San Juan 21:15 - DIOSPA QHELQACHISQ

¹⁵ Mikhuyta tukusqankutawan, Jesusqa Simón Pedrota nerqa: Jonaspa churin Simón, kaykunamanta astawanchu munakuwanki? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesustaj nerqa: Ajina chayqa, corderoykunata michipuway, nispa.

Qheshwa Biblia DC

¹⁵ Mikhuyta tukusqankutawan, Jesús nerqa Simón Pedroman: Simón, Jonaspa churin, munakuwankichu paykunamanta astawan? Pedrotaj kuticherqa: Arí Señor, yachanki munakususqayta. Jesustaj nerqa: Corderosniyta michipuway.

DIOSPA QHELQACHISQAN DEUTEROCANONICAL

¹⁵ Mikhuyta tukusqankutawan, Jesusqa Simón Pedrota nerqa: Jonaspa churin Simón, kaykunamanta astawanchu munakuwanki? nispa. Pedrotaj kuticherqa: Arí, Tukuyta Kamachej, munakususqayta qan yachanki, nispa. Jesustaj nerqa: Ajina chayqa, corderoykunata michipuway, nispa.

Quechua South Bolivia: Dios Parlapawanchej

¹⁵ Miqhuskancutawan Simón Pedrota Jesuska taporka: —Jonaspa wawan Simonníy ¿paycunamanta astawanchu munacuwanqui? Pedrotaj nerka: —Arí, Señorníy, kan yachanqui munacususkayta, —nispa. Jesusri nerka: —Yachachiy mosoj nokapi jap'icuwajcunayta, —nispa.

San Juan 21:15 Referans Kwoze

Romanos 15:1

Jesuspi atinikunapi manaraj sinch'i sayajkunaqa, imatachus ruwanamanta, chayrí mana ruwanamanta iskayrayashankuraj. Pikunachus sinch'ita sayajkunarí paykunata pacienciawan awantananchej, manataj allinnillanchejta mask'anapichu yuyananchej.

1 Juan 4:19

Noqanchejqa ujkuna ujkuna munakunchej, imaraykuchus Diosraj ñawpajta munakuwarqanchej.

Isaías 40:11

Ayllunta qhawanqa, imaynatachus uj michej ovejankunata michin, ajinata. Corderokunata makinpi marq'arikonqa, uñachakojtataj alliyllawan pusanqa.

1 Pedro 1:8

Qankunaqa Jesucristota mana rikuspalla munakunkichej. Kunanpis mana payta rikuspalla, paypi atinikunkichej, kusikunkichejtaj may jatun mana niy atina kusiywan.

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

1 Juan 5:1

Tukuy pichus creen Jesusqa Diospa kachamusqan Cristo kasqanta chayqa, payqa Diospa wawan. Jinallataj Tata Diosta munakojqa Tataj wawankunatapis munakullantaj.

San Juan 16:27

Tata Diosniy pay kikin munakusunkichej, imaraykuchus noqata munakuwankichej, Tata Diosmanta jamusqaytataj tukuy sonqo creenkichej.

Jeremías 3:15

Chantá noqa jina sonqoyoj kamachejkunata churapusqaykichej, paykunataj qankunata sumaj yachaywan, allin yuyaywantaj michisonqachej.

Ezequiel 34:23

Noqaqa kamachiy Davidta kutirichimusaj, paytataj ovejaykunata michinanpaj churasaj. Pay ovejaykunata sumaj pastopi mikhuchipuwanqa, sumajtataj paykunata michenqa.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

San Lucas 22:32

Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

Romanos 14:1

Jesucristopi atinikunapi pikunachus manaraj sinch'i sayajkunata qankuna allinta jap'iychej, nitaj imatachus yuyasqankumanta siminakuspa churanakuychejchu.

San Mateo 16:17

Chaymanta Jesús nerqa: Kusikuyniyojmin kanki Simón, Jonaspa churin. Chaytaqa mana runachu sut'inchasunki, manachayrí, janaj pachapi kashaj Tata Diosniy chayta sut'inchasunki.

