San Juan 20:1 - DIOSPA QHELQACHISQ

¹ Semana qallariy p'unchay sut'iyashajtin, María Magdalena rerqa, Jesús maypichus p'ampasqa karqa, chayman. Jinapi aya p'ampana punkupi rumitaqa tanqarparisqata rikorqa.

Qheshwa Biblia DC

¹ Semanaj ñaupaj p'unchayninta, María Magdalena tutamanta sepulturaman rerqa laqhallaraj kashajtin. Sepulturamanta rumitataj tanqarparisqata rikorqa.

DIOSPA QHELQACHISQAN DEUTEROCANONICAL

¹ Semana qallariy p'unchay sut'iyashajtin, María Magdalena rerqa, Jesús maypichus p'ampasqa karqa, chayman. Jinapi aya p'ampana punkupi rumitaqa tanqarparisqata rikorqa.

Quechua South Bolivia: Dios Parlapawanchej

¹ Domingo p'unchaypi Magdala llajtayoj María tutamanta lakhallataraj p'ampanaman jamorka. P'ampanapi churaska p'alta rumitataj wajnejman cuyuriskata ricorka.

San Juan 20:1 Referans Kwoze

Marcos 16:9

Jesús samarina p'unchay pasayta sut'iyamuyta wañusqamanta kawsarimpuspa, ñawpajta María Magdalenaman rikhurerqa, pimantachus Jesús qanchis supaykunata qharqosqa, chay warmiman.

San Mateo 27:60

Chaymantataj, chhankapi ruwasqa mosoj aya p'ampanaman ayata churaykorqa, mayqentachus José paypaj ruwachikusqa, chayman. Chantá uj jatun rumiwan aya p'ampanaj yaykunanta wisq'aykuspa, riporqa.

Marcos 15:46

Josetaj linomanta ruwasqa sabanata rantimuspa, Jesuspa ayanta cruzmanta urayk'uchiytawan, mayt'uykorqa. Chantá chhankapi jusk'usqa aya p'ampanaman Jesuspa ayanta churaykorqa, jatun rumiwantaj yaykunan punkunta wisq'aykorqa.

San Juan 20:26

Pusaj p'unchayninman Jesuspa yachachisqankuna ujtawan wasipi tantakorqanku. Tomaspis paykunawan kasharqa. Wasej punkun sumaj wisq'asqa kashajtin, Jesús ujtawan chawpinkupi rikhurispa, paykunata napaykorqa: Diospa sonqo tiyaykuynin qankunawan kachun, nispa.

San Juan 19:25

Jesús cruzpi chakatasqa kasharqa, chay qayllapi kasharqanku maman, mamanpa ñañan, Cleofaspa warmin María, chantá María Magdalena ima.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.

San Mateo 27:64

Chayrayku soldadokunata kachay ari, kinsa p'unchaykama, maypichus p'ampasqa kashan, chayta qhawanankupaj. Manachayqa yachachisqankuna jamuspa, ayanta suwankuman, chaymantataj ninkuman: Jesús wañusqamanta kawsarimpun, nispa. Jinaqa chay llullerio aswan millay kanman ñawpajmanta nisqaqa, nispa.

1 Corintios 16:2

Sapa semana qallariyta sapa ujniykichej ganakusqaykichejman jina wakinta t'aqaychej. Chantá chayta waqaychaychej, chayamojtiy, amaña qolqeta tantanaykichejpaj.

Hechos 20:7

Noqayku semanaj qallariynin p'unchaypi Jesusta qhatikojkunawan khuska tantakorqayku, Jesuspa Cenanta mikhunaykupaj, chaypitaj Pabloqa Diospa simi nisqanta yachachisharqa. Q'ayantin puririnan kasqanraykutaj, chawpi tutakama yachacherqa.

San Mateo 27:56

Chay warmikuna ukhupi kasharqanku María Magdalena, Santiagoj, Josejpatawan mamanku María, Zebedeoj churinkunaj mamanku ima.

San Mateo 27:66

Paykunataj rispa, chay aya p'ampanaj yaykunanta sumajta wisq'aykorqanku. Chay wisq'ana rumita kamachejpa sellonwan sellaykuspataj, qhawaj soldadokunata churarqanku.

San Mateo 28:1

Samarina p'unchay pasayta, semana qallariy sut'iyamuyta María Magdalena, chay uj Mariawan ima aya p'ampanata watukoj rerqanku.

San Mateo 28:2

Kaymanta jinataj jallp'aqa ikhakorqa, imaraykuchus Tukuyta Kamachej Diospa uj angelnin janaj pachamanta urayk'amorqa. Aya p'ampanata wisq'aj rumita tijraspataj, chay patapi tiyaykukorqa.

San Juan 11:38

Jesús sonqon nanasqallaraj kashaspa, maypichus Lázaro p'ampasqa kasharqa, chayman qayllarqa. Chay aya p'ampanaqa chhankapi ruwasqa karqa, jatun rumiwan wisq'asqataj.

San Juan 11:41

Chantá rumita tanqarqanku. Jesustaj patata qhawaspa, nerqa: Tatáy, uyariwasqaykimanta pachis niyki.