Biblia Todo Logo
Bib sou entènèt

- Piblisite -




San Juan 15:8 - DIOSPA QHELQACHISQ

8 Maypachachus qankuna uva yura jina ashkha poqoyniyoj kankichej chaypacha, cheqapuni yachachisqay kasqaykichejta yachayta qoshankichej, chaynejtataj Tatay jatunchasqa kanqa.

Gade chapit la Kopi

Qheshwa Biblia DC

8 Qankuna ashkha poqoyta apajtiykichej, Tatayqa jatunchasqa kanqa; ajinamanta yachachisqasniy kankichej.

Gade chapit la Kopi

DIOSPA QHELQACHISQAN DEUTEROCANONICAL

8 Maypachachus qankuna uva yura jina ashkha poqoyniyoj kankichej chaypacha, cheqapuni yachachisqay kasqaykichejta yachayta qoshankichej, chaynejtataj Tatay jatunchasqa kanqa.

Gade chapit la Kopi

Quechua South Bolivia: Dios Parlapawanchej

8 C'acha causayniyoj caskayquichejka ashqha pokoyjinamin. Chaywan Tatayta jatunchanquichej, yachacojcunay caskayquichejtataj ricuchinquichej.

Gade chapit la Kopi




San Juan 15:8
19 Referans Kwoze  

Chantá Jesús paypi atinikoj runakunata nerqa: Nisqaytachus kasunkichej chayqa, cheqapuni yachachisqaykuna kankichej.


Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.


Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.


Noqa uva sach'a jina kani, qankunataj chay uva sach'aj yuran jina kankichej. Pillapis noqaman ujchasqallapuni kaj, noqataj payman, chaymá ashkhata poqonqa. Chaywanpis sichus qankunamanta pillapis noqamanta t'aqakun chayqa, mana imatapis ruwayta atenqachu.


Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.


Qankunachus purajmanta munakunkichej chayqa, tukuy runakuna yachanqanku noqaj yachachisqay kasqaykichejta, nispa.


Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.


Ajinaqa mikhuspapis, ujyaspapis, chayrí imata ruwaspapis, tukuy imata ruwaychej Dios chaynejta jatunchasqa kananpaj.


Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.


Dios ashkha preciota pagaspa, qankunata rantikusorqachej. Chayrayku qankuna ukhuykichejwan Diospa munasqanta ruwaspa, payta jatunchaychej.


Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.


Chayrayku kunan orqoman rispa, kurkukunata apamuychej Temployta watej ruwanaykichejpaj. Noqataj chaymanta mayta kusikusaj, chaypitaj jatunchasqapuni kasaj. Noqa Tata Diosmin chayta nini.


Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.


nitaj imatapis suwakuchunkuchu, manachayqa tukuy imachus ruwanankuta junt'aspa, k'acha kachunku. Wata runakuna ajinata ruwaspa, tukuy imapi qhespichiwajninchej Diospa yachachisqan may sumaj kasqanta rikuchenqanku.


Yachachillachunkutaj allinta qhawarikuspa purinankuta, llimphu puriyniyoj ima kanankuta. Yachachillachunkutaj wasinkupi imachus ruwana kajta ruwanankuta, k'acha kanankuta, chantá qosankuwan kasukuy sonqo kanankuta ima. Ajinata sipas warmikuna purejtinku, mana pipis Diospa nisqanmanta mana allinta parlanqachu.


Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.


Chaypi kajkunataj chayta rikuspa, manchachikorqanku, Diostataj jatuncharqanku chay jina atiyta runakunaman qosqanmanta.


Swiv nou:

Piblisite


Piblisite