San Juan 18:12 - DIOSPA QHELQACHISQ

¹² Chaymantataj Romamanta soldadokuna, kamachejninku, jinataj Templota qhawaj soldadokuna ima Jesusta jap'ispa, makinta watarqanku.

Qheshwa Biblia DC

¹² Chaypacha t'aqa soldadospa capitannin, judiospa runasnin ima, Jesusta presocharqanku, watarqankutaj.

DIOSPA QHELQACHISQAN DEUTEROCANONICAL

¹² Chaymantataj Romamanta soldadokuna, kamachejninku, jinataj Templota qhawaj soldadokuna ima Jesusta jap'ispa, makinta watarqanku.

Quechua South Bolivia: Dios Parlapawanchej

¹² Ajinapi chay tropa soldados camachejnincuwan curajcunaj yanapajcunancupiwan Jesusta jap'iycuspa wataycorkancu.

San Juan 18:12 Referans Kwoze

San Juan 18:3

Chayrayku Judasqa chaypi kaj Romamanta ashkha soldado pusarisqa chayamorqa, Templota qhawaj soldadokunawan ima. Chaykunata fariseokuna, chantá kuraj sacerdotekuna ima kachamusqanku. Paykuna nina jachonniyoj, lamparakunayoj, chantá armayoj ima jamorqanku.

San Mateo 26:57

Chantá Jesusta jap'ispa, presochajkunaqa payta pusarqanku kuraj kaj sacerdote Caifaspa wasinman, maypichus kuraj sacerdote, Diospa kamachisqanmanta yachachejkuna, kurajkuna ima tantasqa kasharqanku, chayman.

Hechos 21:37

Soldadokuna cuartelmanña yaykushajtinku, Pabloqa soldadokunata kamachejta nerqa: Uj chhikanta qanwan parlariyta munayman, nispa. Soldadokunata kamachejtaj nerqa: Griegota parlayta yachankichu?

Hechos 21:31

Chaywanpis Pablota wañuchinayashajtinku, romano soldadokunata kamachej uyarerqa tukuy Jerusalén llajtapi runakuna oqharikushasqankuta.

San Lucas 22:54

Jesusta presochaspa, chay runakuna kuraj kaj sacerdotej wasinman payta pusarqanku. Pedrotaj karu qhepallanta risharqa.

Marcos 15:1

Sut'iyamojtenqa, kuraj kaj sacerdotekuna, kurajkunawan, Diospa kamachisqanmanta yachachejkunawan ima ujtawan Jatun Juntapi tantakorqanku parlarinankupaj. Chaymantataj Jesusta wataspa, Romamanta kamachej Pilatoman pusarqanku.

Marcos 14:53

Chaymanta Jesusta kuraj kaj sacerdotejpaman pusarqanku. Chaymantaj tukuy kuraj sacerdotekuna tantakamorqanku, kurajkuna, Diospa kamachisqanmanta yachachejkuna ima.

San Mateo 27:2

Chantá Jesuspa makinta wataspa, Romamanta kamachej Pilatoman pusarqanku.

Jueces 16:21

Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.

Génesis 22:9

Maymanchus rinankuta Dios nisqa, chayman chayaspa, Abraham uj altarta Diospaj ruwarqa, chay patamantaj llant'ata tawqarqa. Chaymantataj Isaacta wataykuspa, altarpi llant'a pataman winkuykucherqa.

Hechos 23:10

Juntamanta kajkuna chay jinatapuni jap'inakushajtinku, romano soldadokunata kamachejqa phutikorqa Pablota wañuchinankumanta. Chayrayku soldadonkunata kamacherqa chay runakuna chawpimanta Pablota orqhomuspa, ujtawan cuartelman pusaykunankuta.

Salmos 118:27

Tata Diosqa Diospuni, paymin k'anchawajninchejqa. Raymi ruwayta qallariychej, sach'aj thansanta k'utuspataj, altarpa wajran chayman apaychej.

Génesis 40:3

Paykunata jap'ichispataj, faraonqa qhawaj soldadokunaj capitanpa wasinman apacherqa, maypichus cárcel karqa, chayman. Chayllapitaj Josepis kasharqa.

San Mateo 27:27

Chaymanta Pilatoj soldadonkunaqa Jesusta kamachina wasiman pusaspa, soldadokunata Jesuspa muyuyninpi tantacherqanku.

Hechos 10:1

Cesarea llajtapi uj runa karqa Cornelio sutiyoj. Payqa Italiano nisqa romano soldadokunata kamachej capitán karqa.