San Juan 6:26 - DIOSPA QHELQACHISQ

²⁶ Jesustaj kuticherqa: Kayta sut'ita niykichej: Mask'ashawankichej, mana qankuna runaj ni jayk'aj rikusqan t'ukunata ruwasqay ima niytachus munasqanta yachasqaykichejraykuchu. Manachayqa mask'ashawankichej t'antata mikhuspa sajsakusqaykichejraykulla.

Qheshwa Biblia DC

²⁶ Jesustaj kutichispa nerqa: Cheqamanta, cheqamanta niykichej: Qankuna noqata mask'ashawankichej, mana milagrosta rikusqaykichejraykuchu, astawanqa t'antata mikhuspa sajsarqankichej, chayraykulla.

DIOSPA QHELQACHISQAN DEUTEROCANONICAL

²⁶ Jesustaj kuticherqa: Kayta sut'ita niykichej: Mask'ashawankichej, mana qankuna runaj ni jayk'aj rikusqan t'ukunata ruwasqay ima niytachus munasqanta yachasqaykichejraykuchu. Manachayqa mask'ashawankichej t'antata mikhuspa sajsakusqaykichejraykulla.

Quechua South Bolivia: Dios Parlapawanchej

²⁶ Jesustaj paycunaman nerka: —Chekatapuni niyquichej: Mana chay Diospa atiyninmanta ricuchinasta khawaskayquichejraycuchu masc'ashawanquichej. Manachayrí chay t'antata miqhuspa sajsacuskayquichejrayculla masc'ashawanquichej.

San Juan 6:26 Referans Kwoze

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

Filipenses 2:21

Wajkunarí paykunaj allinnillankuta mask'anku, manataj Cristo Jesuspa munasqantachu.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

1 Timoteo 6:5

Ajina kajkunaqa ch'ajwata sayarichinkupuni. Paykunaj yuyayninku manaña allinñachu kasqanrayku cheqa kajta wasanchanku. Jinallataj yuyanku Diosta kasuspa purinaqa qolqeta jap'inallapaj kasqanta.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

San Juan 6:2

Ashkha runataj Jesuspa qhepanta rerqanku, imaraykuchus rikorqanku pay runaj mana jayk'aj rikusqan t'ukunata ruwaspa onqosqakunata qhaliyachisqanta.

Salmos 78:37

Manataj jayk'ajpis Dioswan cheqan sonqochu karqanku, nitaj Diospa ruwasqan tratotapis junt'arqankuchu.

San Juan 6:24

Ajinaqa Jesús, chantá yachachisqankuna ima manaña chaypi kashasqankuta yachaspa, runakuna chay botekunaman yaykorqanku. Chantá Cafarnaunman Jesusta mask'aj rerqanku.

San Juan 3:5

Chantá Jesús kuticherqa: Sut'ita niyki: Sichus pipis yakumanta, chantá Espiritumanta ima mana paqarin chayqa, Diospa kamachiyninman mana yaykuyta atenqachu.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

San Juan 6:64

Chaywanpis qankunamanta wakin mana noqapi atinikuyta munankichejchu, nispa. Jesús chayta nerqa, imaraykuchus qallariymantapacha yacharqa pikunachus paypi mana atinikunankuta, jinallatataj pichus payta wasanchaspa, jap'ichinantapis.

San Juan 6:53

Chantá Jesús paykunata nillarqapuni: Kayta sut'ita niykichej: Manachus noqaj ukhuyta mikhunkichej, nitaj yawarniytapis ujyankichejchu chayqa, qankuna mana wiñay kawsayniyojchu kankichej.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 6:30

Chantá paykuna taporqanku: Qan runaj mana jayk'aj rikusqan t'ukunakunamanta imatataj ruwanki, chayta rikuspa noqayku qanpi atinikunaykupajri? Imatataj ruwankiri?

San Juan 6:15

Jesusrí chay runakuna munajta mana munajta kuraj kamachejninkuta jina churayta munashasqankuta reparaspa, watej orqoman kutirerqa sapallan kananpaj.

San Juan 6:14

Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

San Juan 6:36

Nerqaykichej jina, qankuna rikushawaspapis, mana noqapi atinikunkichejchu.