San Juan 15:5 - DIOSPA QHELQACHISQ

⁵ Noqa uva sach'a jina kani, qankunataj chay uva sach'aj yuran jina kankichej. Pillapis noqaman ujchasqallapuni kaj, noqataj payman, chaymá ashkhata poqonqa. Chaywanpis sichus qankunamanta pillapis noqamanta t'aqakun chayqa, mana imatapis ruwayta atenqachu.

Qheshwa Biblia DC

⁵ Noqa uva sach'a kani, qankunataj ramas kankichej; pillapis noqapi kakojqa, noqataj paypi, chaymá ashkha poqoytaqa apan. Mana noqawanqa, mana imatapis ruwayta atinkichejchu.

DIOSPA QHELQACHISQAN DEUTEROCANONICAL

⁵ Noqa uva sach'a jina kani, qankunataj chay uva sach'aj yuran jina kankichej. Pillapis noqaman ujchasqallapuni kaj, noqataj payman, chaymá ashkhata poqonqa. Chaywanpis sichus qankunamanta pillapis noqamanta t'aqakun chayqa, mana imatapis ruwayta atenqachu.

Quechua South Bolivia: Dios Parlapawanchej

⁵ ‘Noka cani uva sach'ajina kancunataj ramasniyjina. Nokawan ujchaska cajlla c'acha causayniyoj cashanquichej ashqha pokoyniyoj ramajina. Mana nokawan ujchaska caspaka ni imata ruwayta atinquichejchu.

San Juan 15:5 Referans Kwoze

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

Proverbios 11:30

Cheqan kajta ruwanaqa runata kawsachin, yachayniyojtaj wajkunaj sonqonkuta suwan.

2 Corintios 13:8

Noqayku mana imatapis cheqa kajpa contranta ruwayta atiykuchu. Aswanpis cheqa kajman sayakuspa imatapis ruwanayku tiyan.

San Juan 5:19

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

2 Pedro 3:18

Manachayqa astawan astawan Tukuyta Kamachej Jesucristota rejsinaykichejpaj kallpakuychej, jinallataj Diospa qhasilla k'acha yanapayninpi astawan atinikuychej. Jesucristo may jatunchasqa kachun kunanpis, wiñaypajpis. Ajina kachun.

San Juan 12:24

Chantá rijch'anachinawan parlaspa, nerqa: Kayta sut'ita niykichej: Trigo mujuchus jallp'aman tarpusqa kaspa mana wañunman chayqa, mana poqonmanchu. Sichus wañun chayrí, ashkhata poqonqa.

Romanos 7:4

Ajinallatataj qankunapis, wawqe panaykuna, maypachachus Cristowan wañorqankichej chaypacha, manaña Moisespa kamachisqanpa atiyninpichu kankichej. Kunanrí pichus wañusqamanta kawsarichisqa karqa, chayman ujchasqa kankichej. Ajinamanta Diospaj allin imakunata ruwayta atinchej.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

San Juan 9:33

Manachus chay runa Diospa kachamusqan kanman chayqa, mana imatapis ruwayta atinmanchu, nispa.

Filipenses 4:17

Ajinata nispaqa, noqa mana mask'ashanichu astawan qonawaykichejta. Manachayqa munashani k'acha kasqaykichejrayku jatun t'inkata jap'inaykichejta.

Romanos 6:22

Kunantajrí, juchaj wata runan kanamanta kacharichisqaña kaspa, Diospa wata runan kanaykichejpaj yaykupunkichej. Chaytaj qankunapaj arí sumaj, imajtinchus llimphu kawsayta tarinkichej, chaymantataj wiñay kawsayta jap'inkichej.

Hechos 4:12

Mana waj runanejta pipis qhespichisqa kayta atinmanchu manachayqa Jesucristonejllata. Diosqa tukuynin kay pachapi mana waj sutita churanchu, paypi atinikuspa noqanchej qhespichisqa kananchejpaj, nispa.

1 Corintios 12:12

Kayta nisunman: Runaj ukhunpataqa ashkha iman tiyan. Chaywanpis ukhu ashkha imayoj kashaspapis, ukhoqa ujlla. Ajinallataj Cristoj ukhunwanpis kashan, mayqenchus Iglesian, chaywan.

1 Pedro 2:4

Qankunaqa Tukuyta Kamachej Jesusman qayllaykuychej, imajtinchus payqa Diospa Templonpi kawsashaj aswan sumaj rumi jina. Paytaqa runakuna qhesacharqanku, Diostajrí payta ajllaspa jatuncharqa, may valorniyoj rumi jina kananpaj.

1 Corintios 12:27

Qankunaqa tukuyniykichej Cristoj ukhunmanta kankichej, sapa ujtaj chay ukhoj imankuna kankichej.

Efesios 5:9

Ajinata puriychej, imajtinchus qankuna ukhupi kashaj k'anchayqa allin kajta ruwachiwanchej, cheqan ruwaykunata, cheqa kajta ima.

2 Corintios 9:10

Diosqa pichus tarpojman mujuta qon, pichus mikhojmanpis t'antata qon. Payllataj qankunamanpis tukuy imata qosonqachej, chaytataj mirachenqa, ajinamanta k'acha sonqoyoj kasqaykichejrayku wajkunata ashkhamanta yanapanaykichejpaj.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.

Romanos 12:5

Ajinallataj noqanchejpis ashkha kaspapis, Cristoman ujchasqa uj ukhu jina kanchej. Jinallataj sapa ujninchej ujkunawan sumaj ujchasqallataj kanchej.

1 Corintios 10:16

Tukuyta Kamachej Jesucristoj Cenanpi copamanta Diosta pachis nispa, manachu Cristoj ruwasqanwan ujchakushanchej, maypachachus cruzpi wañuspa yawarninta jich'arqa, chaypacha? Jinallataj t'antata partispa mikhuspapis, manachu Cristoj ruwasqanwan ujchakushanchej, maypachachus cruzpi wañorqa, chaypacha?

Oseas 4:8

Aylluy juchanku pampachasqa kananpaj imatachus qosqankumanta sacerdotekuna kawsanku. Chayrayku sacerdotekuna munanku aylluy juchallinallankutapuni.

San Mateo 13:21

Chaywanpis mana allin saphichasqa kaspa, mana unaytachu sayanku. Manachayqa Diospa simi nisqanta jap'ikusqankurayku llakiy jamojtin, chayrí qhatiykachasqa kaspa, paykuna qhepaman kutirikapunku.