San Juan 4:22 - DIOSPA QHELQACHISQ

²² Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.

Qheshwa Biblia DC

²² Samaritanosqa mana yachasqaykichejta yupaychankichej; noqaykurí yachasqaykuta; imaraykuchus salvacionqa judiosmanta jamun.

DIOSPA QHELQACHISQAN DEUTEROCANONICAL

²² Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.

Quechua South Bolivia: Dios Parlapawanchej

²² Mana entiendeskayquichejta kancunaka yupaychanquichej. Nokaycutaj rejsiskaycuta yupaychaycu. Runasta juchamanta Cacharichejka israelcunamantamin jamun.

San Juan 4:22 Referans Kwoze

Hechos 17:23

Llajtaykichejpi puriykachashaspaqa, chay dioskunata yupaychanapaj may chhika altarkunata rikuni. Jinallataj uj altartapis tarini kay jinata nishajta: “Kayqa mana rejsisqa diospata”, nispa. Chay Diosmanta, pitachus mana rejsispalla yupaychankichej, chaymantamin noqaqa parlasqaykichej.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

Hechos 17:30

Ñawpa tiempopi runakuna Diosta mana rejserqankuchu chaypis, Dios chayta qonqayman churarqa. Kunantajrí, Diosllataj tukuynejpi runakunata kamachin payman kutirikunankuta.

Salmos 147:19

Diosqa Jacobman, pichus Israel sutillayojtaj kashan, chayman kamachisqanta, yachachisqantapis rejsicherqa.

Hebreos 7:14

Yachanchej jina, Tukuyta Kamachej Jesucristonchej Judá jatun ayllumanta karqa. Moisestajrí Judá jatun ayllumanta parlaspa, sacerdote kanankumanta mana imatapis nerqachu.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Salmos 68:20

20 (21) Diosninchejqa qhespichej Diosmin. Tukuyta Kamachej Tata Diosllamin wañuypa atiyninmanta kacharichiyta atiwanchej.

Isaías 46:13

Noqaqa justiciayta qayllachimusaj, manataj karupichu kashan. Qhespichinaypis usqhayta chayamullanqataj. Noqaqa Sionta qhespichisaj, Israelpitaj jatun kayniypa lliphipiynin rikukonqa, nispa.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Esdras 4:2

Chayrayku Zorobabelwan, Josuewan, ayllukunaj kurajninkuwan ima parlaj rispa, nerqanku: Noqayku kay Tata Diospa Templonta ruwaysisqayku. Noqaykupis qankuna jina Diosniykichejta yupaychallaykutaj. Esarjadón Asiriapi kuraj kamachej kashajtin, kayman apamuwarqayku, chaymantapachataj Diosman uywata ñak'aspa jaywashayku, nispa.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Hechos 3:26

Chayrayku Churin Jesusta wañusqamanta kawsarichimuspa, Dios payta ñawpajta qankunamanraj kachamorqa, sapa ujniykichej millay kawsayniykichejmanta Diosman kutirikuspa saminchasqa kanaykichejpaj, nispa. Ajinata Pedro chay runakunaman nerqa.

Romanos 11:18

Kunantajrí ama runaykachaychejchu k'uturasqa thansaman t'inkisqa kasqaykichejmanta. Qankuna thansalla kaspa, mana saphitachu kawsachinkichej, aswanpis sumaj olivoj saphinmá qankunata kawsachisunkichej.