San Juan 20:17 - DIOSPA QHELQACHISQ

¹⁷ Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

Qheshwa Biblia DC

¹⁷ Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

DIOSPA QHELQACHISQAN DEUTEROCANONICAL

¹⁷ Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

Quechua South Bolivia: Dios Parlapawanchej

¹⁷ Jesustaj nerka: —Amaña jap'iwaychu. Pisillataña kancunawan casaj, manaraj Tatayman wicharishaskayraycu. Kanrí riy hermanosniyman nimuy paycunaman: Wicharipushani Tataypaman, Tatayquichejpaman; Diosniyman, Diosniyquichejman, —nispa.

San Juan 20:17 Referans Kwoze

San Juan 16:28

Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej

Gálatas 3:26

Chayrayku tukuyniykichej Diospa wawan kankichej Jesucristopi atinikusqaykichejrayku.

San Juan 17:11

Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Marcos 16:19

Chantá Tukuyta Kamachej Jesús parlajtinkama, janaj pachaman oqharisqa karqa, chaypitaj Diospa pañanman kamachinanpaj tiyaykukorqa.

Salmos 68:18

18 (19) Diosníy, presochasqakunata apaspa pataman wicharerqanki. Runakuna, jinataj contraykipi oqharikojkunapis tukuy imata waqerqasunku. Kunantaj, Tata Diosníy, paykuna ukhupi tiyakunki.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.

2 Corintios 6:18

Chantá noqa Tataykichej kasaj, qankunataj churiykuna, ususiykunataj kankichej, nispa. Ajinata Tukuy Atiyniyoj Dios nin.

Romanos 8:29

Pikunatachus Dios ñawpajmantapacha rejserqa, chaykunata pay qallariypi churarqa Churin jina kanankupaj, ajinapi Churenqa ashkha wawqekuna ukhupi kuraj kaj kananpaj.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Mateo 28:7

Chantá usqhayta rispa, Jesuspa yachachisqankunaman willamuychej: Jesusqa wañusqakuna ukhumanta kawsarimpun, ñawpaqeykichejtataj Galileaman rishan. Chaypi nisqanman jina payta rikunkichej, nispa. Chaytaqa noqa ninasuykichej karqa.

San Mateo 12:50

Pichus janaj pachapi kashaj Tataypa munayninta ruwajmari wawqey, panay, jinallataj mamaypis, nispa.

Apocalipsis 21:7

Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.

Hebreos 8:10

Chayrayku chay p'unchay, kay jina mosoj tratota Israel aylluwan ruwasaj, nispa Tata Dios nin: Yuyayninkuman kamachisqayta churasaj, sonqonkupitaj nisqayta qhelqasaj. Noqa Diosninku kasaj, paykunataj noqaj aylluy kanqanku.

San Juan 20:27

Chantá Tomasta nerqa: Ruk'anaykita kayman churay, makiytataj qhawariy. Jinataj makiykita kay wallak'uyman churay. Amaña iskayrayaychu, manachayqa noqa kawsashasqayta creey, nispa.

San Juan 17:5

Kunantaj Tatáy, qayllaykipi jatunchaway, imaynatachus qanwan jatunchasqa karqani manaraj kay pacha ruwasqa kashajtin, ajinata.

San Juan 14:28

Kay nisqayta uyarerqankichejña: Rishani chaypis, qankunaman kutimullasajtaj, nispa. Sichus munakuwankichejman chayqa, Tata Diosman rishasqaymanta kusikuwajchej, imaraykuchus payqa noqamanta kuraj.

San Juan 14:2

Maypichus Tatay tiyakun, chaypeqa tukuypaj wasi tiyan. Manachus jina kanman chayqa, sut'inta niykichejman karqa. Ajinaqa qankunapaj uj cheqata wakichimoj rishani.

San Juan 13:3

Jesustaj Tata Diosmanta jamusqanta, chantá Diosmantaj kutipunanta yacharqamin. Jinallataj Diosqa tukuy atiyta payman qosqanta yachallarqataj.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 7:33

Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj.

San Lucas 10:4

Ama qolqeta, wayaqata, nitaj waj juk'utatapis apakuychejchu. Ñanta rishaspataj, ama pitapis napaykunaykichejpaj sayankichejchu.

Ezequiel 37:27

Noqapuni paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Ezequiel 36:28

Chantá ñawpa tataykichejkunaman qorqani, chay suyupi tiyakunkichej. Qankunaqa aylluy kankichej, noqataj Diosniykichej kasaj.

Jeremías 32:38

Paykuna aylluy kanqanku, noqataj Diosninku kasaj.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Salmos 89:26

26 (27) Pay niwanqa: Qan Tatay kanki, Diosniy, qhespichiwajniy, jark'akuwajniy ima, nispa.

2 Reyes 7:9

Chantá paykunapura ninakorqanku: Mana allintachu ruwashanchej. Kunan sumaj kashan kayta willanapaj, noqanchejtaj ch'inlla kashanchej. Sichus sut'iyamunankama suyasun chayqa, juchachasqa kasunchej. Jaku ari, kuraj kamachejman willamunachej, nispa.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

Salmos 48:14

14 (15) Ajinamin Diosninchejqa, payqa wiñay wiñaypaj Diosninchejmin. Pay wañupunanchej p'unchaykama pusawasunchej, nispa.

Salmos 43:4

Chaypi Diosníy, altarniykiman qayllasaj. Chaypitaj arpata tocarispa, yupaychasqayki, imaraykuchus qan, Diosníy, sonqoyta kusiywan junt'achinki.

Salmos 22:22

22 (23) Chantá noqa wawqeykunaman qanmanta parlasaj, jatun tantakuypitaj yupaychasqayki.

2 Reyes 4:29

Chaymanta Eliseoqa kamachin Guejazita nerqa: Oqharikuy, varayta apariykukuspataj riy. Piwanpis ñanpi tinkuspaqa, ama napaykunkichu. Pi napaykusojtinkupis, ama uyarinkichu. Chayaspataj, kay varayta wawaj uyanman churaykunki, nispa.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Marcos 12:26

Wañusqakuna kawsarimuyninmantaqa, manachu ñawirerqankichej Moisespa qhelqasqallanpitaj imatachus Dios lawrashaj t'ankar sach'amanta parlamusqanta? Pay nisqa: Noqaqa Abrahampa Diosnin kani, Isaacpata, Jacobpata ima, nispa.