San Juan 5:24 - DIOSPA QHELQACHISQ

²⁴ Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

Qheshwa Biblia DC

²⁴ Cheqamanta, cheqamanta niykichej: Pichá parlasqayta allinta uyarin, kachamuwaj Tataytapis creen chayqa, wiñay kausayniyoj; manataj juicio p'unchaypi juchachasqachu kanqa, astawanqa wañuymanta kausayman yaykun.

DIOSPA QHELQACHISQAN DEUTEROCANONICAL

²⁴ Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

Quechua South Bolivia: Dios Parlapawanchej

²⁴ ‘Chekatapuni niyquichej: Niskayta tucuy sonkowan uyarejka cachamuwajniypipis jap'icojka wiñay causayniyojmin. Manañataj juchanmanta juchachaskachu canka. Manachayrí wiñay wañuymanta wiñay causaymanña yaycun.

San Juan 5:24 Referans Kwoze

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

San Juan 3:18

Pillapis paypi atinikojqa mana juchachasqachu kanqa. Paypi mana atinikojrí ñapis juchachasqaña, Diospa k'ata Churinpi mana atinikusqanrayku.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

San Juan 11:26

Pillapis kawsashaspa noqapi atinikojtaj mana jayk'aj wañonqachu. Chay nisqayta jap'ikunkichu? nispa.

San Juan 20:31

Kaykunarí qhelqasqa kashan, qankuna creenaykichejpaj Jesusqa Diospa Churin Cristo kasqanta, ajinamanta paypa atiyninnejta wiñay kawsayniyoj kanaykichejpaj.

San Juan 8:51

Sut'ita niykichej: Pillapis nisqayta kasojqa mana jayk'ajpis wañonqachu, nispa.

1 Tesalonicenses 5:9

Diosqa mana jasut'isqa kananchejpajchu wajyawarqanchej, aswanpis Tukuyta Kamachej Jesucristonchejnejta qhespichisqa kananchejpaj.

1 Juan 5:1

Tukuy pichus creen Jesusqa Diospa kachamusqan Cristo kasqanta chayqa, payqa Diospa wawan. Jinallataj Tata Diosta munakojqa Tataj wawankunatapis munakullantaj.

Marcos 16:16

Pichus noqapi atinikojqa, chantá bautizachikojtaj, qhespichisqa kanqa. Noqapi mana atinikojrí wiñaypaj juchachasqa kanqa.

1 Juan 3:14

Sichus wawqe pananchejkunata munakunchej chayqa, yachanchej wañuymanta kawsayman pasasqanchejta. Pichus mana munakojrí wañusqallaraj kashan.

San Juan 12:44

Chantá Jesús jatunmanta parlaspa, nerqa: Pichus noqapi atinikojqa mana noqallapichu atinikun, manachayqa Diospipis atinikullantaj, pichus noqata kachamuwarqa, chaypi.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

San Juan 4:36

Pichus ruthojmanqa sumaj pagota paganku. Oqharisqanku poqoytaj runakuna kanku, pikunachus wiñay kawsayman yaykonqanku, chaykuna. Ajinaqa pichus tarpojwan, chajrata oqharejwan ima khuska kusikonqanku.

San Juan 6:50

Noqarí janaj pachamanta urayk'amoj t'antamanta parlashaykichej. Pillapis chay t'antata mikhojtaj mana wañonqachu.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

San Juan 6:58

Kaymá janaj pachamanta urayk'amoj t'antaqa, manataj, tataykichej mikhusqanku, chay maná nisqa t'anta jinallachu. Ñawpa tataykichejkunaqa chayta mikhuspapis wañorqanku. Kay t'antata mikhojrí wiñaypaj kawsanqa, nispa.