San Juan 16:14 - DIOSPA QHELQACHISQ

¹⁴ Pay noqata jatunchawanqa, imaraykuchus noqaj nisqayta jap'ispa, chaytapuni yachachisonqachej.

Qheshwa Biblia DC

¹⁴ Paytaj jatunchawanqa, imaraykuchus noqajmanta jap'enqa, yachachisonqachejtaj.

DIOSPA QHELQACHISQAN DEUTEROCANONICAL

¹⁴ Pay noqata jatunchawanqa, imaraykuchus noqaj nisqayta jap'ispa, chaytapuni yachachisonqachej.

Quechua South Bolivia: Dios Parlapawanchej

¹⁴ Niskayta jap'ispa kancunaman sut'inchasonkachej. Ajinapi nokata jatunchawanka.

San Juan 16:14 Referans Kwoze

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Gálatas 5:5

Noqanchejrí Santo Espirituman jina kawsajkuna imata jina suyashanchej cheqan runapaj qhawasqa kayta Cristopi atinikusqanchejrayku.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

1 Corintios 12:3

Chayrayku kayta yachanaykichejta munani: Mana pipis Diospa Espiritunnejta parlajqa ninmanchu: Jesús maldicisqa kachun, nispa. Nillataj pipis niyta atinchu: Jesusqa Tukuyta Kamachejmin, nispa, manachus Santo Espíritoj yanapasqan kanman chayqa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Juan 5:6

Jesucristo kay pachaman jamuspa, yakuwan bautizasqa karqa, chantá wañuspataj, yawarninta jich'arqa. Mana yakunejllatachu Jesusqa Diospa Churin kasqanta sut'incharqa, manachayqa yakunejta, chantá yawarnejta ima. Santo Espíritu cheqatapuni parlaj jina kayqa ajinapuni kasqanta sut'inchan.

1 Juan 3:23

Kaymin Diospa kamachisqanqa: Diospa Churin Jesucristopi atinikunanchej, kamachiwasqanchejman jinataj ujkuna ujkuna munakunanchej.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

1 Pedro 2:7

Qankuna Diospi atinikojkunapaj chay rumeqa may valorniyojmin. Mana Paypi atinikojkunamantarí Diospa Qhelqachisqanpi nin: Wasichajkunaj qhesachasqanku rumeqa sumaj esquina rumiman tukun, nispa.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

San Juan 14:21

Pichus kamachisqayta jap'ikun, kasuntaj, chaymin cheqatapuni munakuwajqa. Noqata munakuwajtataj Tatay munakonqa. Noqapis payta munakullasajtaj, imaynachus kasqaytataj payman rejsichikusaj, nispa.