Jeremías 23:4

Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

1 Pedro 2:2

Imaynatachus ñuñoj wawaqa lecheta may jinata munan, ajinallatataj qankunapis mana imawan chhapusqa Diospa simi nisqanta munaychej, chaynejta qhespichisqa kasqaykichejpi runayanaykichejpaj.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

San Juan 21:12

Jinataj Jesús yachachisqankunata nerqa: Jamuychej, mikhurikuychej ari, nispa. Mana mayqenninkupis taporqankuchu: Pitaj kanki? nispa, imaraykuchus yachallarqanku Tukuyta Kamachej Jesuspuni kasqanta.

San Juan 21:7

Jinapi, pitachus Jesús munakorqa, chaymin Pedrota nerqa: Payqa Tukuyta Kamachej Jesús, nispa. Simón Pedrotaj Tukuyta Kamachej Jesús kasqanta nejta uyarispa, q'ara wasalla kashasqanrayku patanchana p'achanta churaykukorqa. Chantá usqhayta qocha kantuman chayananpaj yakuman phinkiykorqa.

San Mateo 18:10

Qankunaqa kay juch'uykunamanta ama mayqentapis pisipaj qhawankichejchu, imaraykuchus noqa niykichej: Paykunaj angelninkoqa janaj pachapi Tata Diosniypa uyanta qhawashankupuni.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

1 Corintios 8:11

Ajinaqa, lantikuna mana imachu kasqankuta yachashaspa qan mikhusqaykirayku, pisi kallpa wawqeyki Diosmanta karunchakunman, piraykuchus Cristo wañorqa, chay.

San Juan 8:42

Chantá Jesús nerqa: Cheqapunichus Tata Diosniykichej kanman chayqa, noqata munakuwankichejman, imaraykuchus noqaqa Diosmanta jamuni, manataj noqallamantachu, manachayqa Dios kachamuwarqa.

Marcos 14:29

Pedrotajrí Jesusta nerqa: Tukuyninku saqesojtinkupis, noqaqa manapuni saqerparisqaykichu, nispa.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Génesis 33:13

Jacobtajrí nerqa: Wiraqochíy, yachanki jina, wawaykunaqa pisi kallpayojllaraj kanku. Chantapis ovejaykuna, wakaykuna ima juch'uy uñayoj kanku. Sichus anchata purichispa sayk'uchiyman chayqa, uj p'unchayllachari wañurankuman ari.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

2 Samuel 7:20

Imatawantaj niykiman, Tukuyta Kamachej Tata Dios? Qanqa noqa kamachiykitaqa sumajta rejsiwanki.

San Juan 13:37

Pedrotajrí nerqa: Tukuyta Kamachej, imaraykutaj kunan mana qanwan riyta atiymanchuri? Qanrayku wañunay kajtenqa, wañusaj, nispa.

San Juan 1:42

Chaymantá Andresqa Simonta Jesusman pusamorqa. Jesusrí payta allinta qhawarispa, nerqa: Qanqa Jonaspa churin Simón kanki. Kunanmantarí sutiykeqa Cefas kanqa, nispa. Arameo rimaypi Cefas ninku, griego rimaypitaj Pedro.

San Mateo 26:35

Pedrotajrí nillarqapuni: Qanwan wañunay kashajtinpis, manapuni nisajchu: Paytaqa mana rejsinichu, nispa. Chay ujkuna yachachisqakunapis kikillantataj nerqanku.

San Mateo 26:33

Chantá Pedroqa Jesusta nerqa: Tukuyninku saqesojtinkupis, noqaqa manapuni jayk'ajpis saqerparisqaykichu, nispa.

Hechos 20:29

Noqa yachani ripojtiykama, chawpiykichejman wajkuna phiña k'ita animal jina yaykuykamunankuta, tropata chinkachiyta munaspa.

Ezequiel 46:24

Chay runataj niwarqa: Kaymin chay q'onchakuna kanku, maypichus Templopi sirvejkuna israelitakunaj apamusqanku jaywanata wayk'onqanku, chay, nispa.