San Juan 5:39 - DIOSPA QHELQACHISQ

³⁹ Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

Qheshwa Biblia DC

³⁹ Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku.

DIOSPA QHELQACHISQAN DEUTEROCANONICAL

³⁹ Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

Quechua South Bolivia: Dios Parlapawanchej

³⁹ Entiendenayquichejpaj sumajta leeychej Diospa palabranta. Kancuna palabranpi wiñay causayniyoj caskayquichejta yuyanquichej. [Astawanpis nokapimin wiñay causayka cashan.] Chay palabrantaj nokamanta willan.

San Juan 5:39 Referans Kwoze

San Lucas 24:27

Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

San Lucas 24:44

Chaymantataj nerqa: Imachus noqata kunankama qhatiriwarqa, chay tukuy ima kananta willarqaykichejña qankunawan kashaspa. Imaynatachus noqamanta willan Moisespa kamachisqanpi, jinataj Diosmanta sut'inchajkunaj qhelqasqankupi, chantá Salmokunapi qhelqasqa kashan, chay tukuy ima junt'akunan karqa, nispa.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.

San Mateo 22:29

Chantá Jesús paykunaman kuticherqa: Qankunaqa pantashankichej, mana Diospa Qhelqachisqanta, nitaj Diospa atiynintapis yachasqaykichejrayku.

Isaías 34:16

Tata Diospa qhelqanta ñawiriychej. Chaypi willanqa tukuynin chay uywakunamanta, sapa uj yanantin ima, imaraykuchus kikin Tata Diospuni chayta kamachin, Espirituntaj ujllaman chaykunata tantaykonqa.

Hechos 13:27

Chaywanpis Jerusalenpi tiyakojkuna, kamachejninkukuna ima mana repararqankuchu pichus Jesús kasqanta, nitaj entienderqankuchu Diosmanta sut'inchajkunaj qhelqasqankuta, sapa samarina p'unchaypi chayta ñawirispapis. Aswanpis Jesusta wañuchisqa kananpaj juchacharqanku, ajinamantataj ñawpa sut'inchajkunaj nisqankuta junt'arqanku.

San Juan 5:46

Moisespa nisqantachus jap'ikuwajchej chayqa, nisqaytapis jap'ikullawajchejtaj, imaraykuchus payqa noqamantamin qhelqarqa.

Jeremías 8:9

Chay yachayniyojkunaqa k'umuykuchisqa, mancharichisqataj kanqanku, imaynatachus uj animal tojllapi jap'ichikun, jinata. Sichus noqaj nisqaykunata qhesachanku chayqa, ima yachaymantataj parlankuri?

Romanos 3:2

Judío kanaqa tukuy imapi may sumaj, imaraykuchus Diosqa simi nisqanta ñawpajta judío kajkunamanraj qosqa.

Marcos 12:10

Manachu kayta Diospa Qhelqachisqanpi ñawirerqankichej? Ajinata nin: Wasi ruwajkunaj qhesachasqanku rumeqa cimiento esquinapaj sumaj rumiman tukupun.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Romanos 1:2

Diosqa Qhelqachisqanpi paymanta sut'inchajkunanejta unayña nisqa sumaj willayta rejsichinanta.

Hechos 26:27

Kuraj kamachej Agripa, manachu Diosmanta sut'inchajkunaj nisqankuta jap'ikunki? Noqa yachani chayta jap'ikusqaykita, nispa.

San Juan 7:52

Chay nisqanmantatajrí fariseo masinkuna kuticherqanku: Qanpis Galileamantachu kanki? Diospa Qhelqachisqanta allinta qhaway ari, chantá qan yachanki: Mana jayk'ajpis Diosmanta sut'inchaj Galileamanta rikhurimunchu, nispa.

San Juan 5:32

Chaywanpis noqamanta willajqa waj tiyan, yachanitaj noqamanta imatachus willasqanqa cheqapuni kasqanta.

Salmos 36:9

9 (10) Qanpi kawsay yaku juturi kashan. Ñawpaqellaykipitaj k'anchayta rikuyta atiyku.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

Deuteronomio 18:15

Tata Diosniykichejqa qankuna ukhumanta noqa jina uj sut'inchajta sayarichenqa, qankunataj payta kasunkichej.

San Juan 5:36

Noqaj ruwasqayrí Juanpa willasqanmanta astawanraj noqa pichus kasqaymanta sut'inchan. Noqaqa Tata Dios imatachus kamachiwasqanta ruwani, chay ruwasqaytaj Tata Dios kachamuwasqanmanta sut'ita yachayta qon.

