San Juan 16:20 - DIOSPA QHELQACHISQ

²⁰ Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

Qheshwa Biblia DC

²⁰ Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

DIOSPA QHELQACHISQAN DEUTEROCANONICAL

²⁰ Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

Quechua South Bolivia: Dios Parlapawanchej

²⁰ Chekatapuni niyquichej: Kancunaka phutiywan wakanquichej. Cay pacha runasrí cusiconkancu. Astawanpis kancunapajka chay phutiyniyquichej cusiyman tuconka.

San Juan 16:20 Referans Kwoze

Santiago 1:2

Munasqa wawqe panaykuna, tukuy imaymana mana allin kaj qhatirisojtiykichej, qankuna mayta kusikuychej.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

2 Corintios 6:10

Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

Marcos 16:10

Mariataj rispa, Jesuspa yachachisqankunaman willamorqa. Paykuna may llakisqa kaspa, waqasharqanku.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.

San Lucas 24:21

Noqaykurí yuyasharqayku payqa Israel suyuta kacharichinanta. Kunantaj kinsa p'unchayña pasan chay tukuy ima kasqanmanta.

Salmos 30:11

11 (12) Qan llakiyniyta kusiyman tukuchinki. Qhashqa p'achata orqhowaspa, raymiman rina p'achawan p'achallichiwanki.

Salmos 30:5

5 (6) Tata Dios phiñakun chaypis, mana unaypajchu, k'acha kaynintajrí wiñaypaj kallanpuni. Sichus tutan waqasunman chaypis, sut'iyayta kusiymanta phinkirisunchej.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

Romanos 5:11

Mana chayllachu. Astawanqa Tukuyta Kamachej Jesucristonejta Dioswan allinpi kawsakunaman churasqa kasqanchejmanta kusikullanchejtaj, imaraykuchus paynejtamin Dioswan allinyachisqa kanchej.

San Lucas 24:17

Chantá Jesús paykunata taporqa: Imamantapunitaj chay jinata parlashankichejri? Imaraykutaj llakisqa kashankichejri? nispa.

San Lucas 23:27

Chaypacha ashkha runakuna Jesuspa qhepanta risharqanku, chaykuna ukhupitaj warmikuna Jesusrayku mayta waqasharqanku, qhaparisharqanku ima.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Apocalipsis 18:7

Pay runaykacharqa, chhika patapi kaspataj, munasqallanta ruwarqa. Kunantajrí ruwasqanman jina payta ñak'arichiychej, waqachispataj kusikuychej, imaraykuchus payqa sonqonpi nerqa: Noqaqa qoya jina kamachinaypi tiyasqa kashani. Mana warmisapachu kani, nitaj waqanatapis rikusajchu, nispa.

Apocalipsis 11:10

Jinapi Diosman mana kutirikojkuna chay testigokuna wañuchisqa kasqankumanta kusirikonqanku. Chantá ujkuna ujkuna waqekunata jaywanarikonqanku, imaraykuchus chay iskay testigokunaqa paykunata mayta ñak'aricherqanku.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

San Juan 16:6

Astawanqa kayta nisqayrayku sonqoykichejpi may jinata llakikushankichej.

San Lucas 22:62

Patiomanta jawaman llojsispataj, Pedro sonqo nanayta waqarikorqa.

San Lucas 22:45

Chantá Dioswan parlasqanmanta sayarispa, Jesús yachachisqankunaman kutirerqa, paykunatataj puñushajta tariparqa, sinch'i llakisqa kasqankurayku.

San Lucas 6:21

Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

Marcos 14:72

Chantá ujtawan gallo waqallarqataj, Pedrotaj chayta uyarispa, Jesuspa kay nisqanmanta yuyarikorqa: Manaraj iskay kutita gallo waqashajtin, qanqa kinsa kutikama ninki mana rejsiwasqaykita, nispa. Chayta yuyarikuspataj, Pedro sonqo nanayta waqarqa.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Salmos 97:11

K'anchayqa cheqanta ruwajkunata k'anchan, cheqan sonqoyojkunatataj kusichin.

Job 20:5

Millayta ruwaspa purejpa kusikuynenqa mana unaypajchu kashan, kusikuynenqa askamalla tukukapun.

1 Tesalonicenses 1:6

Qankunataj noqaykumanta, chantá Tukuyta Kamachej Jesusmanta imaynatachus allinta kawsanata yachaqakorqankichej. Sinch'i ñak'ariypi kashaspapis, Santo Espíritu kusikuyta qosqanwan Diospa willachisqanta jap'ikorqankichej.

San Juan 20:20

Chayta niytawan, clavoj jusk'usqan makinta, lanzaj qhallasqan wallak'unta ima rikuchikorqa. Yachachisqankunataj Tukuyta Kamachej Jesusta rikuspa, mayta kusikorqanku.

San Mateo 21:38

Chaywanpis, chay llank'ajkunaqa huertayojpa churinta jamojta rikuspa, paykunapura ninakusqanku: Payqa kay jallp'ata chayaqeta jina jap'enqa. Jamuychej, payta wañuchinachej, jallp'ataj noqanchejpaj kanqa, nispa.