San Juan 21:14 - DIOSPA QHELQACHISQ

¹⁴ Kaywanqa Jesús wañusqamanta kawsarimpuytawan yachachisqankunaman rikhurisqanqa kinsa kutiña karqa.

Qheshwa Biblia DC

¹⁴ Kaywantaj kinsa kutiña karqa, Jesús wañusqasmanta kausarimuspa, yachachisqasninman rikhurisqan.

DIOSPA QHELQACHISQAN DEUTEROCANONICAL

¹⁴ Kaywanqa Jesús wañusqamanta kawsarimpuytawan yachachisqankunaman rikhurisqanqa kinsa kutiña karqa.

Quechua South Bolivia: Dios Parlapawanchej

¹⁴ Wañuymanta causarimuskanmanta Jesús yachacojcunanman riqhuriskanka quinsa caj cuti carka.

San Juan 21:14 Referans Kwoze

San Juan 20:26

Pusaj p'unchayninman Jesuspa yachachisqankuna ujtawan wasipi tantakorqanku. Tomaspis paykunawan kasharqa. Wasej punkun sumaj wisq'asqa kashajtin, Jesús ujtawan chawpinkupi rikhurispa, paykunata napaykorqa: Diospa sonqo tiyaykuynin qankunawan kachun, nispa.

San Juan 20:19

Chay kikin semana qallariy p'unchay ch'isiyaykuytaña, Jesuspa yachachisqankuna uj wasipi tantasqa kasharqanku. Judiokunaj kurajninkukunata manchachikusqankurayku wasej punkun sumaj wisq'asqa kasharqa. Jinapi Jesús rikhuriytawan, chawpinkupi sayarqa, paykunatataj napaykorqa: Diospa sonqo tiyaykuynin qankunawan kachun, nispa.

Marcos 16:12

Chay qhepata Jesús uj jina rijch'ayniyoj rikhurillarqataj iskay yachachisqankunaman, campoman rishajtinku.

Marcos 16:14

Qhepaman Jesús chunka ujniyoj yachachisqankunamanpis rikhurillarqataj, paykuna mikhushajtinku. Jinapi paykunata k'amerqa, rumi sonqo kaspa, mana paypi atinikusqankurayku, imaraykuchus kawsarimpusqanta rikojkunaj nisqankutapis manapuni jap'ikorqankuchu.

San Juan 21:1

Chay qhepata, Tiberias qocha qayllapi Jesús ujtawan yachachisqankunaman rikhurerqa. Kay jina karqa:

Hechos 1:3

Wañusqamanta kawsarimpuspataj, kikin Jesuspuni tawa chunka p'unchayta kuraj kachankunawan rikuchikorqa. Jinataj ashkha kutita paykunaman rikhurispa, tukuy imata ruwarqa, pay kawsashasqanta mana iskayrayaspa yachanankupaj. Chantá Diospa kamachiyninmantapis paykunaman yachachillarqataj.