San Juan 21:17 - DIOSPA QHELQACHISQ

¹⁷ Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Qheshwa Biblia DC

¹⁷ Kinsa kaj kutipi nillarqataj: Simón, Jonaspa churin, munakuwankichu? Pedrotaj llakikorqa, kinsa kutikama munakuwankichu?, nisqanmanta. Kuticherqataj: Señor, qan tukuy imata yachanki, munakususqaytapis yachanki. Jesustaj payman nerqa: Ovejasniyta michipuway.

DIOSPA QHELQACHISQAN DEUTEROCANONICAL

¹⁷ Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Quechua South Bolivia: Dios Parlapawanchej

¹⁷ Quinsa caj cutita taporka: —Jonaspa wawan Simonníy ¿munacuwanquichu? Pedrori quinsa cutita, “¿Munacuwanquichu?” tapuskanraycu phuticorka. Nerkataj: —Señorníy, tucuy imata yachanqui. Kan yachanquiña munacususkayta, —nispa. Jesustaj nerka: —Munaska runasniyta yachachiy.

San Juan 21:17 Referans Kwoze

San Juan 13:38

Chantá Jesús payta nerqa: Noqarayku wañuwajchu? Kayta sut'ita niyki: Manaraj gallo waqashajtin, qan kinsa kutikama ninki noqata mana rejsiwasqaykita, nispa.

Marcos 14:72

Chantá ujtawan gallo waqallarqataj, Pedrotaj chayta uyarispa, Jesuspa kay nisqanmanta yuyarikorqa: Manaraj iskay kutita gallo waqashajtin, qanqa kinsa kutikama ninki mana rejsiwasqaykita, nispa. Chayta yuyarikuspataj, Pedro sonqo nanayta waqarqa.

San Juan 16:30

Kunan yachayku tukuy imata yachasqaykita, manataj pipis imata tapusunan kanchu. Chayrayku Tata Dios kachamususqanta tukuy sonqo creeyku, nispa.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Hechos 15:8

Diosqa tukuy runaj sonqonkuta rejsin, paytaj yachayta qorqa mana judío kajkunatapis allinpaj qhawasqanta, imaraykuchus Santo Espirituta paykunamanpis qorqa, imaynatachus ñawpajta noqanchejman qowarqanchej, ajinata.

San Juan 15:10

Munakususqaykichejman jina kawsanaykichejpaj, kamachisqaykunata kasunaykichej tiyan, imaynatachus noqapis Tataypa kamachiwasqanta kasuspa munakuyninpi kawsani, ajinata.

San Juan 14:15

Jesús yachachisqankunata nillarqataj: Munakuwankichejchus chayqa, kamachisqaykunata kasuychej.

Salmos 17:3

Sonqoypi imachus kasqanta qan watuwanki. Tutan qhawawaj jamuwarqanki sonqoy imaynachus kasqanta yachayta munaspa, manataj ima mana allin kajtapis tarerqankichu. Sonqoypi nerqani simiywan mana pantanayta.

2 Pedro 3:1

Munasqa wawqe panaykuna, kaywanqa iskay cartataña qankunaman apachimuykichej. Iskaynin cartapi yuyarichiyta munarqaykichej, llimphu sonqowan yuyayta yachanaykichejta.

1 Pedro 1:6

Chayrayku, qankuna mayta kusikuychej, kunan tukuy imaymana llakiykunawan mana unaytachu ñak'arinaykichej kashajtinpis.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

Hechos 1:24

Chay wawqe panakunataj kay jinata Diosmanta mañakorqanku: Tukuyta Kamachej Jesús, qanqa tukuypa sonqonta rejsinki, chayrayku rikuchiwayku ari mayqentachus kay iskay runamanta ajllakusqaykita.

San Juan 18:27

Jinapi Pedroqa ujtawan kuticherqa: Manapuni payta rejsinichu, nispa. Chayta nisqantawantaj, gallo waqarqa.

San Juan 18:4

Jesusrí chay tukuy ima payta qhatirinanta yacharqaña. Chayrayku ñawpaykuspa, paykunata taporqa: Pitataj mask'ashankichejri? nispa.

San Juan 12:8

Wajchakunaqa qankuna ukhupi kallanqankupuni. Noqarí manaña qankunawan kallasajpunichu, nispa.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

Lamentaciones 3:33

Payqa runata ñak'arichisqanmanta mana kusikunchu nillataj runatapis llakichiyta munanchu.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

1 Reyes 17:18

Warmisapataj Eliasta nerqa: Diospa kamachin, imanaykitaj noqa qantari? Juchaymanta sut'inchajchu jamuwarqanki, chaymanta wawaypis wañunanpajri? nispa.

Josué 22:22

Tukuy dioskunaj Diosnin yachan, mana paypa contranpichu, nitaj paymanta karunchakuyta munaspachu kay altarta ruwasqaykuta. Pay yachan imaraykuchus ruwasqaykuta, kunantaj qankunapis yachallaychejtaj. Sichus Tata Diospa contranta oqharikuyta munaspa, paymanta t'aqakunaykurayku kay altarta ruwayku chayqa, kunanpacha wañurachiwayku.

Apocalipsis 3:19

Noqaqa tukuy pitachus munakusqayta k'amispa cheqan ñanman churani. Chayrayku tukuy sonqo kasuway, noqamantaj kutirikamuway.

2 Samuel 7:20

Imatawantaj niykiman, Tukuyta Kamachej Tata Dios? Qanqa noqa kamachiykitaqa sumajta rejsiwanki.

San Juan 21:18

Kayta sut'ita niyki: Waynallaraj kashaspaqa, qan chumpillikoj kanki, munasqaykiman jinataj purej kanki. Machuña kaspatajrí, makiykita oqharinki, wajtaj p'achaykita churasonqa, maymanchus mana munasqaykimantaj pusasonqa, nispa.

1 Crónicas 17:18

Imatawantaj astawan niykiman, Tata Dios, kay kamachiyki Davidta qan allin runapaj noqata qhawawasqaykimantari? Qanqa kay kamachiykita sumajta rejsiwanki.

San Juan 4:16

Chantá Jesús nerqa: Rispa, qosaykita wajyamuy, chantá kutimuy, nispa.

Hechos 11:10

Chaytaj jina karqa kinsa kutikama, chaymantataj qhatanaman rijch'akojqa janaj pachaman oqharisqa karqa.