San Juan 5:30 - DIOSPA QHELQACHISQ

³⁰ Jesús judiokunaj kurajninkukunata nillarqataj: Mana imatapis noqallamantachu ruwani. Noqaqa Tataypa niwasqanman jina pitapis juzgani, juzgasqaytaj cheqanpuni, imaraykuchus mana munasqallaytachu ruwayta mask'ani, manachayqa kachamuwaj Tataypa munaynillanta.

Qheshwa Biblia DC

³⁰ Jesustaj nerqa: Mana imatapis noqallamanta ruwanichu, uyarisqayman jina noqa juzgani; juzgasqaytaj cheqampuni, imaraykuchus mana noqaj munayniytachu mask'ani; astawanqa kachamuwaj Tataypa munaynillanta.

DIOSPA QHELQACHISQAN DEUTEROCANONICAL

³⁰ Jesús judiokunaj kurajninkukunata nillarqataj: Mana imatapis noqallamantachu ruwani. Noqaqa Tataypa niwasqanman jina pitapis juzgani, juzgasqaytaj cheqanpuni, imaraykuchus mana munasqallaytachu ruwayta mask'ani, manachayqa kachamuwaj Tataypa munaynillanta.

Quechua South Bolivia: Dios Parlapawanchej

³⁰ Noka munaynillaymanta ni imata ruwayta atinichu. Astawanpis Tataymanta uyariskaymanjina runasta khawani, juchayojchus manachus niskayka chekanmin cachamuwajniypa munaynillanta ajllaskayraycu. Manataj nokaj munayniytachu ajllani.

San Juan 5:30 Referans Kwoze

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

San Juan 5:19

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

San Juan 4:34

Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

San Juan 14:10

Felipe, Tatayqa noqawan ujchasqa kawsan, noqataj payman ujchasqa kawsani. Imatachus willaykichej, chaytaqa mana noqallamantachu parlani. Aswanpis noqawan ujchasqa kawsaj Tata Diosmin imatachus ruwananta noqanejta ruwan.

San Mateo 26:39

Aswan ñawpajman rispataj, Jesús pampakama k'umuykuytawan, Diosmanta mañakorqa: Tatáy, atikojtenqa, imatachus ñak'arinaymanta kacharichiway ari. Chaywanpis, ama noqaj munaynillay kachunchu, manachayqa qanpa munayniyki ruwasqa kachun, nispa.

San Juan 8:28

Chayrayku Jesús paykunata nerqa: Maypachachus Runaj Churinta cruzman chakataspa sayarichinkichej, chaypacha noqa pichus kasqayta yachankichej. Yachallankichejtaj mana imatapis sapallaymanta ruwasqayta. Jinallatataj yachankichej Tata Diospa yachachisqallanta parlasqayta.

Romanos 15:3

Cristopis mana paypa allinnillantachu mask'arqa. Diospa Qhelqachisqanpi nin: Diosníy, turiyasojkunaj turiyasqankoqa noqaj sonqoytapis nanachiwan, nispa.

San Juan 8:50

Mana noqaqa jatunchasqa kaytachu mask'akushani. Wajmari jatunchasqa kanayta mask'ashan, paytaj juzganqa.

San Juan 8:42

Chantá Jesús nerqa: Cheqapunichus Tata Diosniykichej kanman chayqa, noqata munakuwankichejman, imaraykuchus noqaqa Diosmanta jamuni, manataj noqallamantachu, manachayqa Dios kachamuwarqa.

San Juan 17:4

Noqa kay pachapi qanta jatuncharqayki, imaraykuchus imatachus ruwanayta kamachiwasqaykita junt'aniña.

Salmos 96:13

Tata Diospa ñawpaqenpi kusikuchunku, imaraykuchus pay jamushan. Arí, pay jamushan kay pachata kamachinanpaj. Chaymantataj kay pachapi tukuy runata maychus kajta, cheqa kajwantaj kamachenqa.

San Juan 18:11

Jesustajrí Pedrota nerqa: Espadaykita waqaychakapuy. Sichus Tatay ñak'arinayta kamachiwan chayqa, manachu yuyanki ñak'arinaypaj wakichisqa kashasqayta? nispa.

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

Romanos 2:2

Aswanpis yachanchej Diospa juicionqa millayta ruwajkunaj contranpi cheqa kajman jina kananta.

Isaías 28:6

Jinallataj juezkunata yuyaychanqa justiciata ruwanankupaj. Llajta punkupi awqakunaman sayaykoj soldadokunatapis kallpachanqa.

Sofonías 3:15

Tata Diosqa juchachasqa kasqaykichejta oqharipun. Pikunachus awqaykichej karqanku, chaykunatapis karunchan. Israelpa Kuraj Kamachejnin Tata Diosqa qankunawan khuska kashan. Mana ni imamanta manchachikunaykichej kanqañachu.