Salmos 119:11

Contraykipi ama juchallikunaypaj nisqaykita sonqoypi jap'ikuni.

Salmos 16:11

Aswanpis wiñay kawsayman pusaj ñanta rikuchiwanki. Ñawpaqeykipi may jatun kusikuy tiyan, qanwan khuskataj wiñaypaj sonqo qhallallarishaj kasaj.

San Lucas 16:31

Abrahamtajrí nerqa: Manachus Moisespa qhelqasqanta, Diosmanta sut'inchajkunaj qhelqasqanta ima kasonqanku chayqa, manallataj wañusqakunamanta kawsarimojtapis kasonqankuchu, nispa.

Proverbios 6:23

Cheqamanta kamachisqankoqa jap'ichisqa lámpara jina, yachachiyninkutaj k'anchay jinallataj. K'amiykuna, yuyaychaykuna ima, imaynatachus kawsanaykita rikuchisonqanku.

Josué 1:8

Diospa kamachisqan qhelqamanta k'iskimanta parlay. Tuta p'unchay unanchay, imatachus nisqanta ruwanaykipaj, ajinamanta tukuy ima ruwasqaykipi allin risunanpaj.

Deuteronomio 32:47

Kay nisqayqa mana qhasi manakajllachu, imaraykuchus kawsanaykichejqa chaymanta kashan. Sichus qankuna kasunkichej chayqa, kunan Jordán mayu chimpapi jap'inkichej chay jallp'api, unayta kawsankichej, nispa.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.

Colosenses 3:16

Qankunaqa Cristoj sumaj yachachisqanmanta amapuni qonqakuychejchu. Manachayqa Diospa qosqan yuyay yachaywantaj purajmanta yachachinakuychej, k'aminarikuychej ima. Jinataj Diosta tukuy sonqo pachis nispa, salmokunata, yupaychana takiykunata, chantá Santo Espíritoj yuyaychasqan takiykunata ima takiychej.

San Lucas 16:29

Abrahamtajrí kuticherqa: Chaypaj tiyan Moisespa qhelqasqan, chantá Diosmanta sut'inchajkunaj qhelqasqankupis. Chaytamin kasuchunku, nispa.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

San Juan 1:45

Chantá Felipe Natanaeltañataj mask'aj rerqa, tarispataj, nerqa: Nazaret llajtamanta Joséj churin Jesusta tariyku, pimantachus Moisés kamachisqa qhelqapi nerqa, chayta. Diosmanta sut'inchajkunapis paymanta parlallarqankutaj, nispa.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Salmos 21:4

4 (5) Kawsayta mañakusorqa, qorqankitaj, unaytataj kawsacherqanki.

Salmos 1:2

Manachayqa Tata Diospa kamachisqanta munakuspa misk'irichikun, chay kamachisqanpitaj tuta p'unchay unanchan.

Salmos 133:3

Chay jina kawsakoyqa, imaynatachus Hermón orqoman chhullajtin, Sión orqokama chayan, ajina. Tata Diosqa k'achata kawsakojkunata saminchan, wiñay kawsaytataj qon.

Hebreos 11:35

Wakin warmikunapis Diospi atinikusqankurayku ayllunkumanta wañupojkunata kawsarichisqata rikukaporqanku. Wakinkunatajrí sinch'i ñak'arichisqa wañorqanku, imaraykuchus kacharichisqa kanankupaj mana Diosta wasancharqankuchu. Aswanpis paykuna wañusqamanta kawsarimpuspa aswan sumaj kawsayta suyarqanku.

Deuteronomio 29:29

Pakasqa imakunaqa Tata Diosninchejpata kashan. Diosninchej sut'inchawasqanchejrí noqanchejpata, wawanchejkunajtawan ima wiñaypaj kanku, tukuy chay kamachisqakunata junt'ananchejpaj.

San Lucas 24:25

Chantá Jesús nerqa: Ay, chay jina wampu kanaykichejri? Imaraykutaj Diosmanta sut'inchajkunaj tukuy nisqanta mana jap'ikunkichejchuri?

San Juan 5:40

Chaywanpis qankuna mana noqaman jamuyta munankichejchu wiñay kawsayta tarinaykichejpaj, nispa.

Marcos 10:3

Jesustajrí paykunaman kutichispa, tapullarqataj: Imatataj Moisés chaymanta kamacherqa? nispa.