San Juan 18:32 - DIOSPA QHELQACHISQ

³² Ajinata Jesuspa nisqan junt'akorqa, imaraykuchus Jesús imaynatachus wañunanta nisqaña.

Qheshwa Biblia DC

³² Chayta nerqanku Jesuspa nisqan junt'akunampaj, ima wañuywanchus wañunan kasqanta.

DIOSPA QHELQACHISQAN DEUTEROCANONICAL

³² Ajinata Jesuspa nisqan junt'akorqa, imaraykuchus Jesús imaynatachus wañunanta nisqaña.

Quechua South Bolivia: Dios Parlapawanchej

³² Jesús ñaupajta sut'incharkaña imaynata wañunanta. Ajinapi chay niskancunejta Jesuspa niskan junt'acorka.

San Juan 18:32 Referans Kwoze

San Juan 3:14

Imaynatachus ch'innejpi Moisés broncemanta katarita k'aspiman warkhuspa pataman oqharerqa, ajinallatataj Runaj Churinpis pataman oqharisqa kanqa.

San Mateo 26:2

Qankunaqa yachankichej iskay p'unchaymantawan Pascua raymi kananta. Chaypacha Runaj Churinta jap'enqanku cruzman chakataykunankupaj, nispa.

San Mateo 20:19

Chantá paykuna mana judío kajkunaman jaywaykuwanqanku. Mana judío kajkunataj alqochakuspa jasut'iwanqanku, cruzmantaj chakataykuwanqanku. Chaywanpis kinsa p'unchayninman wañusqamanta kawsarimpusaj, nispa.

San Juan 8:28

Chayrayku Jesús paykunata nerqa: Maypachachus Runaj Churinta cruzman chakataspa sayarichinkichej, chaypacha noqa pichus kasqayta yachankichej. Yachallankichejtaj mana imatapis sapallaymanta ruwasqayta. Jinallatataj yachankichej Tata Diospa yachachisqallanta parlasqayta.

Marcos 10:33

Pay nerqa: Kunanqa Jerusalén llajtaman rishanchej, chaypitaj Runaj Churinta kuraj sacerdotekunaj makinkuman jaywaykonqanku, Diospa kamachisqanmanta yachachejkunaman ima. Paykunataj payta wañuchinankupaj juchachanqanku, jinaspataj, mana judío kajkunaj makinkuman jaywaykonqanku.

Deuteronomio 21:23

chay ayataqa ama tutantinta sach'api warkhusqata saqenkichejchu. Manachayqa chay p'unchaypacha chay runaj ayanta p'ampankichej, imaraykuchus warkhusqa runaqa Diospa maldicisqanmin. Ajinata ruwaspa, Tata Diosniykichej qosusqaykichej jallp'ata mana ch'ichichankichejchu.

Salmos 22:16

16 (17) Alqokuna jina uj t'ojpa millayta ruwajkuna muyuykuwanku. Paykuna chakiyta, makiytawan jusk'urawanku.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Hechos 7:59

Chay jinata payta ch'anqaykushajtinku, Estebanqa Diosmanta mañakuspa, nerqa: Tukuyta Kamachej Jesusníy, almayta jap'ikapuy, nispa.

San Juan 10:33

Judiokunataj kuticherqanku: Mana qan allin kajta ruwasqaykimantachu ch'anqaykusqayku, manachayqa Diospa contranta parlasqaykimanta. Qanqa runalla kashaspa, Dios kasqaykita ninki, nispa.

San Juan 10:31

Chantá judiokunaj kurajninkukuna Jesusta ch'anqaykunankupaj ujtawan rumita oqharikorqanku.

San Juan 13:18

Mana tukuyniykichejmantachu chayta nishani. Noqa yachani pikunatachus ajllakusqayta. Chaywanpis Diospa Qhelqachisqanpi imatachus nisqan junt'akunan tiyan: Pichus noqawan khuska mikhojqa wasanchawan, nispa.

San Juan 18:31

Chantá kamachej Pilato paykunata nerqa: Jina kajtenqa, payta pusaspa, kamachisqa qhelqaykichejman jina juzgaychej, nispa. Judiokunaj kurajninkukunatajrí nerqanku: Noqaykoqa mana pitapis wañuchisqa kananpaj juchachayta atiykuchu, nispa.

San Juan 21:19

Chayta Jesús nerqa, Pedro imaynata wañuspachus Diosta jatunchananmanta yachayta qonanpaj. Chayta niytawantaj, Jesús nillarqataj: Qhepayta jamuy, nispa.