San Juan 17:11 - DIOSPA QHELQACHISQ

¹¹ Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

Qheshwa Biblia DC

¹¹ Noqa manaña mundopichu kasaj. Paykunataj mundopi qhepakonqanku, noqataj qanman jampusaj. Sumaj Tatáy, noqapi creejkunata sutiykipi waqaychay, paykuna uj sonqolla kanankupaj, qanwan noqawan ujlla kanchej, ajinata.

DIOSPA QHELQACHISQAN DEUTEROCANONICAL

¹¹ Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

Quechua South Bolivia: Dios Parlapawanchej

¹¹ ‘Manaña cay pachapichu caj rishani. Paycunarí cay pachapi cancu. Nokataj kanman jamushani. Santo Tatáy, kowaskayquicunata atiyniyquiwan wakaychay, nokanchejjina ujlla canancupaj.

San Juan 17:11 Referans Kwoze

San Mateo 6:9

Chayrayku qankuna kay jinata Dioswan parlarikunkichej: Janaj pachapi kaj Tatayku, sutiyki jatunchasqa kachun.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

Efesios 4:4

Ajinata ruwaychej, imaraykuchus uj Iglesialla tiyan, uj Santo Espiritulla ima, jinallataj qankuna uj suyakuyllaman wajyasqa kankichej.

Filipenses 2:9

Chayrayku Diosqa payta maytapuni jatuncharqa, jinaspataj, payman tukuy sutimantapis aswan sumaj sutita qorqa.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

San Juan 14:20

Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata.

Judas 1:1

Noqa Judas kani, Jesucristoj wata runan, chantá Santiagoj wawqen. Kay cartatataj Tata Diospa wajyasqankunaman apachimuni, pikunatachus Tata Dios munakun, Jesucristotaj waqaychan, chaykunaman.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

Hechos 3:21

Kunanqa pay janaj pachallapiraj qhepakonqa, Dios watej tukuy imata mosojyachinankama. Chaymanta Diosqa ajllasqa sut'inchajninkunanejta unaymantapachaña willarqa.

San Juan 13:3

Jesustaj Tata Diosmanta jamusqanta, chantá Diosmantaj kutipunanta yacharqamin. Jinallataj Diosqa tukuy atiyta payman qosqanta yachallarqataj.

Isaías 64:2

Imaynatachus nina ch'awjrata rupharparin, chayrí mankapi yakutapis t'impuchin, ajinallatataj qanpis jamuspa, awqaykikunaman sutiykita rejsichiy, qanpa ñawpaqeykipitaj tukuy suyu kharkatitichunku.

Salmos 79:9

Qhespichiwajniyku Dios, yanapawayku, kacharichiwayku, juchaykutataj pampachay ari, sutiyki manchay uyarisqa kasqanrayku.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

1 Corintios 1:10

Wawqe panakuna, Tukuyta Kamachej Jesucristonchejpa sutinpi mañakuykichej, tukuyniykichej ujllata parlanaykichejta. Ama qankuna ukhupi t'aqanaku kachunchu. Aswanpis qankunapura k'achata kawsakuychej, uj sonqolla kaspa, ujllata yuyaspa ima.

Romanos 12:5

Ajinallataj noqanchejpis ashkha kaspapis, Cristoman ujchasqa uj ukhu jina kanchej. Jinallataj sapa ujninchej ujkunawan sumaj ujchasqallataj kanchej.

Romanos 9:17

Diospa Qhelqachisqanpi nillantaj, Dios imatachus faraonta nisqanta: Noqa qanta kuraj kamachejta jina churarqayki, qannejta atiyniyoj kasqayta rikuchinaypaj, tukuy runataj noqa pichus kasqayta yachanankupaj, nispa.

San Juan 16:28

Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.

San Juan 7:33

Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

San Mateo 5:48

Janaj pachapi kashaj Tata Diosniykichejqa cheqan munakuyniyoj. Chayrayku qankunapis ajinallataj kaychej. Ajinata nispa Jesús yachacherqa.

Ezequiel 20:44

Israel ayllu, noqa qankunata qhawarisqaykichej, mana millay ruwasqaykichejman jinachu, nitaj millay juchata ruwasqaykichejman jinachu. Manachayqa sutiy pataman oqharisqa kananpaj jina qhawasqaykichej. Chaypacha noqa Tata Dios kasqayta yachankichej. Ajinata noqa Tukuyta Kamachej Tata Dios nini.

Ezequiel 20:22

Chaywanpis makiyta paykunaj contranpi mana oqharerqanichu, ama waj suyukuna noqamanta millayta parlanankupaj, mayqenkunaj rikunantachus israelitakunata Egiptomanta orqhorqani, chaykuna.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Jeremías 14:21

Chaywanpis sutiyki yupaychasqa kananpaj, ama qhesachawaykuchu ari, amataj Jerusalenpi jatunchasqa kamachinayki tiyanata pisipaj qhawaychu. Yuyarikuy ari noqaykuwan tratota ruwasqaykimanta. Amapuni trato ruwasqaykita p'akiychu.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Isaías 27:3

Noqa Tata Dios chay huertata qhawani, sapa kutitaj qarpani. Tuta p'unchay waqaychani, ama pipis imanananpaj.

Apocalipsis 19:12

Paypa ñawenqa nina lawray jina karqa, umanpitaj ashkha pilluyoj karqa. Sutenqa qhelqasqa karqa, chay sutintataj mana pipis yacharqachu, manachayqa paylla.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.

1 Juan 3:12

Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

San Juan 17:6

Kay pachamanta qowasqayki runakunaman noqa pichus kasqaykita rejsicherqani. Paykuna qanpatapuni karqanku, qopuwarqankitaj, paykunataj nisqaykita kasorqanku.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.