San Juan 19:15 - DIOSPA QHELQACHISQ

¹⁵ Paykunatajrí qhaparerqanku: Llajtamanta jawaman orqhospa, cruzman chakatachimullayña, nispa. Pilatotaj paykunata nerqa: Kuraj kamachejniykichejtachu cruzman chakatachisaj? nispa. Kuraj sacerdotekunataj kuticherqanku: Mana waj kuraj kamachejniyku kanchu Romapi kuraj kamachej Cesarmanta astawanqa, nispa.

Qheshwa Biblia DC

¹⁵ Paykunataj qhaparerqanku: Amaña, amaña, cruzpi chakatallayña!, nispa. Pilatotaj paykunaman nerqa: Reyniykichejtachu cruzpi chakatasaj? Kuraj sacerdotestaj kuticherqanku: Mana waj reyniyku kanchu kamachejmanta astawanqa.

DIOSPA QHELQACHISQAN DEUTEROCANONICAL

¹⁵ Paykunatajrí qhaparerqanku: Llajtamanta jawaman orqhospa, cruzman chakatachimullayña, nispa. Pilatotaj paykunata nerqa: Kuraj kamachejniykichejtachu cruzman chakatachisaj? nispa. Kuraj sacerdotekunataj kuticherqanku: Mana waj kuraj kamachejniyku kanchu Romapi kuraj kamachej Cesarmanta astawanqa, nispa.

Quechua South Bolivia: Dios Parlapawanchej

¹⁵ Chayraycu paycunaka khaparerkancu: —¡Wijch'uy, wijch'uy! ¡Chacataska cachun! —nispa. Pilatotaj paycunaman nerka: —¿Imayna? ¿Camachejniyquichejtachu chacatasaj? Yupaychana-wasimanta curajcunataj cuticherkancu: —¡Cesarlla camachejniycoka! ¡Mana wajka canchu! —nispa.

San Juan 19:15 Referans Kwoze

San Lucas 23:18

Chayta yachaspa, tukuyninku ujllata qhapariyta qallarerqanku: Jesús wañuchisqa kachun, Barrabastataj kacharipuy, nispa.

Hechos 22:22

Chayta Pablo ninankama, judiokunaqa nisqanta uyarishallarqanku. Chaymanta qhaparerqanku: Wañuchun chay runaqa. Payqa manamin kawsananpaj jinachu, nispa.

Hechos 21:36

Chay runakunataj qhaparqachasharqanku: Wañuchisqa kachun, nispa.

San Juan 19:6

Chaypacha kuraj sacerdotekuna, chantá Templota qhawaj soldadokuna ima Jesusta rikuytawan, kutin kutinta qhaparerqanku: Cruzman chakatasqa kachun, nispa. Jinapi Pilato nerqa: Qankuna apakapuychej, cruzmantaj chakataychej. Noqarí kay runapi mana ima juchantapis tarinichu, nispa.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

San Juan 18:31

Chantá kamachej Pilato paykunata nerqa: Jina kajtenqa, payta pusaspa, kamachisqa qhelqaykichejman jina juzgaychej, nispa. Judiokunaj kurajninkukunatajrí nerqanku: Noqaykoqa mana pitapis wañuchisqa kananpaj juchachayta atiykuchu, nispa.

San Mateo 22:17

Niwayku ari: Allinchu kanman Romapi kuraj kamachej Cesarman impuestota pagana, manachu? nispa.

Hechos 13:28

Paykuna mana ima juchatapis Jesuspi tarerqankuchu wañuchisqa kananpaj jina. Chaywanpis Pilatomanta kamachinanta mañarqanku Jesús wañuchisqa kananpaj.