San Juan 3:29 - DIOSPA QHELQACHISQ

²⁹ Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

Qheshwa Biblia DC

²⁹ Pichus warmiyoj kajqa qosa; paypa qayllampi kaj kausaqentaj, qosaj parlasqanta uyarispa maytapuni kusikun. Ajinamanta kay kusikuyniy kunan junt'akun.

DIOSPA QHELQACHISQAN DEUTEROCANONICAL

²⁹ Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

Quechua South Bolivia: Dios Parlapawanchej

²⁹ Nerkataj: —Casamientopijina casaracoj kharimin curajpaj khawaskaka casaracushaskanraycu. Amigonrí paywan cashaspa payta uyarispataj anchata cusicun. Ajinallataj nokapis may cusiska cani Jesús jatunchaska caskanraycu.

San Juan 3:29 Referans Kwoze

Oseas 2:19

19 (21) Israel, noqa qanwan wiñaypaj casarakusaj. Kamachisqapi nisqanman jina cheqapuni warmiy kanki, imaraykuchus tukuy sonqoywan munakuyki.

San Mateo 9:15

Jesustaj uj rijch'anachinawan paykunaman kuticherqa: Qankuna yuyankichejchu casamientoman wajyarisqa kajkuna llakisqa kaspa ayunanankuta, casarakoj runa paykunawan kashajtin? Manapuni icharí? Uj p'unchay chayamonqa, chaypachataj casarakoj paykunamanta qhechusqa kanqa. Chaypachamá ayunanqanku, nispa.

Ezequiel 16:8

Ujtawan qayllaykita purishaspa qhawarqayki, casaranapaj jinaña kasqaykitataj repararqani. Chantá p'achaywan q'ala ukhuykita qhataykorqayki. Tiluspataj, uj tratota qanwan ruwarqani ajinamanta noqajtapuni kanaykipaj. Noqa Tukuyta Kamachej Tata Dios chayta nini.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Apocalipsis 21:9

Chantá chay qhepata qanchis angelkunamanta, pikunachus qhepata jamoj manchay ñak'ariykunawan junt'asqa vasokunata jap'isharqanku, chaykunamanta ujnin jamuwarqa. Niwarqataj: Chimpamuy, noqataj rikuchisqayki casarakunanpaj parlasqa sipasta, Corderoj warminta, nispa.

Filipenses 2:2

Chayrayku qankuna uj sonqolla kaspa, kusiywan sonqoyta junt'achiychej. Chantá ujkuna ujkuna munakuspa, jinataj uj yuyaylla kaspa, uj ruwanallapi yuyaspa ima kusichillawaychejtaj.

San Juan 16:24

Kunankama mana imatapis sutiypi mañakunkichejrajchu. Mañakuychej ari, jap'inkichejtaj, sonqoykichej kusikuywan junt'asqa kananpaj.

1 Juan 1:4

Kay cartata qhelqaspa, qankunaman apachimuyku noqaykuwan khuska qankuna mayta kusikunaykichejpaj.

2 Corintios 11:2

Qankunamanta celosakusqayqa Tata Diosmanta. Qankunaqa qharej mana chayasqan sipas jina kankichej, noqataj uj qharillawan casaranaykichejpaj parlacherqaykichej, chaytaj Cristo.

San Lucas 15:6

Wasinman chayaytawantaj, kawsaqenkunata, llajta masinkunata ima tantaykuspa, paykunata nin: Noqawan khuska kusikuychej, imaraykuchus chinkasqa ovejayta tarikapuni, nispa.

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

San Mateo 25:1

Jesús nillarqataj: Diospa janaj pacha kamachiynenqa casarakupi kaj chunka sipaskunaman rijch'akun. Paykunaqa lamparankuta oqharikuspa, casarakoj runata taripaj risqanku.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Isaías 66:11

Imaynatachus wawa mamanmanta ñuñuspa sajsakun, ajinata qankunapis sonqochasqa kankichej, maytataj kusikunkichej chhika patapi kaspa.

TAKIYKUNA 3:11

Sión llajtamanta sipaskuna, llojsimuychej kuraj kamachej Salomonta qhawaj. Payqa umanpi k'acha pilluwan kashan. Chay pilluta maman casarakunanpaj ruwaporqa, tukuy kawsayninpi manchayta kusikunan p'unchaypaj.

2 Juan 1:12

Qankunaman imatachus ninayqa ashkharaj tiyan. Chaywanpis chaymanta cartallapi qhelqamuyta mana munanichu. Aswanpis noqa kikiy qankunata waturikuyta munani uyapura parlarikunanchejpaj. Chaypacha mayta kusikuspa, sonqo junt'asqa kasunchej.

San Juan 17:13

Kunantaj, maypichus qan kashanki, chayman kutimpushani. Kay pachapi kashaspa, noqaqa qhatiwajkunaman kaykunata nerqani, paykuna noqa jina manchay kusisqa kanankupaj.

San Mateo 22:2

Diospa janaj pacha kamachiynenqa rijch'akun uj kuraj kamachejman, pichus churin casarakushajtin, jatun mikhuyta wayk'uchisqa, chayman.

San Juan 3:30

Payqa astawan, astawan kurajpaj qhawasqa kanan tiyan, noqatajrí pisillapajña qhawasqa, nispa.

San Juan 15:11

Chaykunata niykichej noqawan khuska mayta kusikunaykichejpaj, chay kusikuytaj sonqoykichejmanta phullchirenqa.