ñawpa tataykichejkuna maná nisqa t'antata ch'innejta jamushaspa mikhorqanku. Chaywanpis aswan qhepaman wañorqankupuni.

Éxodo 16:35

Chaymantapacha israelitakunaqa tawa chunka watata maná nisqa t'antata mikhorqanku. Mikhorqanku runa karqaña chaynejman chayanankukama. Chayqa Canaán suyoj mojonninña karqa.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Nehemías 9:20

Chay jawarí paykunata yachachinaykipaj, k'acha Espirituykita qorqanki. Manataj jayk'ajpis siminkumanta piserqachu janaj pachamanta apachimusqayki t'antaqa. Yakutapis ch'akiyninkuta thasnunankupaj qorqanki.

Deuteronomio 8:3

Tata Diosqa ñak'arichisorqachej, yarqhachisorqachej chaypis, maná nisqata mikhuchisorqachej. Chay mikhunata qankuna, jinataj ñawpa tataykichejkunapis mana rejserqankichejchu. Tata Dios ajinata ruwaspa, yachanaykichejta munarqa, runaqa mana mikhunallawanchu kawsasqanta, aswanpis Tata Diospa tukuy nisqanwan kawsasqanta.

1 Corintios 10:3

Chantá tukuyninku Diospa qosqan mikhunata mikhorqanku.

San Juan 6:58

Kaymá janaj pachamanta urayk'amoj t'antaqa, manataj, tataykichej mikhusqanku, chay maná nisqa t'anta jinallachu. Ñawpa tataykichejkunaqa chayta mikhuspapis wañorqanku. Kay t'antata mikhojrí wiñaypaj kawsanqa, nispa.

Josué 5:12

Chaymantapacha Maná nisqa manaña karqachu. Israelitakunaqa Canaán suyupi poqojllataña chay watapi mikhorqanku.

San Juan 6:32

Jesustaj paykunata nerqa: Noqa sut'ita niykichej: Janaj pachamanta t'antataqa mana Moiseschu qorqa, manachayqa Tatay. Kunantaj pay cheqa kaj t'antata janaj pachamanta qankunaman qoyta munasunkichej.