San Juan 15:7 - DIOSPA QHELQACHISQ

⁷ Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

Qheshwa Biblia DC

⁷ Noqapichus kakuwajchej, palabrasniytaj qankunapi kanman chayqa, tukuy munasqaykichejta mañakuychej, jap'inkichejtaj.

DIOSPA QHELQACHISQAN DEUTEROCANONICAL

⁷ Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

Quechua South Bolivia: Dios Parlapawanchej

⁷ ‘Nokawan ujchaskachus cacunquichej niskasniypis sonkoyquichejpi chayka, imatachus munaskayquichejta Diosmanta mañacuychej. Kancunamantaj kosonka.

San Juan 15:7 Referans Kwoze

Salmos 37:4

Tata Diosta munakuspa, mayta kusikuy, paytaj sonqoykej munasqanta qosonqa.

1 Juan 5:14

Noqanchej Diospi tukuy sonqo atinikunchej. Chayrayku sichus munasqanman jina imatapis mañakunchej chayqa, yachanchej pay uyarinawanchejta.

San Juan 14:13

Chantá sutiypi imatachus Tata Diosmanta mañakusqaykichejta noqa ruwasaj, Tata Dios Churinnejta jatunchasqa kananpaj.

1 Juan 3:22

Jinallataj Diosqa tukuy mañakusqanchejta qowasunchej, imaraykuchus kamachisqanta kasunchej, jinataj imachus payta kusichin, chaytapis ruwanchej.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

San Mateo 7:7

Diosmanta mañakuychej, qosonqachejtaj. Dios kutichisunanta mask'aychej, tarinkichejtaj. Punkutapis takallaychejpuni, Diostaj kicharimusonqachej.

San Juan 16:23

Chaypacha manaña imatapis tapuwankichejchu. Kayta sut'ita niykichej: Imatachus sutiypi mañakojtiykichejqa, Tatay qosonqachej.

Gálatas 5:16

Niykichej ari: Diospa Espiritunta kasuspa kawsaychej. Ajinata ruwankichej chayqa, juchallinaman aysaj sonqoykichejpa munasqanta kasunawan mana apachikunkichejchu.

1 Juan 2:27

Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

Jeremías 15:16

Parlamushawajtiyki, niwasqaykita sumajta uyarerqani. Chaytaj sonqoyta qhallallaricherqa, kusiytaj sonqoy ukhupi karqa, imaraykuchus Tukuy Atiyniyoj Tata Diosníy, qanpatamin kani.

Proverbios 10:24

Millayta ruwaj runata imatachus manchachikusqan, chayllataj qhatirenqa. Cheqan runatajrí imatachus munasqanta jap'enqapuni.

Salmos 119:11

Contraykipi ama juchallikunaypaj nisqaykita sonqoypi jap'ikuni.

Isaías 58:8

Chantá k'acha kawsayniykichejqa tutamanta inti llojsimuy jina k'ancharenqa. Chaypacha k'irisqa kasqaykichejpis usqhayta qhaliyanqa. Justiciata ruwasqaykichejpis ñawpaqeykichejta renqa, Tata Diospa jatun kaynintaj qhepaykichejpi waqaychasonqachej.

Deuteronomio 6:6

Kunan kay tukuy kamachisqayta sumajta sonqoykipi jap'iy.

1 Juan 2:14

Jesucristota qhatikuypi unayniyojña kajkuna, qankunaman qhelqamuykichej, imaraykuchus qankunaqa pichus ñawpajmantapacha kajta rejsinkichejña. Jesucristota qhatikuypi wayna jina kallpaykichejpi kajkuna, qankunaman qhelqamullaykichejtaj, imaraykuchus sinch'i kallpayoj kankichej, Diospa simi nisqantapis sonqoykichejpi jap'ikunchej, chantá Kuraj Supayta atiparqankichej.

Colosenses 3:16

Qankunaqa Cristoj sumaj yachachisqanmanta amapuni qonqakuychejchu. Manachayqa Diospa qosqan yuyay yachaywantaj purajmanta yachachinakuychej, k'aminarikuychej ima. Jinataj Diosta tukuy sonqo pachis nispa, salmokunata, yupaychana takiykunata, chantá Santo Espíritoj yuyaychasqan takiykunata ima takiychej.

Proverbios 4:4

Tatayqa kay jinata yachachiwaj: Yachachisqayta jap'ikuy, kamachisusqaytataj junt'ay, chaytaj kawsachisonqa.

Job 22:26

Tukuy Atiyniyoj Diosqa kusiyniyki kanqa, chantá mana p'enqakuspa payta qhawanki.

San Juan 8:37

Noqa yachani Abrahampa mirayninmanta kasqaykichejta. Chaywanpis qankuna wañuchiwayta munashankichej, nisqayta mana jap'ikusqaykichejrayku.

Job 23:12

Noqaqa kamachisqankunata junt'arqanipuni, manataj noqaj munasqaytachu ruwarqani.

Gálatas 4:2

Manachayqa payqa uywajkunaj makinkupi kanan tiyan, tatanpa nisqan p'unchaykama.

1 Reyes 3:5

Uj ch'isi Tata Diosqa Gabaonpi Salomonman mosqoypi rikhurispa, payta nerqa: Mañakuway imatachus munasqaykita, noqataj qosqayki, nispa.

San Juan 8:31

Chantá Jesús paypi atinikoj runakunata nerqa: Nisqaytachus kasunkichej chayqa, cheqapuni yachachisqaykuna kankichej.